Gujarati News

Gujarati News

News of Tuesday, 16th April 2019

રબારી સમાજમાં બારોટના ચોપડામાં નામ માંડવાની પ્રથા આજે પણ ''અકબંધ''

આધુનિકતા વચ્ચે પણ લુપ્ત થતી પરંપરા રબારી સમાજ વટભેર નિભાવે છે

 હળવદ તા.૧૬: આધુનિક યુગમાં સમાજનાં અનેક સમાજોમાં રૂઢી રિતરિવાજોમાં પરિવર્તન આવ્યું છે ત્યારે રબારી સમાજમાં આજે પણ એક પરંપરા અકબંધ રહી છે દરેક સમાજમાં પહેલા પોતાના વારસાગત પેઢીઓના નામની જાળવણી માટે બારોટ પાસે નામ મંડાવવામાં આવતું પરંતુ આજે આધુનિક યુગમાં અનેક સમાજોમાં આ પરંપરા તૂટી ગઇ છે જયારે રબારી સમાજમાં પોતાના પેઢીઓની વંસાવલીની નામાવલીની જાળવણી માટે બારોટના ચોપડામાં નામ મંડાવાની પરંપરા આજેપણ અકબંધ જોવા મળી છે.

પોતાના મોટા દીકરાનું નામ બારોટના ચોપડામાં મંડાવામાં આવે છે તેમજ જયારે પોતાના માતા-પિતા પાછળ પરગણુ દાળો કરવા આવે ત્યારે પણ બારોટને બોલાવીને નામ માંડણી કરવામાં આવે છે જે રબારી સમાજમાં આજે પણ આ પરંપરા અકબંધ જોવા મળે છે.

બારોટને બોલાવીને તેમને સન્માન આપવામાં આવે છે બારોટ પોતાના યજમાનોની વારસાગત પેઢીઓની નામાવલીની જાળવણી કરે છે બારોટના વહીવંચા સાંભળવાથી પોતાના પૂર્વજોની યાદો તાજી થાય છે અને એક કહેવાય છે ''સાપ સણકે ઉતરે વિંછી ડંખથી જાય પોતાના કુળની ઉત્પતિ સાંભળે પાપ નો થાય પ્રલય'' આજે પણ વહીવંચા તરીકેનું કામ વિપુલભાઇ બારોટ કરી રહ્યા છે તેઓ પોતાના યજમાનના માતા-પિતાના કાવડ જેમ ફેરવીને વંશવારસાની નામાવલી જતન કરી રહ્યા છે.

રબારી વિહોતર નાત સમક્ષ વહીવંચા ચોપડાનું વાંચન કરવામાં આવે છે આ પરંપરા આજે પણ રબારી સમાજમાં અકબંધ જોવા મળે છે.

(9:35 am IST)
  • સુશીલ મોદી રાહુલ પર કરશે માનહાનીનો કેસ : કર્ણાટકમાં કોંગ્રેસ અધ્યક્ષ રાહુલ ગાંધી સભા ગજવતા કહ્યું હતું કે, મોદી સરનેમ વાળા તમામ ચોર તેવું વિવાદીત નિવેદન પર સુશીલ મોદી રાહુલ વિરૂદ્ધ માનહાનીનો કેસ કરશે access_time 4:01 pm IST

  • મુસ્લિમ મહિલાઓને મસ્જિદમાં નમાઝ પઢવાનો હક્ક આપતી પિટિશન સુપ્રીમ કોર્ટએ દાખલ કરી : સબરીમાલા મંદિરમાં મહિલાઓને પ્રવેશ આપતા જજમેન્ટને ધ્યાને લઇ પિટિશન દાખલ કરાઈ હોવાનું મંતવ્ય : કેન્દ્ર સરકાર તથા ઓલ ઇન્ડિયા મુસ્લિમ પર્સનલ લો બોર્ડનો ખુલાસો માંગ્યો : જાતીય સમાનતા બક્ષતા આર્ટિકલ 14 નો ભંગ કરવા બદલ સુપ્રીમ કોર્ટ જસ્ટિસ શ્રી એસ.એ.બોબડે તથા શ્રી એસ.અબ્દુલ નાઝિરની બેન્ચે નોટિસ પાઠવી access_time 12:17 pm IST

  • ભારતને તોડવા માંગતા હોત તો હિન્દુસ્તાનનું અસ્તિત્વ જ ન હોત: ફારુક અબ્દુલ્લા:પૂર્વ મુખ્યમંત્રીએ કહ્યું કે, વડાપ્રધાન મોદીએ યાદ રાખવું જોઇએ કે જ્યારે 1996માં રાજ્યમાં કોઇ ચૂંટણી નહોતું લડવા માંગતું તો તેમણે જ ઝંડો ઉઠાવ્યો હતો access_time 1:14 am IST