Gujarati News

Gujarati News

News of Wednesday, 17th February 2021

સાવરકુંડલા નગરપાલિકામાં પોલીસ ચોપડે નોંધાયેલા પૂર્વ પ્રમુખ ડી.કે. પટેલને ટિકીટ અપાતા વિવાદ : જેસર રોડ પર બેનરો લાગ્યા

(ઇકબાલ ગોરી દ્વારા) સાવરકુંડલા, તા. ૧૭ :  સ્થાનિક સ્વરાજની ચૂંટણીમાં તાલુકા પંચાયત જિલ્લા પંચાયત અને નગરપાલિકામાં તમામ પક્ષોએ પોતાની ઉમેદવારી નોંધાવી છે ત્યારે દેશની અને દુનિયાની સૌથી મોટી પાર્ટી અને જે ભ્રષ્ટાચાર વિરુદ્ધ ની પાર્ટી છે  ત્યારે સાવરકુંડલા નગરપાલિકામાં પૂર્વ પ્રમુખ ડી કે પટેલ ને  ભાજપ દ્વારા ટિકિટ આપી છે અને પોતાની ઉમેદવારી પણ નોંધાવી દીધી છે અને આ ઘટનાથી સાવરકુંડલા શહેરમાં ટોક ઓફ ધ ટાઉન બની છે અને તેના વિરુદ્ધ જેસર રોડ પર હિષ્ટ્રિશીટર હોય જે અંગે બેનરો લાગ્યા છે

પોલીસ ચોપડે નોંધાયેલા અને પોલીસ દ્વારા  જાહેર કરાયેલી યાદી સાવરકુંડલા માં રહેતા દુર્લભજીભાઈ કલ્યાણભાઈ જયાણી ઉર્ફે ડી.કે. પટેલને ટીકીટ ફાળવવામાં આવી છે અને તેમણે પોતાનું ઉમેદવારીપત્ર પણ સાવરકુંડલા નગરપાલિકામાં રજુ કરેલ છે તેમના પર લગાડવામાં આવેલી કલમો પર નજર કરીએ તો ૯૨/૯પ આઇપીસી  ૧૮૮ ૭૨/૧૮  આઇપીસી  ૧૨૦ બી ૨૯૫ ૧૪૩ ૧૪૭ ૧૪૯ ૧૫૧ ૧૫૩ ૪૨૭ ૩૩૨ ૫૦૪ ૫૦૬ (૨) જેવી કલમ લાગેલ છે ડી.કે.પટેલ જ્યારે નગરપાલિકાના પ્રમુખ હતા ત્યારે રૂપિયા ૧ લાખની લાંચ લેતા રંગેહાથ ઝડપાયા હતા અને ભાજપ પક્ષે તેમને સસ્પેન્ડ પણ કર્યા હતા  પોલીસ ચોપડે યાદીમાં છે ત્યારે આવા લિસ્ટમાં સામેલ યાદીમાં આ  નામ હોય લોકોમાં અનેક પ્રકારની ચર્ચાઓ થઈ રહી છે જોકે હિસ્ટ્રીશીટર ડી.કે.પટેલ ભારતીય જનતા પાર્ટીના હોદ્દેદારો સમક્ષ ટીકીટ માગી ત્યારે એવું પણ જણાવ્યું હતું કે મને ભાજપની ટિકીટ આપવામાં આવે અને નગરપાલિકાનો સુકાન મને સોંપવામાં આવે તો હું સાવરકુંડલા શહેરને મારા સપનાંનું શહેર બનાવીશ પરંતુ તેમનું નામ યાદીમાં હોય પક્ષે ઘણું વિચાર્યું પરંતુ આખરે જિલ્લાના અને સ્થાનિક હોદ્દેદારો ડીકે પટેલના નામ ઉપર મહોર મારી અને ભાજપ માટે અને સાવરકુંડલા શહેરીજનો માટે એક ચર્ચાનો વિષય બનાવી દીધો છે આગામી સમયમાં લોકો આ ઉમેદવાર માટે કેવો સહકાર આપશે તે હવે જોવાનું રહેશે પરંતુ હાલ આ વિવાદિત  પૂર્વ  પ્રમુખ ને ટીકીટ આપતા તેમના વિરુદ્ધ વોર્ડ નંબર આંઠ જેસર રોડ પર તેમના બેનરો લાગ્યા છે જેથી હાલ આ વિષય ચર્ચામાં સ્થાન પામ્યો છે.

(12:57 pm IST)
  • ક્રૂડ તેલના ભાવો ૧૩ મહિનાની સર્વોચ્ચ સપાટીએ : કોરોનાની અસર ઘટવા લાગતા ઈકોનોમી રીકવર થવાની આશાએ ક્રૂડના ભાવો હજુ વધી શકે છે : ભાવોની તેજીને લીધે ઘરઆંગણે પેટ્રોલ - ડિઝલના ભાવો ૯૦ થી ૧૦૦ રૂ. જેવા અભૂતપૂર્વ થઈ ગયા છે. access_time 2:53 pm IST

  • વડોદરામાં કોંગ્રેસને બે આંકડામાં પણ બેઠક નહીં મળે પાટીલનો લલકાર: ભાજપના પ્રદેશ અધ્યક્ષ સી.આર.પાટિલે વડોદરા ખાતે ધડાકો કરતા કહ્યું છે કે વડોદરામાં કોંગ્રેસને બે આંકડામાં પણ બેઠકો નહીં મળે. રાહુલ ગાંધીએ ગુજરાતનું અપમાન કર્યુ છે તે જનતા સહન નહિ કરે. access_time 12:45 am IST

  • ૨૨ પ્રધાનો અને ૧૧૦ સાંસદો મેદાનમાં ઉતારશે ભાજપ : આગામી એપ્રિલ મહિનામાં આવી રહેલ પશ્ચિમ બંગાળની જબરદસ્ત રસાકસીવાળી ચૂંટણીમાં ભારતીય જનતા પક્ષે તેના ૨૨ જેટલા કેન્દ્રીય પ્રધાનોને બંગાળમાં ઉતારવાનો નિર્ણય લીધો છે. ભાજપે પશ્ચિમ બંગાળમાં ૧૧૦ જેટલી મહત્વની બેઠકો અલગ તારવી છે અને આ બેઠકો માટે સાંસદ સભ્યો પણ નક્કી કરવામાં આવ્યા છે જે આ બેઠકો માટે પ્રચાર કાર્ય કરશે અને છેવટ સુધી પશ્ચિમ બંગાળમાં કેમ્પ કરી રોકાશે. access_time 2:53 pm IST