Gujarati News

Gujarati News

News of Monday, 16th September 2019

ઉનાની દ્રોણ સીમની નદીમાં ન્હાવા પડતા દીવના શિક્ષકનું ડૂબી જવાથી મોત

ઉના તા. ૧૬ :.. તાલુકાનાં દ્રોણ ગામે નદીમાં ન્હાવા ગયેલ દિવનાં યુવાન શિક્ષકનું ડૂબી જવાથી મોત થયુ હતું.

ઉનાનાં ગીરગઢડા તાલુકાનાં દ્રોણ ગામની સીમમાં દ્રોણેશ્વર મહાદેવનાં મંદિર સામે મચ્છૂન્દ્રી ડેમ પીકઅપ વીપર ડેમ આવેલ છે. ઓવરફલો ચાલુ છે નદીમાં પાણીનો પ્રવાહ ખુબ છે. દિવ જવાહર નવોદય કેન્દ્રીય વિદ્યાલયમાં નોકરી કરતા શિક્ષક મુળ મહારાષ્ટ્ર નાન્દેડ ગામનાં શિવાજીનગરનાં જવાહરનગર બાબાનગરમાં રહેતા બાલાજી વિશ્વનાથ સિંદે ઉ.ર૮ તેમના મિત્રો સાથે ફરવા આવેલ નદીમાં ન્હાવા જતાં ઉંડા પાણીના ધુનામાં ડૂબી ગયેલ હતાં. સ્થાનીક તરવૈયા યુવાનોએ મહામહેનત કરી દોરડાની મદદથી તેમને બેભાન હાલતમાં બહાર કાઢી ગીરગઢડા દવાખાને લઇ જાય ડોકટરે તેમને પાણીમાં ડૂબી જવાથી મોત થયાનું જાહેર કરેલ છે. અને તેમના મૃતદેહને વતન મોકલી આવેલ છે.

આ દ્રોણેશ્વર પીકઅપ વિપર ડેમ નીચે મોટી ભેખડો હોય દર વરસે માનવીઓનો ભોગ લેવાય છે. તો ત્યાં ન્હાવા પ્રતિબંધ કરવા બોર્ડ મુકવુ જોઇએ અથવા ભેખડો કાપી સમથળ કરવુ જોઇએ.

મૃતકની પત્ની સર્ગભા છે. પુરા મહિના જતા હોય તેમના પતિનું અવસાન થતાં ભાંગી પડી છે.

(12:11 pm IST)
  • રાજ્યમાં ટ્રાફિકના નવા નિયમનના અમલવારી માટે પોલીસતંત્ર સજ્જ : નવા નિયમની અમલવારીને લઈને ટ્રાફિકના ઉચ્ચ અધિકારીઓની બેઠક : નિયમની કડક અમલવારી કેવી રીતે કરાવવી તે અંગે બેઠકમાં મહત્વના નિર્ણય લેવાયા:સામન્ય લોકો સાથે સાથે પોલીસ કર્મીઓને પણ ટ્રાફિકના નિયમોનું પાલન કરવા સૂચના : access_time 12:51 am IST

  • રાજકોટના કોંગી કોર્પોરેટરો સાથે મિટીંગ શરૂ : રાજકોટ કોંગ્રેસના કોર્પોરેટરો અમદાવાદ પહોંચ્યાઃ પૂર્વ ધારાસભ્ય ઇન્દ્રનીલ રાજયગુરૂને ફરી સક્રિય કરવા કોંગી નેતાગીરી સમક્ષ જોરદાર માગણીઃ પ્રદેશ કોંગી પ્રમુખ શ્રીઅમિત ચાવડા સાથે બેઠક શરૂ access_time 4:38 pm IST

  • દિવગત વડાપ્રધાન રાજીવ ગાંધીની હત્યાની દોષી નલિનીની પેરોલ પુરી : ફરીથી જેલમાં મોકલાઈ : નલિનીએ મદ્રાસ હાઇકોર્ટમાં પેરોલની મુદત વધારવા કરેલી અરજી કોર્ટે ફગાવી ; નલિનીને તેણીની પુત્રીના લગ્નની વ્યવસ્થા સંદર્ભે 51 દિવસની પેરોલ મળી હતી : હાઇકોર્ટે ગત મહિને 30 દિવસની છૂટી આપી હતી બાદમાં ત્રણ સપ્તાહ વધારી દેવાયા હતા access_time 12:52 am IST