Gujarati News

Gujarati News

News of Wednesday, 17th February 2021

અમરેલી જીલ્લાની ૫ પાલિકા -૧૧ તાલુકા પંચાયત અને ૧ જીલ્લા પંચાયત માટે ૧૦૬૪ ઉમેદવારો મેદાનમાં

(અરવિંદ નિર્મળ દ્વારા) અમરેલી,તા. ૧૭: અમરેલી જિલ્લામાં સ્થાનિક સ્વરાજ્યની સંસ્થાઓની ચૂંટણીની ઉમેદવારીની વિધિ પૂર્ણ થતા જે ફાઇનલ ચિત્ર સામે આવ્યું છે. અમરેલી જિલ્લામાં પાંચ પાલિકા તથા અગિયાર તાલુકા પંચાયતો અને એક જિલ્લા પંચાયત માટે કુલ ૧૦૬૪ ઉમેદવારો વચ્ચે ચુંટણી જંગ લડાશે.

આજે ઉમેદવારી પાછી ખેંચવાના અંતિમ દિવસે તાલુકા પંચાયતોમાં ૧૭ ફોર્મ પાછા ખેંચાતા ૧૧ તાલુકા પંચાયતોની ૧૭૪ બેઠકો માટે ૫૧૪ ઉમેદવારો મેદાનમાં રહ્યા છે. જ્યારે તાલુકા પંચાયત બાબરાની કરીયાણા અને ખંભાળા બેઠકમાં કોંગ્રેસના ઉમેદવારોએ ઉમેદવારી પત્ર પરત ખેંચતા ભાજપના ઉમેદવારો બીનહરીફ થયા છે.

અમરેલી, સાવરકુંડલા, બાબરા, બગસરા અને દામનગર નગરપાલિકામાં કુલ ૧૧ ઉમેદવારીપત્રો પાછા ખેંચતા અમરેલીમાં ૧૨૯, સાવરકુંડલામાં ૧૦૫, બાબરામાં ૬૧, બગસરામાં ૮૭, અને દામનગરમાં ૮૧ મળી કુલ ૪૬૩ ઉમેદવારો મેદાનમાં રહ્યા છે. અમરેલી જિલ્લા પંચાયતમાં આજે ૨ ફોર્મ પાછા ખેંચાતા ૯૧ ઉમેદવારો વચ્ચે જંગ છેડાશે. ઉમેદવારીપત્રોની વિધિપૂર્ણ થતા હવે ઉમેદવારોએ કાર્યાલય ખોલવા સહિતની પ્રચાર પ્રસારની કામગીરી શરૂ કરશે.

(12:52 pm IST)
  • હાઈકોર્ટમાં ન્યાયાધીશના ૪૦૦ પદ ખાલી : નવી દિલ્હી : દેશભરની ૨૫ હાઈકોર્ટોમાં ૪૦૦ જેટલી જગ્યાઓ ઉપર ન્યાયાધીશોની નિમણુંકો કરવાનું બાકી છે : આ બધા પદ ખાલી છે ત્યારે સુપ્રિમ કોર્ટમાં ૪ જજાના પદ ખાલી છે. access_time 11:17 am IST

  • ભારતમાં ૨૪ કલાકમાં કુલ કોરોના કેસ ૧૧,૦૦૦ નોંધાયા જ્યારે જ્યારે કેરળમાં પાંચ હજાર અને મહારાષ્ટ્રમાં ૩૬૦૦ કેસ નોંધાયા: દેશમાં કુલ કોરોના કેસના ૭૫ ટકા કેસો આ બે રાજ્યોમાં નોંધાયા છે access_time 12:35 pm IST

  • ક્રૂડ તેલના ભાવો ૧૩ મહિનાની સર્વોચ્ચ સપાટીએ : કોરોનાની અસર ઘટવા લાગતા ઈકોનોમી રીકવર થવાની આશાએ ક્રૂડના ભાવો હજુ વધી શકે છે : ભાવોની તેજીને લીધે ઘરઆંગણે પેટ્રોલ - ડિઝલના ભાવો ૯૦ થી ૧૦૦ રૂ. જેવા અભૂતપૂર્વ થઈ ગયા છે. access_time 2:53 pm IST