Gujarati News

જૂનાગઢઃ શ્રી દેશાવરી વિશા શ્રીમાળી સોની યુવક મંડળ સંચાલિત 'મહિલા પાંખ' જૂનાગઢ દ્વારા શનિ-રવિના રોજ સરદાર પટેલ ભવન ખાતે 'એકઝીબિશન કમ સેલ વીથ ફનફેર'નું આયોજન કરેલ. જેમાં દિપ પ્રાગટય શ્રીમતી મીનાબેન ધીરૂભાઈ ગોહેલ મેયરશ્રીના ધર્મપત્નિના હસ્તે ઉદઘાટન કરેલ તેમજ દિપ પ્રાગટયમાં જ્ઞાતિ મંત્રી શ્રી નિકુંજભાઈ ધોળકીયા, વેડીયા હરકીશનભાઈ, કિશોરભાઈ ચોટલીયા, જ્યોત્સનાબેન ટાંક, જૈન અગ્રણી જયેશભાઈ અવલાણી, બિપિન ધોળકીયા, ભરતભાઈ કડેચા, અનિલભાઈ રાજપરા, મધુભાઈ રાજપરા, જ્ઞાતિમંત્રી હિતેશભાઈ મદાણી આ તકે ઉપસ્થિત સર્વેનું ઉપરણા - પુષ્પગુચ્છથી સન્માનીત કરેલ તેમજ બે દિવસમાં અમારા આ આયોજનમાં વિવિધ સંસ્થાના પ્રમુખશ્રી જેમા સ્ત્રી નિકેતન ચેરપર્સન શ્રીમતી મીનાબેન ચગ, રૂપલબેન અમલાણી, પ્રવીણાબેન ચોકસી, ચેતનાબેન પંડયા, વિણાબેન પંડયા, ચેતનાબેન મિશ્રાણી, શ્રીમતી ગીતાબેન કોટેચા, ગાયત્રીબેન જાની, ત્રિવેણીબેન ફિચડીયા, કુમુદબેન ઠાકર, ક્રિષ્નાબેન અઢીયા સર્વે અગ્રણી મહિલાઓનું સન્માન - સ્વાગત કરેલ તેમજ આ કાર્યક્રમને સફળ બનાવવા કારોબારી ટીમે જહેમત ઉઠાવેલ. તેમ પ્રમુખ શ્રી દમયંતીબેન રાજપરાની યાદીમાં જણાવ્યુ છે.

જૂનાગઢ શ્રીમાળી વણિક યુવક મંડળ સંચાલિત મહિલા પાંખ દ્વારા વિવિધ વસ્તુઓનું ભવ્ય એકઝીબિશન કમ સેલ વીથ ફનફેર સાથે નિઃશુલ્ક નિદાન કેમ્પ, એકયુપ્રેશર કેમ્પ તથા આયુ. ઔષધિઓનું માર્ગદર્શન અપાયુ. મોટી સંખ્યામાં બહેનો ઉમટી પડયા હતા. મહિલા આગેવાનોએ શુભેચ્છા પાઠવી હતી. પ્રમુખ દમયંતીબેન રાજપરાની મહેનત રંગ લાવી હતી. જૂનાગઢ તા. ૧૪ - ૧૫ના રોજ સરદાર પટેલ ભવન ખાતે બે દિવસ માટે જૂનાગઢ વણિક મહિલા મંડળ દ્વારા એકઝીબિશન કમ સેલનું આયોજન કરવામાં આવેલ. સેલને સફળતા અપાવી, મહિલા પાંખ પ્રમુખ દમયંતીબેન રાજપરાના સંપૂર્ણ માર્ગદર્શન તથા સતત ઉપસ્થિતિ તેમજ સમગ્ર કારોબારીના સહકારથી કાર્ય સફળ રહ્યુ હતુ. જૂનાગઢની વિવિધ સંસ્થાના મહિલા અગ્રણીઓ, સમાજ શ્રેષ્ઠીઓ વગેરેનું સન્માન કરાયુ હતુ . મહિલા-ક્રાંતિ સાથેની મુલાકાતમાં શ્રી દમયંતીબેને જણાવેલ કે આ સમગ્ર પ્રોગ્રામની પ્રેરણા સ્ત્રોત પણ બહેનો જ છે. તેમની માંગણીને માન આપી આ કાર્યક્રમનુ આયોજન કરવામાં આવેલ. બહેનો પાસે આવડત, અનુભવ, વસ્તુઓ, ખાદ્ય સામગ્રી વગેરેના કલા કૌશલને લગભગ ૮૫ થી ૯૦ સ્ટોલમાં બહેનોએ રજુ કરી. સ્ટોલ ધારક બહેનોના મોઢા ઉપર પોતાની કલા-કામગીરી રજૂ કર્યાનો સંતોષ હતો જે સેલની સફળતા હતી. આ તકે વિવિધ ક્ષેત્રના અગ્રણીઓ, શ્રેષ્ઠીઓનું સન્માન કરાયુ હતું.