Gujarati News

Gujarati News

News of Saturday, 16th March 2019

કન્યા પક્ષવાળા જોવા આવ્યા ત્યારે જ તપાસમાં પોલીસ આવતા ગભરાયેલા સુરેન્દ્રનગરના યુવાને ફિનાઇલ પી લીધું!!!

વઢવાણ બી ડિવીઝન કાફલો ગયેલઃ જો કે તપાસમાં આંબેડકર નગરમાંથી દારૂ બાબતે કંઇ ન મળ્યું: વિચિત્ર ઘટનાથી દલિત સમાજમાં રોષ

વઢવાણ તા.૧૬: આંબેડકર નગરમાં વઢવાણ બી ડિવીઝન પોલીસ કાફલો એકાએક ઘસીગયો અને તપાસમાં ન થવાનું થતા યુવાને ફિનાઇલ ગટગટાવતા સારવાર માટે સુરેન્દ્રનગરની ગાંધી હોસ્પિટલમાં દાખલ કરવામાં આવ્યો હતો.

વઢવાણ બી ડિવીઝન પોલીસ આંબેડકર નગરમાં ગયા બાદ આંબેડકર નગરમાં દલિત યુવાન માટે વેવિશાળ કરવા માટે છોકરીવાળા જોવા આવ્યા અને બી ડિવીઝન પોલીસ પણ જુગાર રમાડતા હોવાની તપાસના બના હેઠળ આવતા કન્યા પક્ષના છોકરો જોવા આવેલા મહેમાનો તુરત જ જતા રહયા હોવાનું દવા પીનારના પરિવારજનો જણાવી રહયા છે.

જેના કારણે દલીત યુવાનના ઘરમાં બી ડિવીઝન પોલીસને તપાસ દરમ્યાન કશું મળ્યું નહી અને કમલેશભાઇ ગોરાભાઇ નામના દલીત યુવાને ફિનાઇલ ગટગટાવતા સારવાર માટે ખસેડવામાં આવ્યો હતો.

દલીત સમાજના યુવાનો પોલીસ સામે રોષ સાથે ઘટના સ્થળ ઉપર દોડી આવ્યા હતા ત્યારે પોલીસ કાફલો પણ દોડી આવ્યો હતો ત્યારે પતાવટ સમજાવટથી મામલો થાળે પાડવા માટે મથામણ કરી રહયા હતા.

બનાવમાં ફરિયાદ ન નોંધાઇ હોવાનું જાણવા મળી રહ્યું છે. યુવાન સારવાર મેળવી રહયો છે.

આ ઘટનામાં દલિત સમાજમાં ભારે રોષ છવાયો છે. પરિવાર પણ આ બનેલ ઘટનાથી હેબતાઇ ગયો હોવાનું જાણવા મળી રહયું છે.

(3:27 pm IST)
  • રાજનીતિક પોસ્ટરો પર શહીદોની તસ્વીરોનો ઉપયોગ થવો અયોગ્ય :નાણામંત્રી અરુણ જેટલીએ કહ્યું કે, સશસ્ત્ર દળો દ્વારા કરવામાં આવેલી સર્જીકલ સ્ટ્રાઇક અથવા હવાઇ હુમલો લોકસભા ચૂંટણી અભિયાનનો હિસ્સો ન હોવો જોઇએ access_time 12:51 am IST

  • ગીર સોમનાથમાં યુવાન ઉપર સિંહનો હુમલો : કોડીનારના હઠમડીયા ગામે યુવાન ઉપર સિંહે હુમલો કરી કમ્મર અને છાતીના ભાગે ઈજા પહોંચાડી access_time 6:10 pm IST

  • આજે ભાજપ ખોલશે પતાઃ પ્રથમ યાદી આવશેઃ ૧૦૦ ઉમેદવારો જાહેર થશેઃ નવી દિલ્હીઃ આજે ભાજપ સંસદીય પક્ષની બેઠક મળી રહી છેઃ ૧૦૦ જેટલા ઉમેદવારો જાહેર કરાશેઃ પ્રથમ યાદીમાં જ પીએમ મોદીનું નામ હશેઃ તેઓ વારાણસીથી ચૂંટણી લડશેઃ બિહાર માટેના નામોનું એલાન થઇ શકે છે. આ ઉપરાંત પ.યુપી, ઉત્તરાખંડ, દિલ્હી, પ.બંગાળ, ઓડીશા, મહારાષ્ટ્રના પણ કેટલાક નામો હશેઃ તેલંગણા અને આંધ્રની બધી બેઠકોના નામ જાહેર થશે કારણ કે ત્યાં ૧૧ અને ૧૮ એપ્રિલે મતદાન છે access_time 11:22 am IST