Gujarati News

Gujarati News

News of Wednesday, 17th February 2021

ધોરાજીની ઝાંઝમેર બેઠક ઉપર ભાજપમાંથી ઉમેદવારી ફોર્મ પર ખેંચનાર ડો.ચિરાગ દેસાઈએ ફિનાઈલ પી લીધું

ફોર્મ પરત ખેચી લેતા કોંગેસની બેઠક બિન હરીફ જાહેર થઈ : ડો, ચિરાગ દેસાઈની હાલત ગંભીર હોવાથી તાત્કાલિક હોસ્પિટલ ખસેડયા

ધોરાજીની ઝાંઝમેર બેઠક ઉપર ભાજપમાંથી ઉમેદવારી ફોર્મ પર ખેંચનાર ડો.ચિરાગ દેસાઈએ ફિનાઈલ પી લીધું હતું. તેમની હાલત ગંભીર હોવાથી તેઓને સારવાર માટે તાત્કાલિક હોસ્પિટલ ખસેડવામાં આવ્યા છે. આ બનાવને લઈ પોલીસે વધુ તપાસ હાથ ધરી છે.

ઝાંઝમેરના ભાજપના ઉમેદવાર ડો. ચિરાગ રમેશભાઈ દેસાઈએ ઉમેદવારી ફોર્મ પરત ખેચી લેતા કોંગેસની બેઠક બિન હરીફ જાહેર થઈ છે. ત્યારે ઝાંઝમેર સીટ પર ભાજપમાંથી ઉમેદવારી ફોર્મ ભરી ઉમેદવારી પાછી ખેંચી લેનાર ઉમેદવાર ડો. ચિરાગ દેસાઇએ કોઈ કારણોસર ફિનાઈલ પી લેતા ખાનગી હોસ્પિટલમાં સારવારમાં ખસેડાયા છે.જો કે, હાલ આ બનાવ રાજકારણમાં ભારે ચર્ચાનો વિષય બની ગયો છે

આ બનાવ અગે પોલીસે જણાવ્યું છે કે, ધોરાજીના હિરપરા વાડી ખાતે રહેતા ડો.ચિરાગ રમેશભાઈ દેસાઈ નામના વ્યક્તિએ ફિનાઈલ પી લેતા તેઓ બેભાન થઈ ગયા હતા. જેથી તેઓને તાત્કાલિક સારવાર માટે ખાનગી હોસ્પિટલે આવ્યા હતા. બાદમાં પોલીસને જાણ થતા સ્ટાફ હોસ્પિટલ ખાતે દોડી આવ્યો હતો અને તપાસ હાથ ધરી હતી. હાલ ડો. ચિરાગ દેસાઇ ભાનમાં ન હોવાથી તેમના ભાનમાં આવ્યા બાદ પોલીસ દ્વારા નિવેદન નોંધવામાં આવનાર છે.

ધોરાજી તાલુકા પંચાયતની ચૂંટણીમાં ભાજપના ઉમેદવારે ઉમેદવારી ફોર્મ પરત ખેચી લીધાના બીજા દિવસે ઝેરી દવા પી લીધાનો બનાવ ટોક ઓફ ધ ટાઉન બન્યો છે. ત્યારે સત્ય હકીકત ડો.ચિરાગ દેસાઈ ભાનમાં આવે ત્યારે જ જાણી શકાશે.

(9:34 pm IST)
  • ફાસ્ટેગનું અભૂતપૂર્વ વેચાણ : એક જ દિ'માં ૨.૫ લાખ 'ફાસ્ટેગ' ગઈકાલે વેચાયા : અમલના પ્રથમ દિવસે જ ૮૭.૧૬ કરોડ રૂ.નો ટોલ વસૂલાયો : ફાસ્ટટેગ દ્વારા ટોલ કલેકશન ૮૭% એ પહોંચ્યુ : ૮૫% વાહનો ફાસ્ટટેગ દ્વારા ટોલ ચૂકવી રહ્યા છે : ગઈકાલે પ્રથમ દિવસે જ નેશનલ હાઈવે ઓથોરીટી ઓફ ઈન્ડિયા (એન.એચ.ઓ.આઈ.)એ તેના ૬૩૦ નેશનલ હાઈવે ટોલ પ્લાઝા ઉપર (ફાસ્ટટેગ દ્વારા) ૧૦૦% કેસલેસ ફી વસૂલ કરી access_time 4:19 pm IST

  • ક્રૂડ તેલના ભાવો ૧૩ મહિનાની સર્વોચ્ચ સપાટીએ : કોરોનાની અસર ઘટવા લાગતા ઈકોનોમી રીકવર થવાની આશાએ ક્રૂડના ભાવો હજુ વધી શકે છે : ભાવોની તેજીને લીધે ઘરઆંગણે પેટ્રોલ - ડિઝલના ભાવો ૯૦ થી ૧૦૦ રૂ. જેવા અભૂતપૂર્વ થઈ ગયા છે. access_time 2:53 pm IST

  • એમ.જે. અકબરનો બદનક્ષીનો કેસ અદાલતે ફગાવી દીધો : પ્રિયા રામાણીને છોડી મૂકવા આદેશ : દિલ્હીની અદાલતે સુપ્રસિદ્ધ પત્રકાર એમ.જે. અકબરે મહિલા પત્રકાર પ્રિયા રામાણી વિરૂદ્ધ કરેલ બદનક્ષી કેસમાં પ્રિયા રામાણીને નિર્દોષ છોડી મૂકવાનો હુકમ કર્યો છે : ન્યાયાધીશ રવિન્દ્રકુમાર પાંડેએ કહયુ હતું કે અકબર દ્વારા કરવામાં આવેલ ફરીયાદ પુરવાર થતી નથી અને એક મહિલાને દાયકાઓ પછી પણ પોતાને થયેલ અન્યાય અંગે રજૂઆત કરવા પૂરો અધિકાર છે : અદાલતે ભરચક્ક કોર્ટ રૂમમાં ચુકાદો આપતા કહેલ કે સ્વાભિમાનના હક્કની કિંમતે પ્રતિષ્ઠાના હક્કનું રક્ષણ કરી શકાય નહિં access_time 4:40 pm IST