Gujarati News

ભાવનગર પંથકમાં પતિના હાથે પત્નીની હત્યા થઇ છે અને વચ્ચે પડેલી પૌત્રીને ઇજા પહોંચી છે.

(મેઘના વિપુલ હિરાણી દ્વારા) ભાવનગર તા. ૧૬ : ગારીયાધાર પંથકમાં ઘરકંકાસમાં ઉશ્કેરાયેલા પતિએ પત્નિને મોતને ઘાટ ઉતારી દીધાનો બનાવ બનવા પામ્યો છે.

વિગતો મુજબ માંગુકા ગામે રહેતા જીવરાજભાઇ જાદવભાઇ રાઠોડને તેની પત્નિ તેજુબેન જીવરાજ રાઠોડે (ઉ.૬૪) સાથે ઝઘડો થતાં ઉશ્કેરાઇ જઇ જીવરાજભાઇએ પત્ની તેજુબેન ઉપર છરીના ઘા ઝીંકી દીધા હતા અને વચ્ચે પડેલી તેની પૌત્રી રેશમાને પણ ઇજા પહોંચાડી નાસી છૂટયો હતો.

દરમિયાન ગંભીર રીતે ઘવાયેલ તેજુબેનનું મોત નિપજતાં બનાવ હત્યામાં પરીણમ્યો હતો. આ અંગે ગારીયાધાર પોલીસે ગુન્હો નોંધી આરોપીને ગણતરીની કલાકોમાં જ ઝડપી લઇ કાર્યવાહી હાથ ધરી છે.