Gujarati News

Gujarati News

News of Sunday, 16th June 2019

ગોંડલના મોવિયા ખાતે કાર પલ્ટી ખાતાં બે યુવકના મોત

મોવિયા ગામ નજીક પેટ્રોલ પંપ પાસે અક્સ્માત : ઇજાગ્રસ્ત થયેલા યુવકોને નજીકની હોસ્પિટલમાં સારવાર અર્થે ખસેડાયા : ગોંડલ પોલીસની સમગ્ર મામલામાં તપાસ

અમદાવાદ, તા.૧૬ : ગોંડલ તાલુકાના મોવીયા ગામ નજીક આવેલા પેટ્રોલ પંપ પાસે ગત મોડી રાત્રે એક કાર પલ્ટી મારી જતા બે યુવકોના ઘટનાસ્થળે જ મોત નીપજ્યા હતા. જ્યારે અન્ય ત્રણ યુવકોને ઇજા પહોંચતા તેમને સારવાર માટે હોસ્પિટલ ખસેડાયા હતા. આ બનાવને પગલે ખાસ કરીને બે યુવકોના ઘટનાસ્થળે જ મોતના સમાચાર જાણી સમગ્ર પંથકમાં ભારે અરેરાટીની લાગણી પ્રસરી ગઇ હતી. અકસ્માતને પગલે સ્થાનિક લોકોના ટોળેટોળા ઘટનાસ્થળે ઉમટી પડયા હતા. ઘટનાની જાણ થતા ગોંડલ પોલીસ પણ ત્યાં દોડી આવી હતી અને વધુ તપાસ હાથ ધરી હતી. પ્રાથમિક તપાસમાં, આ અકસ્માતનો ભોગ બનેલાં તમામ યુવકો ગોંડલના હોવાની વિગતો સામે આવી રહી છે. જેમાં મયંક માલવીયા અને અર્જુન દુધરેજીયા નામના યુવકોનું મોત નીપજ્યું હોવાનું જાણવા મળી રહ્યું છે, જયારે આ ગમખ્વાર અક્સ્માતમાં વિજય રામાણી, સાગર વિરડીયા અને ઇન્દ્રજીતસિંહ જાડેજા નામના યુવકો ઈજાગ્રસ્ત થયા છે. જેઓને નજીકની હોસ્પિટલમાં સારવાર અર્થે દાખલ કરવામાં આવ્યા હતા. અકસ્માતના બનાવને પગલે સમગ્ર પંથકમાં ભારે ચકચાર મચી ગઇ હતી અને બે યુવકોના મોતને લઇ સ્થાનિકોમાં ભારે અરેરાટીની લાગણી ફેલાઇ ગઇ હતી. સ્થાનિક પોલીસે સમગ્ર બનાવ અંગે તપાસ હાથ ધરી હતી.

(7:48 pm IST)
  • ગુજરાતના ડોક્ટર્સને હડતાળ પર ન જવા નીતિન પટેલની અપીલ: નાયબ મુખ્ય મંત્રી નીતીનભાઇ પટેલે કહ્યું કે પશ્ચિમ બંગાળમાં ડોક્ટર્સ પર થયેલ હુમલો એ દુઃખદ બનાવ છે.: રાજયના દર્દીઓને આરોગ્ય સવલતો સમયસર મળી રહે અને તેઓને કોઇ તકલીફ ન પડે તે માટે રાજ્યના ડોક્ટરોને હડતાલમાં ન જવા રાજ્ય સરકારે જે અપીલ કરી છે. access_time 1:17 am IST

  • ભારતનો ફાસ્ટ બોલર ભુવનેશ્વર બે મેચ નહિ રમી શકે :ભુવીના સાથે મોહંમદ શમીનો સમાવેશ ભારતનો ફાસ્ટ બોલર ભુવનેશ્વર આગામી બે મેચ રમી નહીં શકે :તેમ ટીમ ઇન્ડિયાના કેપ્ટ્ન વિરાટ કોહલીએ કહ્યું હતું :ભુવીને પાકિસ્તાન સામેની મેચ દરમિયાન તેને ઇજા થઇ હતી: હવે પછીના ત્રણ મેચો ભારત 22 જૂને અફઘાનિસ્તાન સામે, ,27મી જૂને વેસ્ટ ઇન્ડિઝ સામે અને 30 જૂને ઇંગ્લેન્ડ સામે રમશે : આ પહેલા ભારતનો ઓપનર શિખર ધવન પણ ઓસ્ટ્રેલિયા સામે ઇજા પામતા કેટલીક મેચ રમી નહીં શકે access_time 1:32 am IST

  • વર્લ્ડ કપમાં પાકિસ્તાન સામે નહીં હારવાનો સિલસિલો ભારતે જાળવી રાખ્યો: વન-ડેમાં વર્લ્ડ કપમાં ભારતનો પાકિસ્તાન સામે આ સાતમો વિજય : ભારત 4 મેચમાં 3 જીત સાથે 7 પોઇન્ટ મેળવી પોઇન્ટ ટેબલમાં ત્રીજા સ્થાને access_time 12:14 am IST