Gujarati News

Gujarati News

News of Monday, 16th September 2019

રાજ્યના અધિક ગૃહ સચિવ સંગીતા સિંહ કચ્છ સરહદની મુલાકાતે

(વિનોદ ગાલા દ્વારા) ભૂજ, તા. ૧૬ :. રાજ્યના અધિક ગૃહ સચિવ સંગીતા સિંહે કચ્છ સરહદની મુલાકાત લીધી હતી. અધિક ગૃહ સચિવ સંગીતા સિંહ પરિવાર સાથે કચ્છની મુલાકાતે આવ્યા હતા અને કચ્છના વિવિધ વિસ્તારોની મુલાકાત લીધી હતી. જો કે તેમની આ મુલાકાતને સૂચક પણ ગણાવાઈ રહી છે.

મળતી વિગતો મુજબ સંગીતા સિંહે રવિવારના રોજ સવારે કચ્છ પહોંચ્યા હતા. તેમજ ભૂજ ખાતે તેમણે ધોરડો સફેદ રણ, કાળા ડુંગર તથા ખાવડા વિસ્તારની મુલાકાત લીધી હતી. બપોર બાદ તેઓ દરિયાઈ સીમા પહોંચ્યા હતા અને નિરીક્ષણ કર્યુ હતુ. કચ્છ કલેકટર એમ. નાગરાજન, પશ્ચિમ કચ્છ પોલીસ વડા સૌરભ તોલંબીયા સહિત બીએસએફના અધિકારીઓ તેમની સાથે જોડાયા હતા. માહિતી મુજબ તેમની મુલાકાત અને નિરીક્ષણ પાછળ આગામી સમયમાં થનારા આયોજન અંગે હોવાનું જાણવા મળે છે. જો કે તેની વિગતો સત્તાવાર રીતે સ્પષ્ટ થઈ શકી નથી.

(3:46 pm IST)
  • રાજ્યમાં ટ્રાફિકના નવા નિયમનના અમલવારી માટે પોલીસતંત્ર સજ્જ : નવા નિયમની અમલવારીને લઈને ટ્રાફિકના ઉચ્ચ અધિકારીઓની બેઠક : નિયમની કડક અમલવારી કેવી રીતે કરાવવી તે અંગે બેઠકમાં મહત્વના નિર્ણય લેવાયા:સામન્ય લોકો સાથે સાથે પોલીસ કર્મીઓને પણ ટ્રાફિકના નિયમોનું પાલન કરવા સૂચના : access_time 12:51 am IST

  • દિલ્હીના ૩૧ માર્ચ ૧૯૯૭ ના ચકચારી કનોટ પ્લેસ નકલી એન્કાઉન્ટર કેસ, જેમાં 2 ઉદ્યોગપતિઓની સરાજાહેર હત્યા કરાય હતી, તેમાં તત્કાલીન એસીપી સત્યવીર રાઠી સહિત સમગ્ર પોલીસ ટીમને આજીવન કેદની સજા ફટકારતી કોર્ટ! access_time 12:20 pm IST

  • નીફટી ૧૧૦૦૦ ની અંદરઃ શેરબજારમાં વેંચવાલીનો માહોલઃ રૂપિયો ૭૧.૪૬ : શેરબજારમાં વેંચવાલીનો માહોલ નીફટી ૧૧૦૦૦ ની અંદરઃ સેન્સેકસ ર.૩૦ કલાકે ર૭૦ પોઇન્ટ ઘટીને ૩૭૧૧૪ અને નીફટી ૮૧ પોઇન્ટ તુટીને ૧૦૯૯૪: ડોલર સામે રૂપિયો ૭૧.૪૬ ઉપર ટ્રેડ કરે છે access_time 11:43 am IST