Gujarati News

Gujarati News

News of Wednesday, 17th February 2021

પાલીતાણાનાં નાનીમાળમાં એક સાથે ૮૦ મરઘાના મોતઃ બર્ડ ફલુની આશંકા

મૃતદેહોના સેમ્પલો લઇને લેબોરેટરીમાં પરિક્ષણ માટે મોકલાયા

ભાવનગર તા. ૧૭: પાલીતાણા તાલુકાના નાનીમાળ ગામે છેલ્લા અઠવાડિયામાં ૮૦ કરતાં વધુ દેશી મરઘાના મોત નિપજતા સ્થાનિક લોકોમાં ભયનો માહોલ ફેલાયો છે. આ અંગેની જાણ થતાં તંત્ર નાનીમાળ ગામે દોડી ગયો હતો અને તપાસ હાથ ધરી હતી. ભાવનગર જિલ્લામાં મહુવા તાલુકામાં અસંખ્ય મરઘાઓના મોત બાદ મૃત મરઘાના સેમ્પલ લેવામાં આવતા તેનો રિપોર્ટ પોઝિટિવ આવ્યો હતો, જો કે પાલીતાણા તાલુકાના નાનીમાળ ગામે છેલ્લા અઠવાડિયાથી કોઇ અગમ્ય કારણોસર ૮૦ દેશી મરઘાના મોત થઇ રહ્યા છે, જેને લઇને પશુપાલન વિભાગની ટીમ નાનીમાળ ગામે પહોંચી હતી અને મરઘાની તપાસ હાથ ધરવામાં આવી હતી.

(11:02 am IST)
  • કાલે રેલ રોકો આંદોલનને સમર્થન : પંજાબમાં હવે કિશાન પંચાયતો નહિં યોજાય ૩૨ જથ્થાબંધ માર્કેટ દ્વારા નિર્ણય : સોનીપત : પંજાબની ૩૨ જથ્થાબંધ ખેડૂત માર્કેટ દ્વારા મંગળવારે યોજાયેલ બેઠકમાં હવે પછી કોઈ ખેડૂત પંચાયતો નહિં મળે : માત્ર સંયુકત કિશાન મોરચો દિશા - નિર્દેશ આપે ત્યારે જ પંચાયત બોલાવાશે : કુંડલી સહિત દિલ્હી અને અન્ય સરહદો પર ચાલી રહેલ કિશાન આંદોલનને વેગ આપવાનો નિર્ણય પણ લેવાયો હતો : કાલે ૪ કલાકનું ‘રેલ રોકો’ યોજાયુ છે તેને સમર્થન આપવા ચર્ચા થયેલ. access_time 11:15 am IST

  • ફાસ્ટેગનું અભૂતપૂર્વ વેચાણ : એક જ દિ'માં ૨.૫ લાખ 'ફાસ્ટેગ' ગઈકાલે વેચાયા : અમલના પ્રથમ દિવસે જ ૮૭.૧૬ કરોડ રૂ.નો ટોલ વસૂલાયો : ફાસ્ટટેગ દ્વારા ટોલ કલેકશન ૮૭% એ પહોંચ્યુ : ૮૫% વાહનો ફાસ્ટટેગ દ્વારા ટોલ ચૂકવી રહ્યા છે : ગઈકાલે પ્રથમ દિવસે જ નેશનલ હાઈવે ઓથોરીટી ઓફ ઈન્ડિયા (એન.એચ.ઓ.આઈ.)એ તેના ૬૩૦ નેશનલ હાઈવે ટોલ પ્લાઝા ઉપર (ફાસ્ટટેગ દ્વારા) ૧૦૦% કેસલેસ ફી વસૂલ કરી access_time 4:19 pm IST

  • હાઈકોર્ટમાં ન્યાયાધીશના ૪૦૦ પદ ખાલી : નવી દિલ્હી : દેશભરની ૨૫ હાઈકોર્ટોમાં ૪૦૦ જેટલી જગ્યાઓ ઉપર ન્યાયાધીશોની નિમણુંકો કરવાનું બાકી છે : આ બધા પદ ખાલી છે ત્યારે સુપ્રિમ કોર્ટમાં ૪ જજાના પદ ખાલી છે. access_time 11:17 am IST