Gujarati News

Gujarati News

News of Thursday, 16th May 2019

સાયલા પાસે નિવૃત કૃષિ અધિકારી ગુણવંતરાય ભટ્ટની હત્યા કરનાર ભાર્ગવ જાની ઝડપાયો

હત્યાના કારણ અંગે પોલીસ દ્વારા તપાસનો ધમધમાટ

વઢવાણ, તા. ૧૬ : સુરેન્દ્રનગર જીલ્લાના સાયલા નજીક નિવૃત કૃષિ અધિકારી ગુણવંતરાય ભટ્ટની હત્યા કરનાર સુરેન્દ્રનગર ભાર્ગવ જાનીના ધરપકડ કરવામાં આવી છે.

પોલીસ અધિક્ષક મહેન્દ્ર બગડીયા સુરેન્દ્રનગરનાઓએ તાજેતરમાં સુરેન્દ્રનગર જીલ્લામાં બનેલ એનડીટેકટ ખુન તથા મીલ્કત સબંધી ગુનાઓના આરોપીઓને શોધી કાઢવા આપેલ સુચના આધારે એસ.ઓ.જી. સુરેન્દ્રનગર પોલીસ ઇન્સ્પેકટર શ્રી એફ.કે. જોગલ તથા પો.સ.ઇ. શ્રી એસ.બી. સોલંકીનાઓએ કરેલ સુચના માર્ગદર્શન આધારે ગઇ તા. પ-પ-ર૦૧૯ના રોજ સાયલા સર્કલ પાસે ઇયોન કાર નં. જીજે-૦૧-આરએકસ-૪૭૪૪માં ગુણવંતરાય ઇચ્છાશંકર ભટ્ટ વાળાની કોઇ તિક્ષ્ણ હથીયારથી ગળાના ભાગે તથા ડોકના ભાગે તથા છાતીના ભાગે ગંભીર જીવલેણ ઇજાઓ કરી તથા શરીરે નાની મોટી ઇજાઓ કરી હત્યા કરીને કારમાં મૂકી નાસી છૂટયા હતા.

જે ગુન્હો અનડીટક હોય જેના આરોપીની એ.એસ.આઇ. દાદુભાઇ જાડેજાનાઓને ખાનગી રાહે મેળવેલ હકીકત અન્વયે એસ.ઓ.જી. ટીમના માણસો એ.એસ.આઇ. ઘનશ્યામભાઇ, દાજીરાજસિંહ, રણજીતસિંહ, પો.હેડ કોન્સ. યોગેન્દ્રસિંહ, મહિપતસિંહ, હસુભાઇ, ડાયાભાઇ પેલ, પો.કો. મહિપાલસિંહ, હરદેવસિંહ, મ.પો.કો. સંગીતાબા, પ્રિયંકાબેન વિગેરેનાઓએ કૃષ્ણનગર સોસાયટી સુરેન્દ્રનગર ખાતે રહેતા ભાર્ગવભાઇ મુકેશભાઇ અમૃતલાલ જાની, ઉ.વ.ર૦ વાળાને પકડી કચેરીએ લાવી પૂછપરછ કરતા મજૂર ઇસમ સાયલા સર્કલ પાસે બનેલ અનડીટેકટ ખુન કરેલ હોયની કબુલાત કરતો હોય જેને પકડી સાયલા પોલીસ સ્ટેશન ખાતે કાયદેસરની કાર્યવાહી કરવા સોંપી આપેલ છે અને હત્યાના કારણ અંગે પૂછપરછ હાથ ધરાઇ છે.

(1:38 pm IST)
  • માતોશ્રીમાં બૉમ્બ બ્લાસ્ટનું ઘડાયું હતું ષડ્યંત્ર : 1989માં ઠાકરેએ ખુદ પરિવારજનોને બંગલો છોડવા કહ્યું હતું ; નારાયણ રાણે access_time 1:19 am IST

  • શ્રીલંકામાં ૧૦૦ જેલભેગા : મુસ્લિમો વિરૂધ્ધ ભડકેલ હિંસા હવે કાબુમાં : સંવેદનશીલ વિસ્તારોમાં રાત્રી કર્ફયુ : મુસ્લિમોની દુકાનો - મસ્જીદો - નિવાસોને સિંહાલીઓએ નિશાન બનાવ્યા access_time 1:22 pm IST

  • નકલી બિયારણકાંડઃ કૃષિ વિભાગે તપાસ શરૂ કરી :ગાંધીનગરના માણસામાં બિયારણની દુકાનમાંથી મળી ૧૦ બિયારણની નકલી થેલીઓ મળી આવી હતીઃ ખાતરકાંડ બાદ સૌથી મોટો ઘટસ્ફોટ access_time 3:56 pm IST