Gujarati News

Gujarati News

News of Thursday, 16th May 2019

મોટા દડવામાં સુરેશભાઇ પરમાર પર પાંચ શખ્સોનો લાકડી-પાઇપથી હુમલો

ભત્રીજો ધવલ યુવતિને ભગાડી ગયો હોઇ, તે બાબતનો ખાર રાખી હુમલો કર્યાની ફરીયાદ

રાજકોટ, તા. ૧૬ : આટકોટના મોટા દડવામાં ભત્રીજો યુવતીને ભગાડી ગયો હોઇ તે બાબતનો ખાર રાખી ચાર શખ્સોએ કાકા પર લાકડી-પાઇપથી હુમલો કરતા ફરીયાદ થઇ છે.

મળતી વિગત મુજબ મોટા દડવાના વતની હાલ સુરત મોટા વરાછા સુદામા ચોકમાં અભિષેક એપાર્ટમેન્ટમાં બ્લોક નં. ર૦૪માં રહેતા સુરેશભાઇ દેવશીભાઇ પરમાર (ઉ.વ.૪પ) (લુહાર) મોટા દડવા ગામે આવ્યા હતાં અને પરમ દિવસે પોતાના ઘર પાસે હતાં ત્યારે તેનો ભત્રીજો ધવલ બે વર્ષ પહેલા હિતેશ પ્રભાતભાઇ ચાવડાની બહેનને ભગાડી ગયો હોઇ, તે બાબતનો ખાર રાખી યુવતીનો ભાઇ હિતેશ ચાવડા (ઉ.વ.ર૭, વિશાલ ધરમનભાઇ ચાવડા (ઉ.ર૧), રાહુલ પ્રભાતભાઇ ચાવડા (ઉ.વ.ર૦), જનક ધરમનભાઇ ચાવડા (ઉ.ર૪) (રહે. મોટા દડવા) ઘર પાસે આવી સુરેશભાઇ પરમાર સાથે ઝઘડો કરી લાકડી તથા પાઇપ વડે માર માર્યો હતો. દેકારો બોલતા આસપાસના લોકો એકઠા થતા તેને સારવાર માટે હોસ્પિટલમાં ખસેડાયા હતા. આ અંગે સુરેશભાઇ પરમારે આટકોટ પોલીસ મથકમાં ફરીયાદ નોંધાવતા પીએસઆઇ કે.પી. મેતાએ તપાસ આદરી છે.

(11:30 am IST)
  • ઇશ્વરચંદ્ર વિદ્યાસાગરનું નવું પૂતળું બનાવી આપવાની નરેન્દ્રભાઇની જાહેરાત મમતાએ ફગાવી દીધી : અમારે કોઇ મદદ જોઇતી નથી : તમે (ભાજપ) લોકોએ જ પૂતળું તોડ્યું છે : ભાજપે આ કર્યું છે તે વાત બંગાળની પ્રજા કયારેય ભૂલશે નહિ : મમતા દીદી આક્રમૂક મૂડમાં access_time 4:30 pm IST

  • શ્રીલંકામાં ૧૦૦ જેલભેગા : મુસ્લિમો વિરૂધ્ધ ભડકેલ હિંસા હવે કાબુમાં : સંવેદનશીલ વિસ્તારોમાં રાત્રી કર્ફયુ : મુસ્લિમોની દુકાનો - મસ્જીદો - નિવાસોને સિંહાલીઓએ નિશાન બનાવ્યા access_time 1:22 pm IST

  • જેટ એરવેઝને ૩૧ માર્ચ ૨૦૧૯ના પુરા થતા કવાટર્સ માટેની જરૂરી કાર્યવાહી પૂર્ણ કરવામાં નિષ્ફળ જતા જેટ એરવેઝને એનએસઇએ ૪.૧૫ લાખ રૂ.નો દંડ કર્યો છે access_time 4:26 pm IST