Gujarati News

Gujarati News

News of Monday, 16th December 2019

માંગરોળના સ્વામીનારાયણના સંતને હનીટ્રેપમાં ફસાવનાર મહિલા સહિત ૪ શખ્સો રીમાન્ડ પર

પહેલા શરીર સુખ માણવા દઇ રૂ. પ૦ લાખની માંગણી કરેલ

જુનાગઢ, તા. ૧૬ : માંગરોળના સ્વામીનારાયણના સંતને હનીટ્રેપમાં ફસાવનાર મહિલા સહિત ૪ શખ્સોને પોલીસે રીમાન્ડ પર મેળવીને આગળની તપાસ હાથ ધરી છે.

માંગરોળના મકતુપુર ઝાપા પાસે આવેલ સ્વામીનારાયણ મંદિરના સ્વામી ગોપાલચરણ પ્રેમવતીનંદનદાસ (ઉ.વ.ર૯) નામના સંતનો સોનલ વાઘેલા નામની યુવતીનો ફેસબુક પર સંપર્ક થયેલ.

બાદમાં બંને વચ્ચે સંબંધ ગાઢ બનતા મળવાનું નક્કી થયેલ અને તા. ર૩ના રોજ અમદાવાદની બાપુનગરની ચોકડીએ મુલાકાત થઇ હતી. તા. ર૦ નવેમ્બરે નવરંગપુરાની હબીબની હોટલના રૂમમાં બંને વચ્ચે શારીરિક સબંધ બંધાયા હતા.

સ્વામીની જાણ બહાર અંતરંગ પળોનો વિડીયો બનાવી લેવાયો હતો અને બાદમાં ત્રણ શખ્સોએ મહિલાની મદદથી સ્વામીને બ્લેકમેઇલ કરવાનું શરૂ કરી રૂ. પ૦ લાખની માંગણી કરેલ.

આમ હનીટ્રેપમાં ફસાયેલા ગોપાલચરણ સ્વામીએ ફરીયાદ કરતા એસપી સૌરભસિંઘની સુચનાથી ડીવાયએસપી જે.બી. ગઢવી, પીઆઇ એન.આઇ. રાઠોડ, પીએસઆઇ ચૌહાણ તથા વિંઝુડા વગેરેએ મુખ્ય સુત્રધાર મૂળ જુથળ અને હાલ અમદાવાદ રહેતો ભાવેશ લાડાણી, જુથળનો વિક્રમસિંહ કાગડા તથા માળીયા મામલતદાર કચેરીના ઇ-ધરાનો ઓપરેટર અજાબનો  જીતુ વારીયા અને સોનલ વાઘેલા તરીકે ઓળખાણ આપલ. આઝીમબાનુ ઉર્ફે આફરીન શેખ ધરપકડ કરી હતી.

તપાસનીશ પીઆઇ નિલેશ રાઠોડ અકિલાને જણાવેલ કે ચારેયને ગઇકાલે કોર્ટમાં રજૂ કરી આવતીકાલ સુધી બે દિવસના રીમાન્ડ પર મેળવી વધુ તપાસ હાથ ધરી છે.(૮.૮)

 

(11:56 am IST)
  • મિસ વર્લ્ડનો તાજ જમૈકાની 23 વર્ષીય યુવતિ ટોની એન.સિંહના શિરે : ભારતની સુંદરી સુમન રાવ ત્રીજા ક્રમે : લંડનમાં યોજાઈ ગયેલી સૌંદર્ય સ્પર્ધા access_time 8:17 pm IST

  • સૌરાષ્ટ્ર યુનિવર્સિટી દ્વારા આજે લેવાયેલ એમએસઈ સેમેસ્ટર-૧માં મેથેમેટીકસ એલઝીબ્રા પેપરમાં પેપરસેટરે કોર્ષ બહારનું પૂછતા વિદ્યાર્થીનો હોબાળો : વિદ્યાર્થીઓનો આક્રમક મિજાજ પારખી પ્રશ્નપત્ર રદ્દ કરવાની ફરજ પડી access_time 5:55 pm IST

  • રાજયના મહેસુલ કર્મચારી ની હડતાલ સમેટાઇઃ રાજય સરકારે તમામ માંગણીઓ સ્વીકારી લીધીઃ ટુંક સમયમાં કલાર્ક અને નાયબ મામલતદારોને પ્રમોશનઃ ખાલી જગ્યાઓ તુરત ભરાશેઃ રેવન્યુ તલાટીઓને પંચાયતમાં મોકલવા અંગે પણ ઝડપથી નિર્ણયઃ કાલથી તમામ કલેકટર મહેશુલી કચેરીઓ ધમધમતી થશેઃ રાહતનો શ્વાસ લેવા અધિકારી access_time 4:24 pm IST