Gujarati News

Gujarati News

News of Tuesday, 16th April 2019

ગુરૂવારે કોંગ્રેસના રાષ્ટ્રીય અધ્યક્ષ રાહુલ ગાંધીની વંથલી ખાતે સભા

હાર્દિક પટેલ સહિતના નેતાઓ હાજરી આપશેઃ જનમેદની એકત્ર કરવા કવાયત-ચુસ્ત બંદોબસ્ત

જુનાગઢ તા. ૧૬ :.. કોંગ્રેસના રાષ્ટ્રીય અધ્યક્ષ રાહુલ ગાંધી ફરી ગુજરાતના ચૂંટણી પ્રવાસે આવી રહ્યા છે ગુરૂવારે તેઓ જૂનાગઢ જિલ્લાના વંથલી ખાતે જાહેરસભાને સંબોધન કરશે.

લોકસભાની ચૂંટણી માટે ર૩ એપ્રિલે  મતદાન થનાર છે જેના પ્રચાર માટે ગણતરીનાં જ દિવસો બાકી હોય આથી મતદારોને રીઝવવા રાજકીય પક્ષોએ તેમનાં સ્ટાર પ્રચારકોને પ્રચાર માટે ઉતાર્યા છે.

ગઇકાલે સવારે ભાજપનાં રાષ્ટ્રીય અધ્યક્ષ અમિત શાહે જૂનાગઢ બેઠકનાં ઉમેદવારનાં સમર્થનમાં કોડીનાર ખાતે અને બપોરે કોંગ્રેસનાં રાષ્ટ્રીય પ્રમુખ રાહુલ ગાંધીએ રાજૂલા પાસે પોતાનાં ઉમેદવારોને જીતાડવા માટે ચૂંટણી સભા યોજી હતી.

હવે ફરી તા. ૧૮ એપ્રિલ ગુરૂવારનાં રોજ રાહુલ ગાંધી સોરઠનો ચૂંટણી પ્રવાસ કરશે. ગુરૂવારે બપોરે અઢી વાગ્યે વંથલીના દિલાવરનગર ખાતે રાહુલ ગાંધીની જાહેર સભાનું આયોજન કરાયુ હતું.

અહીં રાહુલ ગાંધી જુનાગઢ અને પોરબંદર લોકસભાની સામાન્ય ચૂંટણી અને માણાવદર વિધાનસભા બેઠકની પેટાચૂંટણીનો પોતાના ઉમેદવારોનાં સમર્થનમાં મતદારોએ સંબોધન કરશે.

રાહુલ ગાંધીની જાહેર સભામાં કોંગ્રેસનાં સ્ટાર પ્રચારક હાર્દિક પટેલ સહિતનાં નેતાઓ પણ હાજરી આપશે. જાહેર સભામાં વિશાળ જનમેદની ઉપસ્થિત રહે તે માટે કવાયત શરૂ કરી દેવામાં આવી છે.

બીજી તરફ રાહુલ ગાંધીની સુરક્ષા અને તેમની જાહેરસભા દરમ્યાન કાયદો - વ્યવસ્થા જળવાય રહે તે માટે આઇજીપી સુભાષ ત્રિવેદીનાં માર્ગદર્શન હેઠળ એસપી સૌરભ સિંઘે ચુસ્ત પોલીસ બંદોબસ્તની ગોઠવણ હાથ ધરી છે.

(11:52 am IST)
  • કાલાવડ રોડ-મહિલા કોલેજ અંડરબ્રીજ પાસે સામાન્‍ય વરસાદમાં અનેક વાહન ચાલકો સ્‍લીપ થયાઃ એકને ઈજા : શહેરના કાલાવડ રોડ મહિલા કોલેજ બ્રીજ પાસે સામાન્‍ય વરસાદમાં રોડ ભીના થતા રોડ ઉપર અનેક વાહનચાલકો સ્‍લીપ થયા હતા. એક સ્‍કૂટર ચાલકને ઈજાગ્રસ્‍ત હાલતમાં ૧૦૮ એમ્‍બ્‍યુલન્‍સ મારફત હોસ્‍પીટલે પણ ખસેડવામાં આવેલ છે. access_time 4:34 pm IST

  • કર્ણાટકમાં JDS ઉમેદવારોના નિવાસસ્થાન ઉપર ઇન્કમટેક્સ ડિપાર્ટમેન્ટના દરોડા : લોકસભાની ચૂંટણી લડી રહેલા પાર્ટી સુપ્રીમો એચ.ડી.દેવગૌડાના પૌત્ર નિખિલ કુમારસ્વામી તથા પ્રજવલ રેવન પાસે આવક કરતા વધુ સંપત્તિ તથા કાળું નાણું હોવાની બાતમી : ઇન્કમટેક્ષ ડિપાર્ટમેન્ટનું મંતવ્ય : સરકાર દ્વારા સત્તાનો દુરુપયોગ થઇ રહ્યો છે : JDS સમર્થકોનું મંતવ્ય access_time 12:48 pm IST

  • મુસ્લિમ મહિલાઓને મસ્જિદમાં નમાઝ પઢવાનો હક્ક આપતી પિટિશન સુપ્રીમ કોર્ટએ દાખલ કરી : સબરીમાલા મંદિરમાં મહિલાઓને પ્રવેશ આપતા જજમેન્ટને ધ્યાને લઇ પિટિશન દાખલ કરાઈ હોવાનું મંતવ્ય : કેન્દ્ર સરકાર તથા ઓલ ઇન્ડિયા મુસ્લિમ પર્સનલ લો બોર્ડનો ખુલાસો માંગ્યો : જાતીય સમાનતા બક્ષતા આર્ટિકલ 14 નો ભંગ કરવા બદલ સુપ્રીમ કોર્ટ જસ્ટિસ શ્રી એસ.એ.બોબડે તથા શ્રી એસ.અબ્દુલ નાઝિરની બેન્ચે નોટિસ પાઠવી access_time 12:17 pm IST