Gujarati News

પોરબંદર, તા. ૧૭ : કોંગ્રેસ અગ્રણી નીતિનકુમાર દવેએ કલેકટર હસ્તક મુખ્યમંત્રીશ્રીના સ્વાગત કાર્યક્રમ હેઠળ સીટી સર્વે કચેરીની પ્રોપર્ટી કાર્ડની વિન્ડો અને અર્બન ઇ-ધરા કેન્દ્રનો સમય સવારના ૧૦ વાગ્યાથી સાંજના પઃ૪પ સુધીનો કરવા માંગણી કરી છે.

સીટી સર્વે કચેરીમાં વન-ડે ગર્વનન્સના નામે અને ડીઝીટલ ઇન્ડીયા અંતર્ગત અર્બન ઇ-ધરા કેન્દ્રના નામથી પ્રોપર્ટી કાર્ડ જેવા મહત્વના ડોકયુમેન્ટ આપવા માટે વિન્ડ શરૂ કરવામાં આવેલ. પરંતુ તેનો સમય સવારના ૧૦:૪પ થી ૧રઃ૩૦ બપોરના સુધીનો રાખવામાં આવેલ છે અને ત્યારબાદ આ વિન્ડો બંધ થવાથી અરજદારને ફરજીયાત સીટી સર્વે કચેરીમાં જઇ અને પ્રોપર્ટી કાર્ડ કઢાવવું પડે છે અને તેમાં પણ અરજદારને કાલે આવજો તેવો જવાબ આપવામાં આવે છે તેમ રજૂઆતમાં જણાવ્યું છે.