Gujarati News

Gujarati News

News of Saturday, 16th March 2019

ધોરાજી-ઢાંક-ઉપલેટા પંથકમાં ભેદી ધડાકોઃ ભુકંપ?

ગ્રામ્ય વિસ્તારોમાં લોકો બહાર દોડી ગયાઃ જો કે ગાંધીનગર સ્થિત સિસ્મોગ્રાફી સેન્ટરમાં કોઇ નોંધ નથી

રાજકોટ, તા., ૧૬: રાજકોટ જીલ્લાના ધોરાજી-ઉપલેટા પંથકમાં આજે બપોરે ભેદી ધડાકો થતા લોકોમાં ભય પ્રસરી ગયો છે. આ ધડાકો ભુકંપનો છે કે અન્ય કોઇ તે અંગે લોકો એક બીજાને પુછપરછ કરી રહયા છે.

પ્રાપ્ત માહીતી મુજબ આજે બપોરે ૧.૩પ વાગ્યા આસપાસ ઉપલેટા, ધોરાજી-ઢાંક-મોટી પાનેલી-ભુતવડ, પ્રાંસલા સહિતના ગ્રામ્ય વિસ્તારોમાં એકાએક ભેદી ધડાકો થતા લોકો ઘરની બહાર દોડી ગયા હતા અને ભય પ્રસરી ગયો હતો.

આ અંગે ધોરાજી નજીકના ભુતવડમાં આવેલ રામદેવપીર મંદિરના પૂ. મહંત જેઠારામે જણાવ્યું હતું કે, ૧.૩પ વાગ્યા આસપાસ ભુકંપ નેવો આંચકો અનુભવાયો હતો. જેના કારણે ભુતવડમાં કાચા મકાનોમાં બારી-બારણા હલબલી ગયા હતા.

આ ઉપરાંત ઉપલેટાના કોલકી રોડ સહીતના વિસ્તારોમાં તેમજ ધોરાજીના જુદા જેુદા વિસ્તારોમાં પણ અનેક લોકોએ ભેદી ધડાકો અનુભવ્યો હતો.

જો કે ગાંધીનગર સ્થિત સિસ્મોગ્રાફી સેન્ટરમાં ભુકંપ અંગે કોઇ નોંધ થઇ નથી. અચાનક ભેદી ધડાકાથી લોકોમાં ભારે ભય પ્રસરી ગયો છે.

(2:20 pm IST)
  • દેશમાં સૌથી મોટી સમસ્યા બેરોજગારી, જો અમારી સરકાર આવશે તો ગરીબોના ખાતામાં રૂપિયા જમા કરશે : રાહુલઃ રાહુલ ગાંધીએ કહ્યું કે જો અમારી સરકાર આવશે તો મર્યાદા કરતાં ઓછી આવક હશે તેને રૂપિયા મળશે : અમારી સરકાર ગરીબોના ખાતામાં પૈસા જમા કરશે access_time 3:24 pm IST

  • અમદાવાદમાં બાકીદારો ઉપર તૂટી પડતું મ્યુનિસીપલ કોર્પોરેશનઃ ૧૨૦૦ મિલ્કતો સીલઃ છેલ્લા ત્રણ દિવસમાં ૩ હજારથી વધુ મિલ્કતો સીલઃ અમદાવાદ કોર્પોરેશનને આ વર્ષે ૭૯૬ કરોડની આવકઃ ૯૦૦ કરોડની આવકનો લક્ષ્યાંક પૂર્ણ કરવા તંત્ર મકકમ access_time 3:24 pm IST

  • તળાજા તાલુકામાં સરઘસ કાઢવા પર પ્રતિબંધ :તળાજા તાલુકાના કેટલાંક ગામોમા તા.23 માર્ચ સુધી યોગ્ય સત્તાધિકારીની પૂર્વ મંજુરી સિવાય સરઘસો કાઢવા પર પ્રતિબંધ ફરમાવતા અધિક કલેકટર ઉમેશ વ્યાસ access_time 11:31 pm IST