Gujarati News

Gujarati News

News of Tuesday, 16th October 2018

દ્વારકાના ભીમરાણામાં સંતોષી ગરબી મંડળની બાળાઓ દ્વારા મોગલ માતાજીનો રાસ

 મીઠાપુર : દેવભૂમિ દ્વારકા જીલ્લાના છેવાડાના ગામ મીઠાપુર નજીક આવેલા ભીમરાણા ખાતે આશરે છેલ્લા ૧૪ વર્ષથી સંતોષી ગરબી મંડળ દ્વારા પ્રાચીન રીત રીવાજો પ્રમાણે નવરાત્રીના પવિત્ર દિવસોમાં ગરબી રમાડવામાં આવે છે. આ વર્ષે પણ ખુબ જ ધામધુમથી નવરાત્રી દરમ્યાન રાસ- ગરબાનું આયોજન કરવામાં આવ્યું છે. જેમાં આ ગરીબ મંડળની બાળાઓ દ્વારા માં મોગલનો ભવ્ય રાસ રજુ કરવામાં આવ્યો હતો. આ રસને નિહાળવા માટે લોકો ભારે માત્રામાં એકઠા થયા હતાં. આ ગરબીનું આયોજન હોથીભા સુમાંણીયા તથા જે કે પારીયા દ્વારા કરવામાં આવે છે. અને ૯૧ જેટલી નાની નાની બાળાઓ આ ગરબીમાં ધાર્મિક વાતાવરણ વચ્ચે માં ની આરાધના કરે છે.  (તસ્વીર-અહેવાલઃ દિવ્યેશ જટણીયા -મીઠાપુર) (પ-૧૦)

(3:38 pm IST)