Gujarati News

Gujarati News

News of Monday, 16th September 2019

નમામી દેવી નર્મદેઃ જીલ્લાનો કાર્યક્રમ જસદણના જીવાપર ગામેઃ કર્ણુકી ડેમ ઉપર આરતી થશે

મંત્રીશ્રી આર.સી. ફળદુના હસ્તે આરતી બાદ મેઘલાડૂનું વિતરણ-સાંસ્કૃતિક કાર્યક્રમો

રાજકોટ તા. ૧૬: નર્મદા ડેમ ઓવરફલો થવામાં છે, આવતીકાલે ગુજરાતભરમાં નમામી દેવી નર્મદે અંતર્ગત રાજય સરકારે કાર્યક્રમો યોજયા છે, કાલે વડાપ્રધાનનો જન્મ દિવસ છે, એમ બેવડી ખુશીને કારણે દરેક જીલ્લા કલેકટરો-મ્યુ. કમિશ્નરોને કાર્યક્રમો યોજવા સુચના અપાઇ છે.

રાજકોટ શહેરનો કાર્યક્રમ આજીડેમ ખાતે તો, જીલ્લાનો કાર્યક્રમ જસદણના જીવાપર ગામ નજીક આવેલા કર્ણુકી ડેમ ઉપર થશે, આ ડેમ નાની સિંચાઇનો ડેમ છે અને એ સંદર્ભે કાલે સવારે ૧૦ વાગ્યે રાજયના મંત્રીશ્રી આર. સી. ફળદુના હસ્તે નર્મદા નીરની આરતી થશે, ત્યારબાદ મેઘલાડૂનું વિતરણ કરાશે.

આ પછી સ્ટેજ પ્રોગ્રામ થશે, જેમાં નર્મદા ડેમ ઉપર આધારીત ફિલ્મ બતાવાશે, અને રાસ ગરબા સહિતના કાર્યક્રમો યોજવા અંગે તૈયારીઓ કરાઇ છે.

(12:06 pm IST)
  • ૧૩૮II ઇંચ : સાંતાક્રુઝમાં ૬૫ વર્ષનો રેકોર્ડ બ્રેક વરસાદ નોંધાયો : મુંબઇ-સાંતાક્રુઝમાં ચોમાસાની સીઝનનો ૬૫ વર્ષનો વરસાદી રેકોર્ડ તુટયો છે. (૧ જુનથી ૩૦ સપ્ટે. સુધી) આજે ૧૬ સપ્ટેમ્બર સવારે ૮II સુધીમાં મુંબઇના સાંતાક્રુઝ ખાતે ૩૪૬૨.૮ મી.મી. (૧૩૮II ઇંચ) જે છેલ્લા ૬૫ વર્ષમાં પડેલ સૌથી વધુ વરસાદ છે. access_time 4:38 pm IST

  • દિલ્હીના ૩૧ માર્ચ ૧૯૯૭ ના ચકચારી કનોટ પ્લેસ નકલી એન્કાઉન્ટર કેસ, જેમાં 2 ઉદ્યોગપતિઓની સરાજાહેર હત્યા કરાય હતી, તેમાં તત્કાલીન એસીપી સત્યવીર રાઠી સહિત સમગ્ર પોલીસ ટીમને આજીવન કેદની સજા ફટકારતી કોર્ટ! access_time 12:20 pm IST

  • રાજકોટના કોંગી કોર્પોરેટરો સાથે મિટીંગ શરૂ : રાજકોટ કોંગ્રેસના કોર્પોરેટરો અમદાવાદ પહોંચ્યાઃ પૂર્વ ધારાસભ્ય ઇન્દ્રનીલ રાજયગુરૂને ફરી સક્રિય કરવા કોંગી નેતાગીરી સમક્ષ જોરદાર માગણીઃ પ્રદેશ કોંગી પ્રમુખ શ્રીઅમિત ચાવડા સાથે બેઠક શરૂ access_time 4:38 pm IST