Gujarati News

Gujarati News

News of Tuesday, 16th October 2018

વિંછીયાના થોરીયાળી પાસે અકસ્માતમાં બે યુવાનોને ગંભીર ઈજાઃ રાજકોટ ખસેડાયા

વિંછીયાના કિશન મકવાણા અને મુકેશ બાવળીયા ગરબી જોવા જતા'તા ને કાર ચાલકે ઉડાળ્યા

 વિંછીયા, તા. ૧૬ :. ગત રાત્રીના વિંછીયાથી બે યુવા મિત્રો બાઈક લઈને પીપરડી ગામે નવરાત્રી જોવા જતા હતા તે વેળા થોરીયાળી ગામ પાસે બન્નેને ફોરવ્હીલ ચાલકે ઉડાડતા ગંભીર ઈજા થતા રાજકોટ ખસેડાયા છે. મળતી હકીકત મુજબ વિંછીયાના બે યુવાન મિત્રો (૧) કિશન પાંચાભાઈ મકવાણા (૨) મહેશ મનસુખભાઈ બાવળીયા બાઈક લઈને પીપરડી ગામ તરફ નવરાત્રી જોવા નીકળેલા, વિંછીયા બોટાદ રોડ પર થોરીયાળી ગામ નજીક જીજે ૧૮ બીડી ૬૯૧૧ નંબરની ફોરવ્હીલ ગાડીએ બન્નેને ફુટબોલની જેમ ઉડાડતા બાઈક સહિત બન્ને યુવા મિત્રો પટકાતા બન્નેને હાથ-પગ અને માથાના ભાગે ઈજા થતા પ્રથમ વિંછીયા અને વધુ સારવાર અર્થે રાજકોટ ખસેડાયા છે. ફોરવ્હીલનો આગળનો ભોગ ચીરાઈ ગયો છે.  ફોરવ્હીલ ચાલક અકસ્માત બાદ ગાડી રેઢી મુકીને નાસી ગયો છે. અકસ્માતની જાણ થતા જ વિંછીયા સરકારી દવાખાને લોકોના ટોળા ઉમટી પડયા હતા. આ બનાવ અંગે વિંછીયા પોલીસે ગુનો નોંધી વધુ તપાસ શરૂ કરી છે.

(11:53 am IST)
  • ગાંધીનગરઃ કેવડિયા કોલોની નર્મદા ડેમ નજીક અન્ય રાજયોના ભવનો બનશેઃ પ્રવાસનને વેગ આપવા અન્ય રાજયના ભવન બનાવવાની વિચારણાઃ દિવાળી બાદ રાષ્ટ્રપતિ અને ઉપરાષ્ટ્રપતિ કરી શકે છે સ્ટેચ્યુ ઓફ યુનિટીની મુલાકાત access_time 11:29 am IST

  • મુંબઇમાં સખ્ત ગરમી-ઉકળાટ : ૨૧-૨૨ ઓકટોબરે છુટાછવાયા ગાજવીજ વરસાદી ઝાપટા પડશેઃ હાલ તુર્ત સુકુ અને ગરમ વાતાવરણ ચાલુ રહેશે તેમ સ્કાયમેટ કહે છે. મુંબઇમાં સાંતાકુઝ ખાતે ગઇકાલે ૩૭.૫ સેન્ટીગ્રેડ ઉષ્ણતામાન નોંધાયું હતુઃ ભારે ગરમી-બફારા સાથે લોકો પરસેવે રેબઝેબ છેઃ છેલ્લા ૧૦ વર્ષોમાં બીજી વખત આવુ ઉંચુ ઉષ્ણાતામાન ઓકટોબરમાં જોવા મળ્યું છે. access_time 3:37 pm IST

  • હાલોલના રામેશરા ગામે 3560 કિલો અખાદ્ય ગોળનો જથ્થો ઝડપાયો : પંચમહાલ જિલ્લાના હાલોલના રામેશરા ગામમાં આવેલ અક્ષય ટ્રેડિંગ કંપનીના ગોડાઉનમાંથી 89000ની કિંમતનો 3560 કિલો અખાદ્ય ગોળ ગોધરા આર આર સેલે ઝડપી પાડ્યો access_time 1:05 am IST