Gujarati News

Gujarati News

News of Thursday, 16th May 2019

પોરબંદર જિલ્લામાં ખેડૂતોને બીજ નિગમ દ્વારા રાહતદરનું બિયારણ આપવા રજૂઆત

પોરબંદર, તા.૧૬: જિલ્લામાં ખેડૂતોને ગુજરાત બિજ નીગમ દ્વારા રાહતદરે પુરતા પ્રમાણમાં મગફળીનું બિયારણ ફાળવવા યુવક કોંગ્રેસના પુર્વ પ્રમુખ દેવશીભાઇ મોઢવાડિયાની માંગણી તથા ટેકાના ભાવે ખરીદેલ મગફળીમાંથી ગુણવત્તાયુકત મગફળી અલગ તારવીને ખેડૂતોને ફાળવવા અનુક્રમે મુખ્યમંત્રી અને કૃષિમંત્રીને લેખિત રજુઆત કરી છે.

પોરબંદર જિલ્લાના ૮૦ ટકા જેટલા ખેડૂતો ચોમાસુ પાક તરીકે મોટાભાગે મગફળીનું વાવેતર કરે છે. ગતવર્ષે અપુરતા વરસાદને કારણે તેમજ સિંચાઇની સવલતોના અભાવે ખેડૂતોએ વાવેતર કરેલ મગફળીનો પાક સદંતર નિષ્ફળ ગયેલ હોય મોટાભાગના ખેડૂતો પાસે આગામી દિવસોમાં ચોમાસુ પાકમાં વાવેતર કરવા માટે મગફળીનું બિયારણ ઉપલબ્ધ નથી. ગુજરાત સરકારના કૃષિ વિભાગે પોરબંદર જિલ્લાના ખેડૂતોના આ પ્રશ્નને ગંભીરતાથી લઇ ગુજરાત બિજ નિગમ દ્વારા ગુણવત્તાયુકત મગફળીના બિયારણનો જથ્થો સહકારી સંસ્થાઓ મારફત ખેડૂતોને રાહતદરે સમયસર ફારવવા અંગે યોગ્ય કાર્યવાહી કરવાની રજુઆત કરી છે.

(11:46 am IST)
  • નરેન્દ્રભાઇ આજે ચંદોલી ખાતેની રેલીમાં આકરા અંદાજમાં જોવા મળ્યા હતાઃ તેમણે કહયું કે ગત ચુંટણીમાં : ૮-૧૦-૨૦-૨૨ કે ૩૦-૩૫ બેઠકો મેળવનારાઓ આ દેશમાં વડાપ્રધાન બનવાના સપના જોઇ રહયા છેઃ પણ દેશ આખો એકી અવાજે કહી રહયો છે ' ફીર એક બાર મોદી સરકાર' access_time 4:32 pm IST

  • વેનેઝુએલા જતી તમામ ફલાઈટો અમેરિકાએ રદ્દ કરી : સલામતી અને સિકયુરીટી કારણોસર વેનેઝુએલા જતી તમામ વિમાની ઉડ્ડયનો અમેરિકાએ રદ્દ કર્યા છે : વેનેઝુએલામાં ભારે રાજકીય અફરાતફરી પ્રવર્તે છે અને સતત તનાવ વધતો જાય છે ઉપરાંત રાજકીય અસ્થિરતા સર્જાયેલ છે. access_time 3:49 pm IST

  • ઇશ્વરચંદ્ર વિદ્યાસાગરનું નવું પૂતળું બનાવી આપવાની નરેન્દ્રભાઇની જાહેરાત મમતાએ ફગાવી દીધી : અમારે કોઇ મદદ જોઇતી નથી : તમે (ભાજપ) લોકોએ જ પૂતળું તોડ્યું છે : ભાજપે આ કર્યું છે તે વાત બંગાળની પ્રજા કયારેય ભૂલશે નહિ : મમતા દીદી આક્રમૂક મૂડમાં access_time 4:30 pm IST