Gujarati News

Gujarati News

News of Tuesday, 16th April 2019

વીરપુરમાં ગુરૂવારે સમસ્ત ખાંટ રાજપૂત સમાજના સમૂહલગ્ન : ૨૩ નવયુગલ પ્રભુતામાં પગલા પાડશે

કરીયાવરમાં દિકરીઓને ઢગલાબંધ વસ્તુઓ અપાશે : સમસ્ત ખાંટ રાજપૂત સેવા સમાજ ટ્રસ્ટ - જેતપુર દ્વારા દર વર્ષે થતી સેવાકીય પ્રવૃતિઓ

રાજકોટ, તા. ૧૬ : આગામી ૧૮મીના ગુરૂવારે સમસ્ત ખાંટ રાજપૂત સમાજના સમૂહલગ્નનું આયોજન કરવામાં આવેલ છે. આ સમૂહલગ્નમાં ૨૩ નવદંપતિઓ પ્રભુતામાં પગલા પાડશે. કરીયાવરમાં દિકરીઓને ઢગલાબંધ વસ્તુઓ આપવામાં આવશે.

શ્રી સમસ્ત ખાંટ રાજપૂત સેવા સમાજ ટ્રસ્ટ - જેતપુર દ્વારા જેતપુર તાલુકાના વિરપુર (જલારામ) ખાતે સ્ટેશન રોડ ઉપર ચિત્રકુટ ફાર્મ ખાતે સમૂહલગ્નનું આયોજન કરવામાં આવેલ છે. ઉલ્લેખનીય છે કે આ ટ્રસ્ટ દ્વારા સમૂહલગ્ન ઉપરાંત સામાજીક - શૈક્ષણિક પ્રવૃતિઓ કરવામાં આવે છે.

વીરપુર (જલારામ) ખાતે ૧૮મીના આયોજીત સમૂહલગ્નમાં ૨૩ નવયુગલો પ્રભુતામાં પગલા પાડશે. સાથોસાથ સાતેક હજારથી વધુ ભાઈ - બહેનો મહાપ્રસાદનો લાભ લેશે.

આયોજનને સફળ બનાવવા વેલજીભાઈ સરવૈયા (પ્રમુખ), કે.પી. ગુજરાતી (ટ્રસ્ટી), એમ.આર. રાઠોડ (ટ્રસ્ટી), મનજીભાઈ સી. રાઠોડ (ટ્રસ્ટી),  કાનજીભાઈ એન. મોરબીયા, ડાયાભાઈ વાઘેલા, કિશનભાઈ મોરબીયા, નૈમીષભાઈ સરવૈયા અને ધીરૂભાઈ સોલંકી જહેમત ઉઠાવી રહ્યા છે. (તસ્વીરઃ સંદિપ બગથરીયા)

(3:40 pm IST)
  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST

  • કુવાડવામાં વરસાદ ચાલુ : રાજકોટના રૈયા ગામ અને સૌરાષ્‍ટ્ર યુનિવર્સિટીમાં વરસાદ ચાલુ access_time 4:13 pm IST

  • વિવાદી નિવેદન કરવા બદલ નવજોતસિંહ સિધ્ધુ સામે ફરિયાદ દાખલ :કટિહાર જિલ્લા વહીવટી તંત્રે સાંપ્રદાયિક ભડકાઉ ભાષણ આવવા મામલે કોંગ્રેસના નેતા નવજોતસિંહ વિરુદ્ધ એફઆઈઆર દાખલ કરી :નવજોતસિંહ સિધ્ધુએ મુસલમાનોને એકજુથ થઈને મત આપવા અપીલ કરતા વિવાદ થયો હતો access_time 1:04 am IST