Gujarati News

Gujarati News

News of Monday, 15th April 2019

રાણપરમાંથી ખનીજ ચોરીની બિનવારસું સામગ્રી ઝડપી પાડતું ભૂસ્તર વિભાગ

ખનીજ માફિયાઓને 'ચુંટણી લક્ષી' મોકળુ મેદાન : બે ચકરડી-એક મશીન સહિત રૂા. ર લાખનો મુદ્દામાલ ઝડપી ભાણવડ પોલીસ સ્ટેશનને કબ્જો સોંપાયો

ભાણવડ તા. ૧પઃ તાલુકાના રાણપર ગામેથી ભૂસ્તર વિભાગ ખનીજ ખાતાએ આજે વહેલી સવારથી જ દરોડા પાડવાનું શરૂ કરેલ હતું પરંતુ ખનીજ માફિયાઓને કોણ જાણે કયાંથી આની ભનક લાગી જતી હોય છે કે, દરોડા સમયે એકપણ ખનીજ માફિયા હાથ લાગતા નથી ત્યારે આજે પણ આવું જ બન્યું હતું રાણપર વિસ્તારમાં રોયલ્ટી ઇન્સ. ભવદિપ જે. ડોડીયા તેમજ ટીમે વહેલી સવારથી દરોડા શરૂ કરી કુલ બે ચકરડી અને એક મશીન બિન વારસુ કબ્જે લીધા હતા જો કે, અગાઉથી ભનક લાગી જતા ખનીજ માફિયાઓ ફરાર થઇ ગયા હતા અને ખનીજ ઉત્ખનની ઉપરોકત સામગ્રી જ હાથી લાગી હતી.

આ મશીનરીનો કબ્જો લઇ હાલ ભાણવડ પોલીસ સ્ટેશને સોંપવામાં આવેલ છે અને કુલ કેટલું ખનીજ ઉત્ખનન કરવામાં આવેલ છે તેની ગણતરીની કાર્યવાહી હાથ ધરવામાં આવેલ છે. જાણવા મળ્યા મુજબ આ દરોડા દરમ્યાન સ્થાનિક કે જીલ્લાની પોલીસને જાણ કરવામાં આવેલ ન હતી. ત્યારે ટુંકા ગાળામાં જ બીજી વખત ખનીજ ચોરી કે તેની મશીનરી ઝડપાતા ચર્ચા જાગી છે.

(11:47 am IST)
  • વિવાદી નિવેદન કરવા બદલ નવજોતસિંહ સિધ્ધુ સામે ફરિયાદ દાખલ :કટિહાર જિલ્લા વહીવટી તંત્રે સાંપ્રદાયિક ભડકાઉ ભાષણ આવવા મામલે કોંગ્રેસના નેતા નવજોતસિંહ વિરુદ્ધ એફઆઈઆર દાખલ કરી :નવજોતસિંહ સિધ્ધુએ મુસલમાનોને એકજુથ થઈને મત આપવા અપીલ કરતા વિવાદ થયો હતો access_time 1:04 am IST

  • સળગતા બાઇક પર સવાર દંપતિનો ચાર કિમિ પીછો કરીને પોલીસે જીવ બચાવ્યો ::વિડિઓ વાયરલ : ઇટાવાની નજીક એક્સપ્રેસ-વે પર ઉત્તર પ્રદેશ પોલીસની ડાયલ 100 ટીમની પ્રશંસનીય કામગીરી : બાઇક સવાર પર નજર પડી. જેમાં બાઇકમાં આગ લાગેલી હતી:. બાઇકમાં લાગેલી આગ જોઇને પોલીસે બાઇક સવાર દંપતિને જાણ પીછો કર્યો ;બાઈક રોકાવી આગને કાબુમાં લઇને દંપતીનો જીવ બચાવ્યો : આગને કારણે બાઈક બ્લાસ્ટ થવાની હતી ભીતિ access_time 1:17 am IST

  • ભારતને તોડવા માંગતા હોત તો હિન્દુસ્તાનનું અસ્તિત્વ જ ન હોત: ફારુક અબ્દુલ્લા:પૂર્વ મુખ્યમંત્રીએ કહ્યું કે, વડાપ્રધાન મોદીએ યાદ રાખવું જોઇએ કે જ્યારે 1996માં રાજ્યમાં કોઇ ચૂંટણી નહોતું લડવા માંગતું તો તેમણે જ ઝંડો ઉઠાવ્યો હતો access_time 1:14 am IST