Gujarati News

Gujarati News

News of Friday, 16th November 2018

મોરબીના નાની વાવડી ગામે અધિકારીઓ ગેરહાજર, ગ્રામસભાનો બહિષ્કાર

મોરબી તા. ૧૬ : મોરબીના નાની વાવડી ગામમાં ગ્રામસભા અને મીની ટ્રેકટરના લોકાપર્ણ કાર્યક્રમનું આયોજન કરવામાં આવ્યું હતું જે પ્રસંગે ધારાસભ્ય ઉપરાંત તાલુકા પંચાયત પ્રમુખ હંસરાજભાઈ પાંચોટિયા, કોંગ્રેસ અગ્રણી કે.ડી. પડસુંબીયા, ટીડીઓ અને ટીપીઓ ઉપસ્થિત રહ્યા હતા જોકે સરકારી વિભાગના રેવન્યુ, પશુપાલન સિંચાઈ અને મામલતદાર ઓફીસના કોઈ અધિકારી ગ્રામસભામાં પહોંચ્યા ના હતા અને વિવિધ પ્રશ્નો અંગેની રજુઆતો કર્યા બાદ જે તે વિભાગના અધિકારીઓની હાજરીમાં તેના ઉકેલ માટે ચર્ચા કરવાની હોય પરંતુ અધિકારીઓ જ ઉપસ્થિત ના હોય જેથી ગ્રામસભાનો કોઈ અર્થ રહેતો ના હોય જેથી ગ્રામ પંચાયતે ઠરાવ કરીને સભા મોકૂફ રાખી હતી અને ગ્રામજનોએ ગ્રામસભાનો બહિષ્કાર કર્યો હતો અને આ તકે જીલ્લા કલેકટરને ફોન કરીને સમગ્ર ઘટનાથી વાકેફ કરવામાં આવ્યા હતા. જોકે સરકારી અધિકારીઓને ગ્રામ્ય લોકોની સમસ્યામાં રસ ના હોય તેવો ઘાટ સર્જાયો હતો જેથી ભારોભાર રોષ જોવા મળ્યો હતો.

(1:17 pm IST)
  • રાજપીપળામાં બનશે નવુ એરપોર્ટ : ધોલેરા- રાજકોટ બાદ રાજપીપળામાં બનશે નવુ એરપોર્ટઃ સ્ટેચ્યું ઓફ યુનિટીના પ્રવાસનને વેગ માટે નિર્ણયઃ એરપોર્ટના નિર્માણમાં એરપોર્ટ ઓથોરીટી આપશે સહયોગ access_time 1:39 pm IST

  • વિનય શાહના કૌભાંડના તાર રાજકોટ સુધી પહોંચ્યાઃ સરધારના લોકોના નાણા ફસાયા : વિનય શાહના કૌભાંડ તાર રાજકોટ સુધી પહોંચ્યાઃ સરધાર ગામના લોકોના પણ નાણા ફસાયાઃ ૫૦૦ લોકોના નાણાં ફસાયા હોવાનું સામે આવ્યું: સરધારના ૪ લોકો બન્યા હતા કંપનીના એજન્ટઃ તેમણે એજન્ટ બન્યા બાદ ગામના લોકોને જોડયા હતા access_time 1:39 pm IST

  • ઇંધણના ભાવ ઘટાડો યથાવત : શનિવારે પેટ્રોલ-ડીઝલના ભાવમાં ઘટાડો ;પેટ્રોલ લીટરે 18 પૈસા અને ડીઝલ 20 પૈસા લિટરે થશે સસ્તું ;કેટલાય દિવસોથી પેટ્રોલ ડીઝલના ભાવ ઘટતા વાહન ચાલકોને રાહત access_time 12:35 am IST