Gujarati News

Gujarati News

News of Tuesday, 17th April 2018

અનિયમિતતા અને ફરજમાં બેદરકારી દાખવતા જસદણનાં ચિફ ઓફિસર ફરજમુકત

જસદણ, તા. ૧૭:  પાલીકામાં નવ માસ પૂર્વે કરાર આધારિત નિમણુક પામેલા નિવૃત મામલતદાર જી.જી.સંતોકીને તાત્કાલીક અસરથી ફરજમુકત કરવા રાજકોટ કલેકટરે હુકમ કર્યો છે.

પાલીકામાં ચીફ ઓફિસર તરીકે છેલ્લા નવ માસથી નિવૃત મામલતદાર જી.જી.સંતોકી કરાર આધારિત ફરજ બજાવતા હતા. તેમના કાર્યકાળ દરમિયાન જસદણ નગરપાલીકામાં અનેક ગેરરીતીની ઉચ્ચકક્ષાએ રજુઆતો થઇ હતી. રાજકોટ કલેકટરે કરેલા હુકમમાં જણાવ્યા મુજબ પ્રાંત અધિકારી જસદણના તપાસ અહેવાલ સહિતની તપાસ સંદર્ભે ચીફ-ઓફિસર જી.જી.સંતોકીની જસદણ નગરપાલીકા કચેરીમાં અનિયમીતતા અને ફરજમાં બેદરકારી બદલ કરાર આધારિત નિમણુકની શરત નં.૨૧ મુજબ કરારનો અંત લાવીને તા.૧૬-૪-૧૮થી ફરજ મુકત કરવામાં આવ્યા છે. અન્ય નિમણુક ન થાય ત્યા સુધી જસદણ મામલતદાર કચેરીના નાયબ મામલતદાર વી.એલ.ધાનાણીને ચીફ ઓફિસરનો ચાર્જ સોંપવામાં આવ્યો છે. આ હુકમનો તાત્કાલિક અસરથી અમલ કરવાનું હુકમમાં જણાવવામાં આવ્યુ હોવાથી શ્રી સંતોકીએ ચાર્જ છોડી દીધો હતો અને નાયબ મામલતદાર વી.એલ.ધાનાણીએ ચીફ ઓફિસરનો ચાર્જ સંભાવ્યો હતો. ચીફ ઓફિસર સંતોકીન ફરજમુકતના પ્રકરણમાં સુત્રોમાંથી પ્રાપ્ત વિગતો મુજબ રોડના કામો કરનાર એજન્સીઓને રકમ ચુકવવની ઉચ્ચ કક્ષાણું મનાઇ કરી હોવા છતા ચોક્કસ કારણોસર મોટી રકમની ચુકવણી વિવિધ એજન્સીઓને કરવામાં આવી હતી.

(11:29 am IST)
  • દૂબઇની રાજકુમારી ગાયબઃ શાસક શેખ મહમ્મદ બિન રાશિદ અલ મખ્તુમની દીકરી શેખ લાતિફાએ સામાન્ય છોકરીની જેમ જીવવાનું એલાન કર્યુ હતું: દૂબઇથી ભાગેલી લાતિફા અરબ સાગરમાં એક નાવમાંથી પકડાઇ હતીઃ મારપીટ કરીને દૂબઇ લાવવામાં આવી હતીઃ લાતિફાના મિત્રો કહે છે, તે ફરી જોવા મળી નથી access_time 3:46 pm IST

  • મોર્ગન સ્ટેનલીની આગાહી :2019માં મોદીનો ભવ્ય વિજય થશે અથવા કોંગ્રેસ બાજી મારશે જે પણ પરિણામ આવે શેરબજાર ઝળહળતું રહેશે :સેન્સેક્સ 41500ને સ્પર્શશે access_time 10:50 pm IST

  • પશ્ચિમ બંગાળમાં જોરદાર આંધી :8ના મોત :કેટલાય ઘાયલ :બે અલગ અલગ જગ્યાએ દુર્ઘટના : મૃતકોમાં ચાર લોકો કોલકાતાના અને ચાર લોકો હાવડાના રહેવાશી access_time 1:35 am IST