Gujarati News

Gujarati News

News of Friday, 16th November 2018

આટકોટમાં ટ્રક અને બસ વચ્‍ચે અકસ્‍માતમાં ટ્રક જીવનભાઇ પટેલ પર ફરી વળતા મોત

જીવનભાઇ સુરતથી જૂનાગઢ પરિક્રમામાં જતા હતાઃ આટકોટ હોટલમાં ચા પીવા બેઠા'તા

આટકોટ તા. ૧૬ : આટકોટ બસ સ્‍ટેન્‍ડ ઉપર લોખંડ ભરેલા ટ્રક અને એસ. ટી. બસ વચ્‍ચે અકસ્‍માત સર્જાતા રોડની સાઇડમાં બેઠેલા બાબરા તાલુકાનાં નડાળા ગામનાં પટેલ યુવક ઉપર ટ્રક ફરી વળતા યુવકનું ઘટના સ્‍થળે જ કમકમાટી ભર્યુ મોત થયું હતું.

આ બનાવની જાણવા મળતી વિગતો મુજબ આજે સવારે સાડા છ વાગ્‍યા આસપાસ સુલતાનપુર-બાપુનગર રૂટની એસ. ટી. બસ નં. જીજે-૧૮-૧૩૭૭ અને ટ્રક નં. જી. જે. ર૧-ટી-૭પ૩૯ વચ્‍ચે ધડાકાભેર અકસ્‍માત સર્જાયો હતો.

એસ. ટી. બસ આટકોટ બસ સ્‍ટેન્‍ડમાં અંદર ઉતરવા ટર્ન લેતી હતી એ દરમિયાન પાછળથી આવતા ટ્રકનાં ડ્રાઇવરે એસ. ટી.  બસ સાથે ટ્રકની ટકરાય એ માટે ટ્રકને સાઇડમાં લેતા ટ્રક બેકાબુ બની ગયો હતો. અને રોડની સાઇડમાં આવેલ હોટલે ચા પીવા બેઠેલા બાબરા તાલુકાનાં નડાળા ગામના લેઉવા પટેલ યુવક જીવનભાઇ ઠાકરશીભાઇ ઢોલરીયા ઉપર ટ્રક ફરી વળતા જીવનભાઇનું ઘટના સ્‍થળે જ મોત થયું હતું.

જીવનભાઇ બાબરા તાલુકાના નડાળા ગામના રહેવાસી છે. અને હાલ સુરત ખાતે રહે છે. ત્‍યાં એમ્‍બ્રોઇડરીના કારખાનામાં કામ કરે છે તેમને સંતાનમાં બે પુત્રો અને બે પુત્રી છે જીવનભાઇ આજે સવારે જ સુરતથી આટકોટ બસમાં ઉતરી નડાળા જવા બસની રાહ જોઇ હોટલ ઉપર ચા પીવા બેઠા હતાં. અને આ બનાવ બનતા ઘરે પહોંચવાને બદલે  ભગવાનના ધામમાં પહોંચી ગયા હતાં. જીવનભાઇ નડાળા જઇ આવતીકાલે જૂનાગઢ પરીક્રમમાં પણ જવાના હતાં.

ઉલ્લેખનીય છે કે આ અકસ્‍માતમાં ટ્રકના ડ્રાઇવરે સમય સુચકતા વાપરી ટ્રક સાઇડમાં ન લીધો હોત તો એસ. ટી. બસમાં ચિક્કાર બેઠેલા પેસેન્‍જરોની શુ હાલત થાત તે કંપારી છૂટાવી દે તેવુ બનત.

આટકોટ બસ સ્‍ટેન્‍ડ ઉપર બંને તરફ દુકાનો હોય સતત ભીડ રહે છે અને હાઇવે રોડ હોય વાહનો ફુલ સ્‍પીડમાં દોડતા હોય છે.  અને આવા નાના મોટા અકસ્‍માતો છાશવારે બનતા હોય બસ સ્‍ટેન્‍ડની બંને તરફ સ્‍પીડ બ્રેકર મુકવાની ગ્રામજનોની માંગણી છે.

(12:02 pm IST)
  • અમદાવાદ :260 કરોડ ફ્રોડનો મામલો : વિનય શાહના કોટક બેંક સહિત અનેક બેંક એકાઉન્ટ અંગે CID ને મળી માહિતી: પૂર્વ કર્મચારી પૂજા શાહની પણ CID ક્રાઈમે કરી પૂછપરછ: વિનય શાહના ઘરે સર્ચમાં દરમ્યાન લોટના ડબ્બામાં,ફર્નિચર,બેડ અને કબાટમાં સંતાડેલા હતા રૂપિયા access_time 11:13 pm IST

  • અમેરીકાના સાંસદોએ ઉઈઘર મુસ્લિમો પર દમન ગુજારવા બદલ ચીન પર પ્રતિબંધો લાદતુ બીલ રજૂ કર્યુ access_time 3:18 pm IST

  • વિનય શાહના કૌભાંડના તાર રાજકોટ સુધી પહોંચ્યા : સરધારના લોકોના નાણા ફસાયા : વિનય શાહના કૌભાંડ તાર રાજકોટ સુધી પહોંચ્યાઃ સરધાર ગામના લોકોના પણ નાણા ફસાયાઃ ૫૦૦ લોકોના નાણાં ફસાયા હોવાનું સામે આવ્યું: સરધારના ૪ લોકો બન્યા હતા કંપનીના એજન્ટઃ તેમણે એજન્ટ બન્યા બાદ ગામના લોકોને જોડયા હતા access_time 3:41 pm IST