Gujarati News

Gujarati News

News of Wednesday, 17th February 2021

૧પ 'દિમાં સોમનાથ મહાદેવના દર્શને ર.૪૪ લાખ ભાવિકો

કોરોના સંકટ ઘટતા પ્રથમ જયોર્તિલીંગ પરિસર ભાવિકોથી ધમધમતુ થયું

( મીનાક્ષી-ભાસ્કર વૈદ્ય દ્વારા) પ્રભાસ-પાટણ  તા.૧૭ : કોરોના સંકટ હળવું થતાં અગર ઘટતા જ સોમનાથ મહાદેવના મંદિરે શ્રદ્ધાળુ -ભાવિકો દર્શને ઉમટી શિવમય બની રહ્યા છે.

સોમનાથ ટ્રસ્ટના ટ્રસ્ટી-સચિવ પ્રવિણભાઇ લહેરીના માર્ગદર્શન હેઠળ ટ્રસ્ટ જનરલ મેનેજર વિજયસિંહ ચાવડા કહે છે. ફેબ્રુઆરીના માત્ર પંદર જ દિવસમાં ર લાખ ૪૪ હજાર ૩૪૩ ભાવિકોએ સોમનાથ મહાદેવના દર્શન કર્યા જે મહિના અંતે આ આંક પાંચ લાખની લગભગ નજદીક પહોંચી જશે ખાસ કરીને શનિ-રવિ-સોમવાર તો યાત્રિકો ખૂબ જ દર્શન માટે આવે છે. જે માત્ર ત્રણ જ દિવસોમાં ૬૬૦૦૦ થી વધુ દર્શનાર્થીઓ દર્શન લાભ ધન્ય બને છે.

શનિ-રવિ જાહેર રજા અને સોમવાર શિવવાર દર્શન મહિમાને કારણે આ પ્રવાહ રહે છે. નવેમ્બર ર૦ર૦ થી જાન્યુઆરી ર૧ ઉતરોતર યાત્રીકોનો વધારો થતો જ રહ્યો છે. જેમાં પરપ્રાંતના યાત્રિકો પણ પુષ્કળ સંખ્યામાં આવે છે.

(11:23 am IST)
  • એમ.જે. અકબરનો બદનક્ષીનો કેસ અદાલતે ફગાવી દીધો : પ્રિયા રામાણીને છોડી મૂકવા આદેશ : દિલ્હીની અદાલતે સુપ્રસિદ્ધ પત્રકાર એમ.જે. અકબરે મહિલા પત્રકાર પ્રિયા રામાણી વિરૂદ્ધ કરેલ બદનક્ષી કેસમાં પ્રિયા રામાણીને નિર્દોષ છોડી મૂકવાનો હુકમ કર્યો છે : ન્યાયાધીશ રવિન્દ્રકુમાર પાંડેએ કહયુ હતું કે અકબર દ્વારા કરવામાં આવેલ ફરીયાદ પુરવાર થતી નથી અને એક મહિલાને દાયકાઓ પછી પણ પોતાને થયેલ અન્યાય અંગે રજૂઆત કરવા પૂરો અધિકાર છે : અદાલતે ભરચક્ક કોર્ટ રૂમમાં ચુકાદો આપતા કહેલ કે સ્વાભિમાનના હક્કની કિંમતે પ્રતિષ્ઠાના હક્કનું રક્ષણ કરી શકાય નહિં access_time 4:40 pm IST

  • કાલે રેલ રોકો આંદોલનને સમર્થન : પંજાબમાં હવે કિશાન પંચાયતો નહિં યોજાય ૩૨ જથ્થાબંધ માર્કેટ દ્વારા નિર્ણય : સોનીપત : પંજાબની ૩૨ જથ્થાબંધ ખેડૂત માર્કેટ દ્વારા મંગળવારે યોજાયેલ બેઠકમાં હવે પછી કોઈ ખેડૂત પંચાયતો નહિં મળે : માત્ર સંયુકત કિશાન મોરચો દિશા - નિર્દેશ આપે ત્યારે જ પંચાયત બોલાવાશે : કુંડલી સહિત દિલ્હી અને અન્ય સરહદો પર ચાલી રહેલ કિશાન આંદોલનને વેગ આપવાનો નિર્ણય પણ લેવાયો હતો : કાલે ૪ કલાકનું ‘રેલ રોકો’ યોજાયુ છે તેને સમર્થન આપવા ચર્ચા થયેલ. access_time 11:15 am IST

  • બ્રહ્મમૂહૂર્તમાં બદ્રીનાથના કમાડ ૧૮મેએ ખુલશે : નરેન્દ્રનગર : સુપ્રસિદ્ધ યાત્રાધામ બદ્રીનાથના કમાડ ૧૮મેના રોજ બ્રહ્મ મુહૂર્તમાં સવારે ૪:૧૫ કલાકે ખોલવામાં આવશે. અભિષેક માટે ૨૯ એપ્રિલે નરેન્દ્રનગર રાજ દરબારમાં સુહાગીન મહિલાઓ દ્વારા તલનું તેલ પૂરવામાં આવશે access_time 11:17 am IST