Gujarati News

Gujarati News

News of Tuesday, 16th April 2019

પ્રભાસતીર્થમાં સૌરાષ્ટ્ર-કચ્છ સમસ્ત બ્રહ્મસમાજનું રપમું અધિવેશન સંપન્ન : વિવિધ હોદ્દેદારોની વરણી

પ્રભાસપાટણ તા.૧૬ : સોમનાથ મહાદેવના સાનિધ્યમાં શારદામઠ ખાતે તા.૧૩ અને ૧૪ના રોજ સોમનાથ ખાતે સૌરાષ્ટ્ર કચ્છ સમસ્ત બ્રહ્મસમાજના હજારોની સંખ્યામાં ભૂદેવો મહાઅધિવેશનમાં ઉમટી પડયા આ મહાઅધિવેશનમાં ગીર સોમનાથ સમસ્ત બ્રહ્મ સમાજના યજમાનપદે ઉપસ્થિત રહેલ.યુવાનો દ્વારા બાઇક રેલી, સોમનાથ મહાદેવ, પરશુરામ ભગવાન અને નૂતન રામમંદિરમાં ધ્વજારોહણ કરવામાં આવેલ. સાંજના સમયે સૌરાષ્ટ્ર કચ્છના ખ્યાતનામ ભૂદેવ કલાકારો દ્વારા સંતવાણી રસપાન કરાવવામાં આવેલ. ક્રાંતીકારી સંત અને અખિલ ભારતીય સાધુ સમાજના પ્રમુખ મુકતાનંદબાપુ સહિત સમાજના શ્રેષ્ઠીઓની હાજર રહેલ હતા.

સૌરાષ્ટ્ર કચ્છ સમસ્ત બ્રહ્મસમાજના બંધારણની જોગવાઇ મુજબ સર્વાનુમતે ઠરાવ પસાર કરી અને સૌરાષ્ટ્ર કચ્છ સમસ્ત બ્રહ્મસમાજના પ્રમુખપદે છેલભાઇ જોષીની સર્વસંમતીની વરણી કરવામાં આવેલ. મહાઅધિવેશનમાં પ્રમુખ સ્થાને ઉપસ્થિત રહેલ પૂજય મુકતાનંદજી બાપુએ સમાજને સંગઠીત થવા અને જાગૃત થવા હાકલ કરેલ વર્તમાન પરિસ્થિતિને ધ્યાને લઇ જો સમાજ સંગઠીત થશે તો સામાજીક કે રાજકીય ક્ષેત્રમાં ભૂદેવોને આગળ આવવા કોઇ રોકી શકશે નહી.

સૌરાષ્ટ્ર કચ્છ સમસ્ત બ્રહ્મસમાજના નવ નિયુકત પ્રમુખ છેલભાઇ જોષીએ પોતાની ટીમની પણ જાહેરાત કરેલ હતી જેમાં મહામંત્રી તરીકે સંજયભાઇ જોષી અને ખજાનચી દેવેનભાઇ ઓઝાની નિમણુંક કરેલ હતી અને સંગઠન મંત્રી મનુભાઇ પંડયા તેમજ ગીર સોમનાથ જીલ્લાના સમસ્ત બ્રહ્મસમાજના પ્રમુખ મિલનભાઇ જોષી તેમજ સૌરાષ્ટ્ર કચ્છ બ્રહ્મસમાજના યુવા પાંખના પ્રમુખ હિતેશભાઇ ઓઝા અને મહામંત્રી તરીકે હેમલભાઇ ભટ્ટ નિમણુંક કરવામાં આવેલ હતી.

કાર્યક્રમનું સંચાલન નિશાંતભાઇ ઋષિ અને શરદભાઇ વ્યાસ દ્વારા કરવામાં આવેલ તેમ ગીર સોમનાથ બ્રહ્મસમાજના પ્રમુખ મીલનભાઇ જોષીની યાદીમાં જણાવેલ છે.

(11:40 am IST)
  • સુશીલ મોદી રાહુલ પર કરશે માનહાનીનો કેસ : કર્ણાટકમાં કોંગ્રેસ અધ્યક્ષ રાહુલ ગાંધી સભા ગજવતા કહ્યું હતું કે, મોદી સરનેમ વાળા તમામ ચોર તેવું વિવાદીત નિવેદન પર સુશીલ મોદી રાહુલ વિરૂદ્ધ માનહાનીનો કેસ કરશે access_time 4:01 pm IST

  • ભારતને તોડવા માંગતા હોત તો હિન્દુસ્તાનનું અસ્તિત્વ જ ન હોત: ફારુક અબ્દુલ્લા:પૂર્વ મુખ્યમંત્રીએ કહ્યું કે, વડાપ્રધાન મોદીએ યાદ રાખવું જોઇએ કે જ્યારે 1996માં રાજ્યમાં કોઇ ચૂંટણી નહોતું લડવા માંગતું તો તેમણે જ ઝંડો ઉઠાવ્યો હતો access_time 1:14 am IST

  • કર્ણાટકમાં JDS ઉમેદવારોના નિવાસસ્થાન ઉપર ઇન્કમટેક્સ ડિપાર્ટમેન્ટના દરોડા : લોકસભાની ચૂંટણી લડી રહેલા પાર્ટી સુપ્રીમો એચ.ડી.દેવગૌડાના પૌત્ર નિખિલ કુમારસ્વામી તથા પ્રજવલ રેવન પાસે આવક કરતા વધુ સંપત્તિ તથા કાળું નાણું હોવાની બાતમી : ઇન્કમટેક્ષ ડિપાર્ટમેન્ટનું મંતવ્ય : સરકાર દ્વારા સત્તાનો દુરુપયોગ થઇ રહ્યો છે : JDS સમર્થકોનું મંતવ્ય access_time 12:48 pm IST