Gujarati News

Gujarati News

News of Monday, 15th April 2019

વડીયાના દેવળકી ગામે હઠીલા હનુમાનજી મંદિર ખાતે પ્રાણપ્રતિષ્ઠા મહોત્સવ ભવ્યતાથી ઉજવાશે

વડીયા, તા.૧પઃ તાલુકાના દેવળકી ગામે શ્રી હઠીલા હનુમાનજી મંદિર ખાતે એવમ એકવીસ કુંડ મહાયજ્ઞ વિશ્વકલ્યાણર્થે યોજાશે આ કાર્યક્રમ તા,૧૭,૪,૨૦૧૯ થી તા,૧૯,૪,૨૦૧૯ સુધી સતત ત્રણ દિવસ સુધી યોજાશે મંદિરના મહંત શ્રી પૂ.વલ્લભદાસબાપુ ના જણાવ્યા મુજબ તા ૧૭ ના રોજ નગરયાત્રા તેમજ રાત્રીના સમયે ભવ્ય સંતવાણી યોજાશે જેમાં અલકાબેન પટેલ, મનસુખભાઇ વસોયા ખીલોરી વાળા, મયુરભાઈ દવે, પ્રવીણભાઈ અકબરી, અરુણભાઈ પંચાસરા, સોભનાબેન દાફડા, હંસાબહેન સોલંકી સહિતના સ્ટેજ પરથી સ્વેતાઓને ડોલાવશે તેમજ તા ૧૯ ના રોજ સાત ગામ ધુવાળા બંધ જમણવારનું આયોજન રાખેલ છે.

જેમાં દેવળકી, દેવલા, લીલાખા,અમરનગર વાડાસડા, ખીરસરા અને બાટવાદેવલી સહિતના તમામ ગામોને મહાપ્રસાદ લેવા જણાવાયું છે. જોકે આ કાર્યક્રમમાં સૌરાષ્ટ્ર ભરના સાધુસંતોની ઉપસ્થિતિ રહેશે તેમજ મંત્રીઓ આ ત્રિવસિય કાર્યક્રમમાં ખાસ ઉપસ્થિત રહેશે જેમાં કેબિનેટ મંત્રી જયેશ રાદડિયા, ગુજરાતના વિરોધપક્ષના નેતા પરેશ ધાનાણી, સાંસદ નારણ કાછડીયા, જામકંડોરણા ધારાસભ્ય લલિત વસોયા, પૂર્વ મંત્રી બાવકુભાઈ ઉઘાડ,પૂર્વ મંત્રી જશુબહેન કોરાટ, નાફેડના ચેરમેન દિલીપભાઈ સંઘાણી, પોરબંદર સિટના ઉમેદવાર રમેશ ધળુંક, ગોંડલના ધારાસભ્ય ગીતાબા જાડેજા સહિતના આગેવાનો ઉપસ્થિત રહેશે.

આ કાર્યક્રમના મુખ્ય દાતા મહેશભાઈ તોગડીયા રામોદવાળા અને બીપીનભાઈ રૈયાણી ખાંભાવાળા રહેશે.

(12:03 pm IST)
  • અમેરિકન એરલાઇન્સે ૧૯ ઓગસ્ટ સુધી ૧૧૫ ફ્લાઇટ્સ રદ કરી : બોઇંગ ૭૩૭ મેકસને નડેલા ભયાનક અકસ્માતો સંદર્ભે ૧૯ ઓગસ્ટ સુધીમાં મેકસ ૭૩૭ વિમાનોની સમશ્યા દૂર થઈ જશે access_time 3:30 pm IST

  • રાજકોટમાં સોશ્યલ મીડિયા વોર :લાલચ આપીને ભાજપમાં જોડવા કોશિશ :પાસના કાર્યકરોને લાલચ આપીને ભાજપમાં ખેંચવા પ્રયાસ :મનોજ પનારા અને હેમાંગ પટેલના નામે પોસ્ટ વાયરલ ;જબરી ચકચાર access_time 11:22 pm IST

  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST