Gujarati News

Gujarati News

News of Monday, 16th July 2018

જસદણ પાલિકાનાં બદલે કાલની કારોબારી બેઠક સેવા સદનમાં કેમ?

જસદણ તા. ૧૬ :.. જસદણ નગરપાલીકાની પ્રથમ કારોબારી બેઠક મંગળવારના રોજ બોલાવવામાં આવી છે. જેમાં ભ્રષ્‍ટાચારના જે લાખો રૂપિયાના ચૂકવાયેલા બિલો પસાર થશે. તેનો સભ્‍યો વિરોધ કરશે.

શહેરની નગરપાલીકામાં વિવિધ કામોના કોન્‍ટ્રાકટરો અને વેપારીઓને લાખો રૂપિયાના બિલો ચૂકવાય છે. અને એકપણ કામમાં ભલીવાર નથી થઇ હાલ કોંગ્રેસ અને ભાજપ ભાઇ-ભાઇ થઇ જતાં પાલિકામાં એકપણ જાતની તપાસ થતી ન હોવાથી પાલિકા માથે વિજ અને પાણીનાં કરોડો રૂપિયાનું દેવું છે. એવું ખૂદ કારોબારી ચેરમેન બિજલ ભેંસજાળીયા જાહેરમાં કહે છે.

ત્‍યારે મંગળવારની કારોબારી બેઠકમાં તડાંફડીના એંધાણ છે. નગરપાલીકામાં સભાખંડ હોવા છતાં મંગળવારે બપોરે ત્રણ કલાકે તાલુકા સેવા સદનમાં આ બેઠક કેમ રાખવામાં આવી ? તે અંગે સભ્‍યોમાં અનેક ચર્ચા સાંભળવા મળે છે. પાલિકાની પ્રથમ કારોબારી બેઠક અંગે સમિતિના દરેક સભ્‍યોને એજન્‍ડા પાઠવવામાં આવ્‍યા છે. જેમાં કુલ મળી આઠ એજન્‍ડા લેવામાં આવ્‍યા છે. જો કામો શંકાસ્‍પદ હશે તો કારોબારીમાં પસાર થવા નહી દેવાય. એવી ચોખ્‍ખી વાત કારોબારી બેઠક પહેલા ચેરમેન બિજલ ભેસંજાળીયાએ કહી છે.

(12:28 pm IST)
  • વેરાવળ-દેલવાડા ટ્રેન હડમળિયા પાસે અટવાઇ:ઉના આવતી મીટરગેજ લાઇન ધોવાઇ:ઉના-તાલાલા ટ્રેનમાં મુસાફરો મોજુદ : NDRFની ટીમ મદદ માટે રવાના access_time 1:29 am IST

  • પ્રિયંકા ચોપડા હાલમાં હોલીવુડમાં પોતાના બાકીના પ્રોજેક્ટ્સના શૂટિંગમાં વ્યસ્ત છે જેથી ભારત આવીને બોલિવુડ ફિલ્મોનું શૂટિંગ શરૂ થઈ શકે. હાલમાં દેશી ગર્લે પોતાની ત્રીજી હોલિવુડ ફિલ્મ 'ઈઝન્ટ ઈટ રોમેન્ટિક' નું શૂટિંગ પૂરુ કરી લીધુ છે. આ ફિલ્મ માટે પ્રિયંકાએ બાકીની સ્ટારકાસ્ટની સાથે ન્યૂયોર્કના રસ્તા પર ડાંસ પણ કર્યો, જેનો વીડિયો સોશિયલ મીડિયા પર વાયરલ થઈ ગયો છે. access_time 1:40 am IST

  • પડધરીથી આગળ તથા આજુબાજુ સાંજે ૬ વાગ્યાથી જોરદાર વરસાદ access_time 6:31 pm IST