Gujarati News

Gujarati News

News of Wednesday, 17th February 2021

જસદણના ભાડલા જીલ્લા પંચાયતની ટીકીટ ન મળતાં કોંગ્રેસ મહામંત્રી હસમુખ સોસાનુ રાજીનામુઃ ભાજપમાં જોડાયા

(ધર્મેશ કલ્યાણી દ્વારા) જસદણ, તા.૧૭: જસદણ તાલુકામાં રાજકોટ જીલ્લા પંચાયતની ભાડલા બેઠક માટે ટીકીટ નહી મળતા જીલ્લા કોંગ્રેસ મહામંત્રીએ કોંગ્રેસ પક્ષમાંથી રાજીનામું આપતા જસદણનું રાજકારણ ગરમાયું હતું. કોંગ્રેસને અલવિદા કરી ભાજપનો ભગવો ધારણ કરી ભાડલા સીટના જીલ્લા પંચાયતના ભાજપના ઉમેદવારને સમર્થન જાહેર કર્યું હતું.

રાજકોટ જીલ્લા કોંગ્રેસ મહામંત્રી હસમુખભાઈ કડવાભાઈ સોસાએ કોંગ્રેસ પક્ષમાંથી રાજીનામું આપતા જસદણનું રાજકારણ ગરમાયું હતું. આ અંગે હસમુખભાઈ કડવાભાઈ સોસાએ જણાવ્યું હતું કે, રાજકોટ જીલ્લા કોંગ્રેસ સમિતિના મહામંત્રી તરીકે રાજીનામું આપ્યું છે. છેલ્લા ૨૦ વર્ષથી કોંગ્રેસ સાથે કાર્યકર તરીકે ફરજ બજાવી હતી. પરંતુ ગુજરાત રાજયની સ્થાનિક સ્વરાજની ચૂંટણીમાં જસદણ તાલુકાના ભાડલા સીટના જીલ્લા પંચાયત બેઠકના કોંગ્રેસ પક્ષના ઉમેદવાર તરીકે ટીકીટ ન મળતા તેમજ યોગ્ય વ્યકિતને ટીકીટ ન આપતા તા.૧૪ ના રોજ રાજકોટ જીલ્લા પ્રમુખને રાજીનામું ધરી છે હસમુખભાઈ સોસાએ રાજકોટ જીલ્લા કોંગ્રેસ સમિતિના મહામંત્રી તરીકે રાજીનામું ધરી દેતા જસદણનું રાજકારણ ગરમાયું હતું તેમજ ભાડલા જીલ્લા પંચાયત બેઠકમાં યોગ્ય રીતે ટીકીટ ન મળતા નારાજગીના લીધે રાજીનામું આપ્યું હોવાની વાત દોહરાવી હતી. આ બાબતને લઈને કોંગ્રેસને અલવિદા કરી ભાજપનો ભગવો ધારણ કર્યો હતો અને ભાડલા સીટના જીલ્લા પંચાયતના ભાજપના ઉમેદવાર મુકેશભાઈ મેરને સારી લીડથી જીતાડવા રાત-દિવસ મહેનત કરવી પડશે તો કરીશું તેવું અંતમાં જણાવ્યું હતું.

(10:07 am IST)
  • હાઈકોર્ટમાં ન્યાયાધીશના ૪૦૦ પદ ખાલી : નવી દિલ્હી : દેશભરની ૨૫ હાઈકોર્ટોમાં ૪૦૦ જેટલી જગ્યાઓ ઉપર ન્યાયાધીશોની નિમણુંકો કરવાનું બાકી છે : આ બધા પદ ખાલી છે ત્યારે સુપ્રિમ કોર્ટમાં ૪ જજાના પદ ખાલી છે. access_time 11:17 am IST

  • એમ.જે. અકબરનો બદનક્ષીનો કેસ અદાલતે ફગાવી દીધો : પ્રિયા રામાણીને છોડી મૂકવા આદેશ : દિલ્હીની અદાલતે સુપ્રસિદ્ધ પત્રકાર એમ.જે. અકબરે મહિલા પત્રકાર પ્રિયા રામાણી વિરૂદ્ધ કરેલ બદનક્ષી કેસમાં પ્રિયા રામાણીને નિર્દોષ છોડી મૂકવાનો હુકમ કર્યો છે : ન્યાયાધીશ રવિન્દ્રકુમાર પાંડેએ કહયુ હતું કે અકબર દ્વારા કરવામાં આવેલ ફરીયાદ પુરવાર થતી નથી અને એક મહિલાને દાયકાઓ પછી પણ પોતાને થયેલ અન્યાય અંગે રજૂઆત કરવા પૂરો અધિકાર છે : અદાલતે ભરચક્ક કોર્ટ રૂમમાં ચુકાદો આપતા કહેલ કે સ્વાભિમાનના હક્કની કિંમતે પ્રતિષ્ઠાના હક્કનું રક્ષણ કરી શકાય નહિં access_time 4:40 pm IST

  • અપડેટ : સુપ્રીમ કોર્ટના અધિકારીઓએ સ્પષ્ટતા કરી હતી કે રાજદીપ સરદેસાઈ વિરુદ્ધ કોઈ પણ અવમાનનાની કાર્યવાહી શરૂ કરવામાં આવી નથી અને આ મામલે થયેલી ભૂલ ટૂંક સમયમાં સુધારી દેવામાં આવશે. access_time 12:21 am IST