Gujarati News

Gujarati News

News of Tuesday, 16th October 2018

ભાણવડ પાલિકા તંત્રનું સ્વચ્છતા અભિયાન નર્યું નાટક !

પોરબંદર ગેઇટ બહાર ગંદા પાણી ભરાયેલા રહેવાની રજૂઆતો છતાં કાર્યવાહી નહિ

ભાણવડ તા. ૧૬ : અહીંના પોરબંદર ગેઇટ બહાર આવેલી લાખાણી મશીનરી સ્ટોર્સની ત્રણ દુકાનો સામે જ ગટરના ગંદા પાણી કાયમી ધોરણે લાંબા સમયથી ભરાયેલા રહેતા હોઇ આ દુકાનદારે પાલિકામાં વારંવાર રજૂઆતો કરી હોવા છતાં પાલિકા તરફથી કોઇ ધ્યાન આપવામાં નથી આવતું ત્યારે પાલિકા સત્તાધીશો સ્વચ્છતા અભિયાનના બેનરો મારી ગાંધી બાપુના વિચારોને લોકોમાં ફેલાવે છે તેમજ સ્વયંબાપુના સ્વચ્છતાના વિચારોને અનુસરતા હોય તેમ હાથમાં સાવરણા લઇ સફાઇ કરે છે પરંતુ જ્યારે આમ પ્રજાની ગંદકી અંગેની વારંવારની રજૂઆતો બાદ પણ કોઇ કાર્યવાહી કરવામાં ન આવે ત્યારે તેઓના દંભી પણાની પોલ ખુલી જાય છે.

શહેરમાં અનેક સ્થળે ગટરોના પાણી છલકાવા, ગંદકીના ગંજ ખડકાયેલા રહેવા સહિતના કાયમી પ્રશ્નો જોવા મળે છે અને જનતા રજૂઆતો પણ કરે છે તેમ છતાં કોઇ નક્કર કામગીરી કરવા માટે ફુરસદ જ નથી મળતી. પાલિકામાં હાલ માહોલ એ છે કે, ચુંટાયેલા પ્રજાના પ્રતિનિધિઓમાં નાના-મોટા કામો રાખી આમ પ્રજાની સમસ્યાઓ ઉકેલવા તરફ સહેજ પણ નજર નથી.

(11:54 am IST)
  • સોમાલીયાના બેડોઆ શહેરમાં આત્મઘાતી બોમ્બ વિસ્ફોટઃ ૧૬ લોકોના મોત : ૫૦ ઘાયલ : સોમાલીયાના બેડોઆ શહેરમાં શનિવારે બે આતંકવાદીઓએ એક રેસ્ટોરા અને હોટલમાં આત્મઘાતી બોમ્બ વિસ્ફોટ કરતા ૧૬ લોકોના મોત નિપજયા છે. જયારે ૫૦ લોકો ઘાયલ થયા છે. આત્મઘાતી હુમલાવાર શહેરના ભીડવાળા વિસ્તારમાંં ઘુસી આવ્યા હતા અને પોતાની જાતને ઉડાવી દીધી હતી. આ હુમલાની જવાબદારી આતંકી સંગઠન અલ-શબાએ લીધી છે access_time 3:31 pm IST

  • અંજારના વરસામેડી રોડ પાસે હિટ એન્ડ રનનો બનાવ:કાર ચાલકે ચાર બાઈક સવારોને હડફેટમાં લીધા:બે યુવતીઓ સહિત બે યુવાનોને ગંભીર ઈજા:અકસ્માત કરેલ કારચાલક ગાંધીધામના સ્ક્રેપના વેપારી પુત્ર હોવાનુ બહાર આવ્યુ : એક યુવકની ગંભીર ઈજા પહોંચતા રાજકોટ ખસેડાયો:નાસી ગયેલ કાર ચાલકની કાર રાજવી ફાટક પાસેથી મળી આવી access_time 1:04 am IST

  • અમદાવાદના એલિસબ્રિજમાં ફાયનાન્સ કંપનીમાં લાખોની ચોરી કરી તસ્કરો ફરાર:રૂ 2.50 લાખની રોકડ અને વિદેશી ચલણી નોટોની ચોરી:અમેરિકા, બ્રિટન અને ઑસ્ટ્રેલિયા સહિત 12 દેશોના વિદેશી ચલણી નોટોની ચોરી:ફરિયાદી ફોરેન કરન્સી એક્સચેન્જનો ધધો કરે છે.:ઓફિસ ના ડ્રોઅરમાં મુકેલી ચલણી નોટોની ચોરી થતા નોંધાઈ ફરિયાદ:પોલીસે સીસીટીવી ફૂટેજ ના આધારે તપાસ શરૂ કરી access_time 1:06 am IST