Gujarati News

Gujarati News

News of Monday, 16th December 2019

માળીયાહાટીનાના લાલજીભાઇએ આજે પણ ખાટલો જાતે ભરી સંસ્કૃતિને જીવંત રાખી છે

ખાટલા ભરવાનો નાનપણથી જ શોખ : કોઇ પાસેથી એક પૈસો લેતા નથી

માળીયા હાટીના, તા. ૧૬ : ૮ર વર્ષના લાલજીભાઇ ભાડજા આજે પણ જૂની સંસ્કૃતિને તાજી રાખી ખાટલો પોતે જાતે ભરે છે. માળીયા હાટીના તાલુકાના માતરવાણીયા ગામે ૮ર વર્ષના કડવા પટેલ લાલજીભાઇ લક્ષ્મીદાસભાઇ ભાડેજા (ઉ.વ.૮ર) પોતે સાવ અભણ હોવા છતાં અને ચશ્મા પેહરીયા વગર પોતાની કોઠાસૂઝ ભારતીય સંસ્કૃતિને જાળવી રાખવા માટે ચાર ઉભા ૪ આડા લાકડાનો ખાટલો પોતે જાતે જ શિંદલીથી અને પટીથી ભરે છે.

લાલજીભાઇ ભાડેજા ખાટલો ભરવા માટે કોઇ પાસે ચાર્જ લેતા નથી પોતે વિનામૂલ્યે લોકોની સેવા કરે છે. આજ સુધીમાં લાલજીભાઇ ૧૦૦૦થી પણ વધારે ખાટલા કર્યા છે કોઇ પાસે કાંઇ પણ લેતા નથી.

આ બાબતે લાલજીભાઇ ભાડેજા જણાવે છે કે મને ખાટલા ભરવાનો નાનપણથી જ શોખ છે એક ખાટલો ભરતા ઓછામાં ઓછા ત્રણ કલાક જેવો સમય થાય છે કાયમના હું ત્રણ ખાટલા ભરી શકું છું. આમ અત્યારે સોફાસેટ સેટી પલંગ જેવા અનેક આઇટમો સુવા બેસવા અને આરામ કરવા માટે નીકળે છે ત્યારે હાલ માત્ર પાણીમાં બેસી વર્ષના આ લાલજીભાઇ લક્ષ્મીદાસભાઇ ભાડજા માળીયા હાટીના પંથકના વિનામૂલ્યે ખાટલા ભરીને જૂની સંસ્કૃતિને જાળવી રાખી છે. માતરવાણીયા અને આજુબાજુના ગામડાઓમાં ઘરે ઘરે અત્યારે લાલજીભાઇ ભાડેજાના હાથથી ભરેલા દેશી ખાટલા પાર વગરના જોવા મળે છે.

અત્યારે ૮ર વર્ષની ઉંમર હોવા છતાં લાલજીભાઇ ભાડેજા યુવાનોને શરમાવે એટલી ઝડપથી ખાટલા ભરવાની કામગીરી કરે છે.

(10:00 am IST)
  • બિનસચીવાલયની પરીક્ષા મામલે સીએમને સીટનો રીપોર્ટ સોંપવામાં વિલંબ થશેઃ સીટ દ્વારા તપાસ કરવાની બાકી હોવાથી વિલંબઃ સીટનો રીપોર્ટ સોંપવામાં થશે વિલંબ access_time 12:14 pm IST

  • બે દિવસમાં અલીગઢ મુસ્લિમ યુનિવર્સિટીની તમામ ૧૦૦ હોસ્ટેલ ખાલી કરાવવામાં આવશેઃ ૫ હજાર બહેનો સહિત ૧૮ હજાર વિદ્યાર્થી ભાઈ - બહેનો રહે છે : અલીગઢ થઈને જતી તમામ ટ્રેનોને સ્ટોપેજ અપાશે : વધુ બસોનો ઈંતેજામ પણ કરાશે access_time 12:56 pm IST

  • આપણે સાવરકરના સ્વપ્નનું નહીં,પરંતુ ભગતસિંહ અને આંબેડકરના સ્વપ્નનું ભારત બનાવવું જોઈએ : નાગરિકતા કાયદા પર જેએનયુ છાત્ર સંઘના પૂર્વ અધ્યક્ષ કન્હૈયાકુમારે એનઆરસીના પરિણામથી સતર્ક રહેવા અપીલ કરતા કહ્યું કે આ હિન્દૂ-મુસ્લિમનો મામલો નથી પણ આ બંધારણથી જોડાયેલ મુદ્દો છે : સવિધાનને દુષિત થતા બચાવવાનો મામલો છે access_time 12:57 am IST