Gujarati News

Gujarati News

News of Tuesday, 16th October 2018

કાલાવડ તાલુકાના ખરેડી ગામને દુષ્કાળગ્રસ્ત જાહેર કરવા માંગણી

ખરેડી, તા. ૧૬ :  તાલુકાના ખરેડી ગામે દુષ્કાળ ગ્રસ્ત જાહેર કરવાની મોટા, ખેડૂતોની દેવા માફી પીવાના પાણીની સમસ્યા, વિજળી વગેરે માંગ સાથે ખરેડી ગામે સજ્જડ બંધ પાળી વિશાળ બાઇક રેલી તેમજ સરકારશ્રીની નનામી કાઢી હતી. રસ્તા ઉપર ડુંગળી, લસણ, તેમજ દૂધ ઢોળી વિરોધ પ્રદર્શન કર્યુ હતું.  ગામના તમામ સમાજના લોકોનો સાથ સહકાર મળ્યો હતો. અંદાજે પાંચથી સાત હજાર માણસો એકત્રીત થઇ બહેરી-મુંગી તેમજ આંધળી સરકારને જગાડવા પ્રયાસ કર્યો હતો. આ કાર્યક્રમને સફળ બનાવવા માટે ખરેડી સરપંચશ્રી દિપકસિંહ જાડેજા ઉપસરપંચ શ્રી ગીરધરભાઇ પણ સારા તેમજ આજુબાજુના ૧પ ગામોમાંથી સરપંચો આગેવાનો તેમજ ગામ લોકો ઉપસ્થિત રહ્યા હતા.

(11:53 am IST)