Gujarati News

Gujarati News

News of Wednesday, 17th February 2021

ચેક રીટર્ન કેસમાં જામનગરના રહીશનો જુદાજુદા બે ફોજદારી કેસોમાં નિર્દોષ છુટકારો

જામનગર, તા., ૧૭: ફરીયાદી ચેકનો ધારણકર્તા નથી તેવું ઠરાવી મહેસાણાની કોર્ટમાં જામનગરના રહીશનો ર ફોજદારી કેસમાં નિર્દોષ છુટકારો ફરમાવેલ હતો.

સદરહું કેસની વિગત એવી છે કે જામનગરના રહેવાસી ધર્મેન્દ્ર શાંતીલાલ ઠાકરે આઇસીઆઇસીઆઇ બેંક જામનગર પાસેથી પર્સનલ લોન રૂ. પ૦,૪૦૮ની લીધેલ અને તેનું વ્યાજ ૪૦ ટકા હતું. આરોપી ધર્મેન્દ્ર શાંતીલાલ ઠાકરે સને ર૦૦૭ની સાલમાં લોન લીધેલી અને ર૦૦૯ ની સાલ સુધી ર૪૪પના માસીક હપ્તા ભરેલા ત્યારબાદ આઇસીઆઇસીઆઇ બેંકે આરોપી ધર્મેન્દ્ર શાંતીલાલ ઠાકરનું એકાઉન્ટ કલોઝ નોટીસ આપ્યા વગર કરી નાખેલુ અને ર૦૦૯ ની સાલથી ર૦૧રની સાલ સુધી સદરહું લોન વસુલાત કરવા અંગેની કાર્યવાહી કરેલ નહી અને ર૦૧રની સાલમાં મહેસાણા મુકામેની રીયા કેપલીઝ કંપનીને સદરહું ચેક ચેકની પાછળ એન્ડોર્સ કરી અને વસુલાત માટે રીયા કેપલીઝને આપેલા અને પાવર ઓફ એટર્ની પણ આપેલું જે પાવર ઓફ એટર્ની નોટરી એકટની વિરૂધ્ધ હતુ અને તે પાવર ઓફ એટર્નીના આધારે રીયા કેપલીઝ કંપનીએ ફરીયાદ મહેસાણાની કોર્ટમાં પાવર ઓફ એટર્ની હોલ્ડરના દરજ્જે કમશીભાઇ ભુંગડે દાખલ કરેલ અને વેરીફીકેશન કોર્ટ સમક્ષ આપેલ. કોર્ટે તે વેરીફીકેશનના આધારે  આરોપી સામે નેગો. ઇન્સ્ટુ. એકટ અન્વયે સમન્સ ઇસ્યુ કરેલા, આરોપીએ કોર્ટ સમક્ષ હાજર થઇ ગુનાનો ઇન્કાર કરેલ કોર્ટે બંને પક્ષોને ફરીયાદી તથા આરોપીને સાંભળી બંને પક્ષોના પુરાવા લઇ દલીલો સાંભળી તેમાં આરોપી તરફે મુખ્યત્વે એવી તકરાર હતી કે ફરીયાદીનું લેણું લો ઓફ લીમીટેશન બહારનું છે. ફરીયાદી ચેકનો ધારણ કર્તા નથી. તેમજ કોર્ટને ફરીયાદ ચલાવવાની હકુમત નથી. તેમજ ફરીયાદીએ આર.બી.આઇ.ની ગાઇડ લાઇનનું પાલન કરેલ નથી. ચેકો આર.બી.આઇ.ની ગાઇડ લાઇન વિરૂધ્ધના છે. સહીતની વિવિધ તકરારો કોર્ટ સમક્ષ આરોપીએ લીધેલી. ચુકાદો આપી ઠરાવ્યું કે આઇસીઆઇસીઆઇ બેંક મુળભુત ફરીયાદી નથી તેમજ રીયા કેપલીઝ કાયદા મુજબના ફરીયાદી ન હોય તેવું ઠરાવી આરોપી ધર્મેન્દ્ર શાંતીલાલ ઠાકરને કેસ નં. ૬૭૧ર/૨૦૧૫ તેમજ ૬૭૧૪/૨૦૧પના બંને કેસોમાં નિર્દોષ ઠરાવતો ચુકાદો આપેલ. આરોપી તરફે જામનગરના એડવોકેટ શ્રી ભરત એસ.ઠાકર રોકાયેલા હતા.

(12:48 pm IST)
  • ફાસ્ટેગનું અભૂતપૂર્વ વેચાણ : એક જ દિ'માં ૨.૫ લાખ 'ફાસ્ટેગ' ગઈકાલે વેચાયા : અમલના પ્રથમ દિવસે જ ૮૭.૧૬ કરોડ રૂ.નો ટોલ વસૂલાયો : ફાસ્ટટેગ દ્વારા ટોલ કલેકશન ૮૭% એ પહોંચ્યુ : ૮૫% વાહનો ફાસ્ટટેગ દ્વારા ટોલ ચૂકવી રહ્યા છે : ગઈકાલે પ્રથમ દિવસે જ નેશનલ હાઈવે ઓથોરીટી ઓફ ઈન્ડિયા (એન.એચ.ઓ.આઈ.)એ તેના ૬૩૦ નેશનલ હાઈવે ટોલ પ્લાઝા ઉપર (ફાસ્ટટેગ દ્વારા) ૧૦૦% કેસલેસ ફી વસૂલ કરી access_time 4:19 pm IST

  • ૨૨ પ્રધાનો અને ૧૧૦ સાંસદો મેદાનમાં ઉતારશે ભાજપ : આગામી એપ્રિલ મહિનામાં આવી રહેલ પશ્ચિમ બંગાળની જબરદસ્ત રસાકસીવાળી ચૂંટણીમાં ભારતીય જનતા પક્ષે તેના ૨૨ જેટલા કેન્દ્રીય પ્રધાનોને બંગાળમાં ઉતારવાનો નિર્ણય લીધો છે. ભાજપે પશ્ચિમ બંગાળમાં ૧૧૦ જેટલી મહત્વની બેઠકો અલગ તારવી છે અને આ બેઠકો માટે સાંસદ સભ્યો પણ નક્કી કરવામાં આવ્યા છે જે આ બેઠકો માટે પ્રચાર કાર્ય કરશે અને છેવટ સુધી પશ્ચિમ બંગાળમાં કેમ્પ કરી રોકાશે. access_time 2:53 pm IST

  • દેશમાં કોરોના ધીમો પડ્યો :મૃત્યુઆંક 1.56 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 12,418 કેસ નોંધાયા :કુલ કેસની સંખ્યા 1, 09,49,546 થઇ :એક્ટિવ કેસ 1,34,244 થયા: વધુ 11,750 દર્દીઓ સ્વસ્થ થતા કુલ 1,06,54,706 થયા :વધુ 89 લોકોના મોત સાથે કુલ મૃત્યુઆંક 1,56,038 થયા access_time 1:02 am IST