Gujarati News

Gujarati News

News of Wednesday, 17th February 2021

ગારીયાધર પાસે પુત્રીના એકટીવા પાછળથી પડી જતા માતા રંજનબેનનું મોત

કાલાવડ રોડ આવાસના કવાર્ટરમાં રહેતા માતા-પુત્રી લગ્ન પ્રસંગમાંથી પરત આવતી વખતે બનાવ

રાજકોટ,તા.૧૭ : કુવાડવા નજીક ગારીયાધર પાસે પુત્રીના એકટીવા પાછળથી પડી જતા માતાનું રાજકોટની સિવિલ હોસ્પિટલમાંસ મોત નિપજ્યુ હતું.

મળતી વિગત મુજબ કાલાવડ રોડ પર વૃંદાવન સોસાયટીની પાછળ આવેલા આવાસ યોજનાના કવાટરમાં રંજનબેન ચમનભાઇ સાકરીયા (ઉવ.૪૫) પુત્રી સાથે ગારીયાધર લગ્નમાં ગયા હતા લગ્ન પુર્ણ કરી રંજનબેન પુત્રીના એકટીવા પાછળ બેસીને રાજકોટ આવતા હતા ત્યારે ગારીયાધર પાસે રોડ પર ખાડો તારવવા જતા રંજનબેન એકટીવા પરથી પડી જતા તેને માથા તથા શરીરે ઇજા થતા સારવાર માટે રાજકોટની સિવિલ હોસ્પિટલમાં ખસેડાયા હતા ત્યાં તેનું સારવાર દરમ્યાન મોત નિપજ્યું હતું મૃતક રંજનબેન તેના બે પુત્ર અને એક પુત્રી સાથે રહેતા હતા આ બનાવ અંગે કુવાડવા રોડ પોલીસ મથકના હેડ કોન્સ મહાવિરસિંહએ કાર્યવાહી કરી હતી.

(12:53 pm IST)
  • દક્ષિણ કોરિયાની ગુપ્તચર સેવાએ દાવો કર્યો છે કે ઉત્તર કોરિયન હેકરોએ કોરોના વાયરસ રસી અને સારવારથી સંબંધિત માહિતી ચોરી કરવાનો પ્રયાસ કર્યો છે. જો કે દક્ષિણ કોરિયાના એક સાંસદે દાવાને નકારી દીધો હતો, જે મુજબ રસી ઉત્પાદક ફાઈઝર કંપની હેકરોના નિશાના પર હતી. access_time 12:20 am IST

  • કર્ણાટકના પૂર્વ મુખ્ય પ્રધાન અને કોંગ્રેસના વરિષ્ઠ નેતા સિદ્ધારમૈયાએ કહ્યું છે કે તેઓ રામ મંદિર માટે દાન નહીં આપે. તે જ સમયે, જેડીએસ નેતા અને ભૂતપૂર્વ સીએમ એચડી કુમારસ્વામીના નિવેદનથી વિશ્વ હિન્દુ પરિષદ ગુસ્સે ભરાયું છે : વિવાદિત નિવેદન આપતા સિદ્ધારમૈયાએ કહ્યું હતું કે, 'જો તેઓ મારી પાસે ભંડોળ માંગવા આવે તો હું કહીશ કે હું અયોધ્યાના "વિવાદિત" રામ મંદિર માટે દાન નહીં આપું. હું બીજે ક્યાંક પણ નિર્માણ પામનારા રામ મંદિર માટે દાન આપીશ. આ મામલો થાળે પડ્યો હોવા છતાં વિવાદ હંમેશા રહેશે જ!' access_time 12:20 am IST

  • ક્રૂડ તેલના ભાવો ૧૩ મહિનાની સર્વોચ્ચ સપાટીએ : કોરોનાની અસર ઘટવા લાગતા ઈકોનોમી રીકવર થવાની આશાએ ક્રૂડના ભાવો હજુ વધી શકે છે : ભાવોની તેજીને લીધે ઘરઆંગણે પેટ્રોલ - ડિઝલના ભાવો ૯૦ થી ૧૦૦ રૂ. જેવા અભૂતપૂર્વ થઈ ગયા છે. access_time 2:53 pm IST