Gujarati News

Gujarati News

News of Friday, 16th November 2018

કોડીનાર ખેતીવાડી ઉત્પન્ન બજાર સમિતિના ચેરમેન-વા.ચેરમેન વરાયા

કોડીનાર તા. ૧૬ :.. કોડીનાર ખેતીવાડી ઉત્પન્ન બજાર સમિતિ (માર્કેટીંગ યાર્ડ)નાં ચેરમેન અને વાઇસ ચેરમેનની બિનહરીફ વરણી થઇ છે.

કોડીનાર ઉત્પન્ન બજાર સમિતિનાં હોલમાં ગીર સોમનાથ જીલ્લા રજીસ્ટાર આર. પી. ખરારીનાં અધ્યક્ષ સ્થાને યોજાયેલી ચેરમેન, વા.ચેરમેનની ચૂંટણી માટે નવા ટર્મની બોર્ડની પ્રથમ બેઠક મળી હતી.

જેમાં ચૂંટાયેલા તમામ ૧૪ ડીરેકટરોએ હાજર રહી ચૂંટણીની કાર્યવાહી આગળ ધપાવતા ચેરમેન તરીકે સુભાષભાઇ વિરભણભાઇ ડોડીયાના નામની દરખાસ્ત બાલુભાઇ કાનાભાઇ કામળીયાએ કરતાં તેને ઝાલા ભરતભાઇ રામભાઇએ ટેકો આપતા અને વાઇસ ચેરમેન તરીકે વાઢેળ ભીખાભાઇ મેરૂભાઇના નામની દરખાસ્ત હાજી આદમ અલીમહમદભાઇએ કરતાં તેને કાળુભાઇ નારણભાઇ બારડે ટેકો આપતાં સર્વ ડીરેકટરોએ સર્વ સંમતિથી અને આ બંને હોદા માટે કોઇ ઉમેદવારે ફોર્મ ન ભરતા જીલ્લા રજીસ્ટર ખરારીએ ચેરમેન પદ માટે સુભાષભાઇ વિરભણભાઇ ડોડીયા અને વાઇસ ચેરમેન તરીકે વાઢેળ ભીખાભાઇ મેરૂભાઇને બિનહરીફ જાહેર કરતાં તમામ ડીરેકટરો દરેક સહકારી સંસ્થાનાં આગેવાનો ભાજપના અગ્રણીઓએ તેમને આવકારી શુભેચ્છા પાઠવી હતી.

આ તકે જીલ્લા પંચાયત કા. ચેરમેન પી. એસ. ડોડીયા, ગીર સોમનાથ ભાજપ કોષાધ્યક્ષ દતાભાઇ કોઝે સંઘ પ્રમુખ દિલીપભાઇ મોરી, નગરપાલિકા પ્રમુખ રફીકભાઇ જુણેજા, ગુજરાત ભાજપ લઘુમતી મોર્ચાનાં ઉપપ્રમુખ જીશાનભાઇ નકવી, વરસીંગભાઇ વાળા, બાબુભાઇ સોલંકી સહિત તાલુકા પંચાયતના સભ્યો-સહકારી સંસ્થાનાં હોદેદારો બહોળી સંખ્યામાં ઉપસ્થિતી રહ્યા હતાં.

(11:17 am IST)
  • ડભોઇ શિનોર ચોકડી પાસે આવેલી ફોરેસ્ટ વિભાગ ની ઓફીસ માં ફરજ બજાવતા બે રોજમદાર છેલ્લા ત્રણ વર્ષથી પગાર થી વંચિતબંને કર્મચારી એ ઝેરી પાવડર ખાઇ આત્મવિલોપન કરી કોશિશસારવાર અર્થે સરકારી દવાખાને ખસેડાયા access_time 2:43 pm IST

  • સેલવાસ ના મસાટ નીએબ્યુલીએન્ટ પેકેજીંગ કંપની માં લાગી હતી આગમશીન માં લાગેલી આગ આખી કંપની માં પ્રસરી4 થી વધુ ફાયર ફાઇટરો એ આગ પર મેળવ્યો કાબુકોઈ જાનહાનિ નહિઆગ લાગવાનું કારણ અકબંધ access_time 2:44 pm IST

  • અમદાવાદમાં યુવતીને લગ્નની લાલચ આપી વેચવામાં આપી કૌભાંડ ઝડપાયુ : રાજસ્‍થાનના યુવકને રૂા. ૧.૧૦ લાખમાં યુવતીને વેચી દીધીઃ દલાલ સહિત ૮ થી વધુ શખ્‍શની ધરપકડ access_time 3:40 pm IST