Gujarati News

Gujarati News

News of Tuesday, 16th April 2019

લાકડા ચોરીનો ખોટો કેસ કરવાની ધમકીઃ ૩૦ હજારની લાંચના છટકામાં મોરબીના ફોરેસ્ટ ગાર્ડ અરવિંદ ડાંગર એસીબી છટકામાં સપડાયાઃ રાજકોટ એકમના મદદનીશ નિયામક હિમાંશુ દોશી ટીમને વધુ એક સફળતા સાંપડી

રાજકોટઃ આ કેસના ફરિયાદી તથા તેના મીત્ર મોરબી નજીકના કાલીકા નગર વીડમાં હનુમાનજી મંદિર દર્શન કરી પરત ફરતી વખતે વીડમાં નાસ્તો કરતા હતા તે સમયે તેઓને ફોરેસ્ટ ગાર્ડ દ્વારા ધમકાવી ગાળો આપી લાકડા ચોરીનો કેસ નહી કરવા બદલ પ્રથમ પ૦ હજાર  અને બાદમાં નકકી કરેલ ૩૦ હજારની લાંચ લેતા  મોરબીના જુના બસ સ્ટેશન પાસે ચામુંડા ટી સ્ટોલની સામેથી એસીબીના મદદનીશ નિયામક એચ.પી.દોશીના  સુપરવિઝનમાં સુરેન્દ્રનગરના એસીબી પી.આઇ. ઝેડ જી. ચૌહાણએ ઝડપી લીધા હતા.

પચ્ચીસેક દિવસ પહેલાની આ ઘટનામાં ફરીયાદીના કથન મુજબ તેના તથા તેના મીત્ર પર ગેરકાયદેસર કામ કરવા આવ્યા હોવાનું જણાવી તેવા મતલબનું રેકોર્ડીગ કરાવી લીધુ હતુ. ત્યારબાદ લાકડા ચોરીનો કેસ નહી કરવા પ૦ હજારની લાંચ માગ્યા બાદ રકઝક ના અંતે ૩૦ હજાર નકકી કરેલ. ફરીયાદીને લાંચ આપવી ન હોય એસીબીનો સંપર્ક કરતા એસીબીએ ગોઠવેલ છટકામાં આરોપી ઝડપાઇ ગયેલ. એસીબીના રાજકોટ એકમના મદદનીશ નિયામક હિમાંશુ દોશીએ ચાર્જ સંભાળ્યા બાદ સપાટો  બોલ્યો છે. સંખ્યાબદ્ધ લાંચિયાઓ એસીબીની જાળમાં સપડાયા છે.

(11:47 am IST)
  • કાલાવડ રોડ-મહિલા કોલેજ અંડરબ્રીજ પાસે સામાન્‍ય વરસાદમાં અનેક વાહન ચાલકો સ્‍લીપ થયાઃ એકને ઈજા : શહેરના કાલાવડ રોડ મહિલા કોલેજ બ્રીજ પાસે સામાન્‍ય વરસાદમાં રોડ ભીના થતા રોડ ઉપર અનેક વાહનચાલકો સ્‍લીપ થયા હતા. એક સ્‍કૂટર ચાલકને ઈજાગ્રસ્‍ત હાલતમાં ૧૦૮ એમ્‍બ્‍યુલન્‍સ મારફત હોસ્‍પીટલે પણ ખસેડવામાં આવેલ છે. access_time 4:34 pm IST

  • વડાપ્રધાન મોદી 23 એપ્રિલના રોજ પોતાનો મત, રાણીપ - અમદાવાદ ખાતે નિશાન વિદ્યાલયના પોલિંગ બુથ પર સવારે 7-30 વાગ્યે આપશે જશે તેમ જાણવા મળે છે. access_time 10:57 pm IST

  • રાજકોટમાં વાતાવરણ એકદમ ગોરંભાયુઃ વિજળીના જોરદાર કડાકા-ભડાકા : ભારે વરસાદને લીધે પડધરીમાં કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયા : રાજકોટના પડધરીમાં ભારે વરસાદ : કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયાઃ ભારે પવનથી એક ઝાડ પણ તૂટી ગયાનું જાણવા મળે છે : પડધરીના ખાખડાબેલા ગામે તોફાની પવન સાથે ભારે વરસાદ ચાલુ : કરા પડતા મકાનની દિવાલ ધરાશાયી : ધ્રોલના લતીપર ગામે પણ ધોધમાર વરસાદ ચાલુ હોવાનું જાણવા મળે છે access_time 4:12 pm IST