Gujarati News

Gujarati News

News of Thursday, 16th May 2019

જસદણ હીરા ઉદ્યોગના કેટલાક કારખાનાઓમાં વેકેશન જાહેર કરતા રત્ન કલાકારોની દશા માઠી

જસદણ, તા. ૧૬ : જસદણમાં હીરાના કેટલાક કારખાનાઓ દ્વારા ફરજીયાત વેકેશન જાહેર કરી દેવામાં આવતા બહોળી સંખ્યામાં રત્ન કલાકારોની દશા પડયા પર પાટુ જેવી થઇ ગઇ છે. શહેરમાં લાંબા સમયથી હીરા ઉદ્યોગ મરણ પથારી પર હોવાથી અનેક બેરોજગારો બેરોજગાર બની ગયા છે.

હમણાંની મંદીને કારણે કેટલાંય નાના એકમો બંધ થયા અને મોટા એકમોએ ફરજીયાત વેકેશન જાહેર કરતાં હજારોની સંખ્યામાં રત્ન કલાકારોની હાલત ઇધર ખાઇ ઉધર કુવા જેવી થઇ ગઇ છે. મોટા ભાગના રત્ન કલાકારો મજૂરી કામમાં લાગી ગયા છે કેટલાયને તો ઘરના બે છેડા ભેગા કરવા મુશ્કેલ બની ગયા છે.

દિવાળી પછી ૧૮થી ર૦ ટકા કારખાનાઓ ખૂલ્યાં જ નથી, ત્યાં વળી કેટલાકે બંધ અને ફરજીયાત વેકેશન જાહેર કરતા હીરા બજારમાં સોંપયો પડી ગયો છે. આ અંગે કોંગ્રેસના યુવા અગ્રણી વિનુભાઇ લોદરીયાએ જણાવ્યું કે, નોટબંધી, જીએસટી અને રૂપિયાનું ધોવાણથી હીરા ઉદ્યોગો ભાંગીને ભૂક્કો થઇ ગયો છે.

આ ઉદ્યોગને બેઠો કરવા માટે જે પ્રયાસો રાજયની ભાજપ સરકારે કરવા જોઇએ તે થતાં નથી. વિનુભાઇએ વધુમાં જણાવ્યું કે કારખાનેદારોનું શોષણ સરકાર કરે અને કારખાનેદારો કારીગરોનું શોષણ કરે છે તે બાબતે પણ સરકાર લાપરવાહ હોવાથી હીરા ઉદ્યોગ વિકાસને બદલે વિનાશ તરફ જઇ રહ્યો છે.

(11:43 am IST)
  • નકલી બિયારણકાંડઃ કૃષિ વિભાગે તપાસ શરૂ કરી :ગાંધીનગરના માણસામાં બિયારણની દુકાનમાંથી મળી ૧૦ બિયારણની નકલી થેલીઓ મળી આવી હતીઃ ખાતરકાંડ બાદ સૌથી મોટો ઘટસ્ફોટ access_time 3:56 pm IST

  • મહેસાણાની દુધસાગર ડેરીના ૪૫ કર્મચારીઓની બદલીઃ ત્રણ દિવસથી હડતાલ ઉપર : કર્મચારીઓ મહેસાણા ન આવવા મકકમઃ ૩ દિવસથી મહેસાણાના કર્મીઓ હડતાલ ઉપર ડેરીએ કામ બંધ કરતા કર્મચારીઓની કરી બદલીઃ દુધસાગર ડેરીના કર્મચારી હડતાલ પરઃ હરીયાણાના માનેસર પ્લાન્ટના કર્મીઓ હડતાલ ઉપરઃ મહેસાણાના કર્મીને ઉપર પર પ્રાંતીયોએ માર્યો હતો માર access_time 3:21 pm IST

  • વેનેઝુએલા જતી તમામ ફલાઈટો અમેરિકાએ રદ્દ કરી : સલામતી અને સિકયુરીટી કારણોસર વેનેઝુએલા જતી તમામ વિમાની ઉડ્ડયનો અમેરિકાએ રદ્દ કર્યા છે : વેનેઝુએલામાં ભારે રાજકીય અફરાતફરી પ્રવર્તે છે અને સતત તનાવ વધતો જાય છે ઉપરાંત રાજકીય અસ્થિરતા સર્જાયેલ છે. access_time 3:49 pm IST