Gujarati News

Gujarati News

News of Wednesday, 17th February 2021

પોલિટેકનિક કોલેજ જામનગર ખાતે મતદાન જાગૃતિ

જામનગરઃ સ્થાનિક સ્વરાજયની ચૂંટણી-૨૦૨૧અન્વયે જામનગર મહાનગરપાલિકાનું મતદાન તા.૨૧/૦૨/૨૦૨૧ના રોજ તેમજ નગરપાલિકા, તાલુકા પંચાયત, જિલ્લા પંચાયતોનું મતદાન તા.૨૮/૦૨/૨૦૨૧ના રોજ યોજાનાર છે. ત્યારે જામનગર શહેર તેમજ ગ્રામ્ય વિસ્તારના વધુમાં વધુ નાગરિકો મતદાન કરે તેવા આશય થકી જામનગરની પોલિટેકનિક કોલેજ ખાતે યુવા મતદાતાઓ તેમજ કોલેજના સ્ટાફ દ્વારા નિર્ભય નિષ્પક્ષ મતદાન કરવાના શપથ લેવામાં આવ્યા હતા. જેમાં મતદાન જાગૃતિ અભિયાનના નોડલ અધિકારી અને જિલ્લા શિક્ષણાધિકારીશ્રી ડોડીયા,નોડલઅધિકારી અને જિલ્લા યુવા વિકાસ અધિકારીશ્રી નીતાબેન વાળા, શિક્ષણ નિરીક્ષકશ્રી બીનાબેન દવે તેમજ પોલીટેકનીક કોલેજના પ્રિન્સીપાલશ્રી ઉપસ્થિત રહ્યા હતા.

(12:50 pm IST)
  • કર્ણાટકના પૂર્વ મુખ્ય પ્રધાન અને કોંગ્રેસના વરિષ્ઠ નેતા સિદ્ધારમૈયાએ કહ્યું છે કે તેઓ રામ મંદિર માટે દાન નહીં આપે. તે જ સમયે, જેડીએસ નેતા અને ભૂતપૂર્વ સીએમ એચડી કુમારસ્વામીના નિવેદનથી વિશ્વ હિન્દુ પરિષદ ગુસ્સે ભરાયું છે : વિવાદિત નિવેદન આપતા સિદ્ધારમૈયાએ કહ્યું હતું કે, 'જો તેઓ મારી પાસે ભંડોળ માંગવા આવે તો હું કહીશ કે હું અયોધ્યાના "વિવાદિત" રામ મંદિર માટે દાન નહીં આપું. હું બીજે ક્યાંક પણ નિર્માણ પામનારા રામ મંદિર માટે દાન આપીશ. આ મામલો થાળે પડ્યો હોવા છતાં વિવાદ હંમેશા રહેશે જ!' access_time 12:20 am IST

  • ૨૨ પ્રધાનો અને ૧૧૦ સાંસદો મેદાનમાં ઉતારશે ભાજપ : આગામી એપ્રિલ મહિનામાં આવી રહેલ પશ્ચિમ બંગાળની જબરદસ્ત રસાકસીવાળી ચૂંટણીમાં ભારતીય જનતા પક્ષે તેના ૨૨ જેટલા કેન્દ્રીય પ્રધાનોને બંગાળમાં ઉતારવાનો નિર્ણય લીધો છે. ભાજપે પશ્ચિમ બંગાળમાં ૧૧૦ જેટલી મહત્વની બેઠકો અલગ તારવી છે અને આ બેઠકો માટે સાંસદ સભ્યો પણ નક્કી કરવામાં આવ્યા છે જે આ બેઠકો માટે પ્રચાર કાર્ય કરશે અને છેવટ સુધી પશ્ચિમ બંગાળમાં કેમ્પ કરી રોકાશે. access_time 2:53 pm IST

  • ટૂલકિટ કેસમાં શાંતનુ મુલુકના આગોતરા મંજુર: ટૂલકિટ કેસ: બોમ્બે હાઇકોર્ટે શાંતનુ મુલુકને ટ્રાન્ઝિટ આગોતરા જામીન આપ્યા; નિકિતા જૈકબની અરજી પર સુનાવણી આવતીકાલ સુધી સ્થગિત કરવામાં આવી access_time 12:43 am IST