Gujarati News

Gujarati News

News of Monday, 15th April 2019

વાંકાનેરમાં પેડક રોડ પરના શ્રી હનુમાનજી મંદિરે શ્રીરામચરીત માનસ જ્ઞાનયજ્ઞમાં શ્રીરામ જન્મોત્સવ ઉજવાયો

વાંકાનેર તા. ૧પ : વાંકાનેરના જડેશ્વર રોડ ઉપરની સરકારી હોસ્પીટલ પાસેના પેડક રોડ ઉપર આવેલ શ્રીરામભકત શ્રી હનુમાનજી મંદિરે શરૂ થયેલ શ્રીરામ ચરીત માનસ જ્ઞાનયજ્ઞના ચોથા દિવસે ભગવાન શ્રી રામચંદ્રજીનો જન્મોત્સવ ધામધુમથી અને ભકિતરસ સાથે ઉજવાયો હતો. દિગ્વીજયનગર વિસ્તારના મહીલા મંડળના અને અન્ય શ્રોતાગણ બહેનોએ રાસ રમી ભગવાનના પ્રાગટય દિનને ઉજવ્યો હતો.

વ્યાસપીઠ પર બીરાજમાન પ્રખર રામાયણી પ.પૂ. શ્રી રેવાદાસબાપુ હરીયાણીના કંઠે કથામાં આવતા એક એક પ્રસંગોને દ્રષ્ટાંત સાથે સરળ શૈલીમાં સંગીતના સથવારે રજુ થઇ રહ્યા છે જેને લઇને શ્રોતાગણમાં પ્રતિદિન વધારો થઇ રહ્યો છે.

શ્રી હનુમાનજી મંદિરના મહંતશ્રી રાજારામબાપુ- જેશારામબાપુના નિમંત્રણને માન આપી આ વિસ્તારમાંથી બહોળી સંખ્યામાં ભાઇઓ બહેનોના ભાવીક પ્રવાહ કથાનો લાભ લઇ રહ્યા છે. મોરબીવાળા કનુદાદા પંડયા પણ કથા સ્થળે વૈદીક મંત્રોચ્ચાર સાથે યજમાનોને પુજન સાથે કથા આવતા પ્રસંગોની તૈયારીને દિપાવવા જહેમત ઉઠાવી રહ્યા છે. ત્યારે કથાના વકતા રેવાદાસ હરીયાણીને સાંભળવાએ પણ એક જીવનનો લહાવો છે.

(12:02 pm IST)
  • વૈષ્ણોદેવી યાત્રા માર્ગ પર શંકાસ્પદ હિલચાલની માહિતી બાદ સર્ચ ઓપરેશન: વૈષ્ણોદેવી યાત્રાની સાંઝી છત આસપાસનાં જંગલોમાં શંકાસ્પદ હિલચાલની માહિતી : પરંપરાગત યાત્રા માર્ગ બંધ કરાવીને સર્ચ ઓપરેશન ચલાવાયું access_time 1:13 am IST

  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST

  • રાજકોટમાં વાતાવરણ એકદમ ગોરંભાયુઃ વિજળીના જોરદાર કડાકા-ભડાકા : ભારે વરસાદને લીધે પડધરીમાં કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયા : રાજકોટના પડધરીમાં ભારે વરસાદ : કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયાઃ ભારે પવનથી એક ઝાડ પણ તૂટી ગયાનું જાણવા મળે છે : પડધરીના ખાખડાબેલા ગામે તોફાની પવન સાથે ભારે વરસાદ ચાલુ : કરા પડતા મકાનની દિવાલ ધરાશાયી : ધ્રોલના લતીપર ગામે પણ ધોધમાર વરસાદ ચાલુ હોવાનું જાણવા મળે છે access_time 4:12 pm IST