Gujarati News

Gujarati News

News of Sunday, 16th February 2020

મુંદરા રોડ પર બીએસએફના ટેમ્પોને અકસમાત કાર ચાલકે અડેફેટે લેતા ત્રણ જવાનોને ઈજા

ભુજ : શહેરના મુંદરા રોડ પર બીએસએફના ૪૦૭ ટેમ્પોને અકસ્માત નડતા ૩ જવાનોને ઈજાઓ પહોંચી હતી. ઈજાગ્રસ્તોને સારવાર માટે ભુજની જી.કે. જનરલ હોસ્પિટલમાં ખસેડાયા છે.

પ્રાપ્ત વિગતો મુજબ સીમા સુરક્ષા દળનો ૪૦૭ ટેમ્પો ભુજથી ભારાસર તરફ તેમના કેમ્પમાં જતો હતો. ત્યારે સામેથી આવતી કારનાં ચાલકે નશાની હાલતમાં બેફામપણે પુરપાટ રીતે અને ગફલતભરી રીતે વાહન હંકારી બીએસએફના ટેમ્પોને ટક્કર મારી હતી. જેમાં ટેમ્પો પલટી મારી જતાં તેમાં સવારે ૧૭ર બટાલિયનના કોન્સ્ટેબલ તારાની મંડલ, હેડ કોન્સ્ટેબલ નીકમ વિનોદ અને એએસઆઈ ઉપદેશકુમારને ઈજાઓ પહોંચી હતી. ઈજાગ્રસ્તોને તાત્કાલિક ભુજની જી.કે. જનરલ હોસ્પિટલમાં સારવાર માટે ખસેડાયા હતા.

(11:53 pm IST)
  • રાજકોટથી લગભગ 25 કિમિ દૂર, રાજકોટ-ગોંડલ વચ્ચે વાંધેશ્વર મહાદેવ મંદિર પાસે ૨ કાર ધડાકાભેર અથડાતા ૧ મહિલા અને ૮ વર્ષના બાળકનું મૃત્યુ થયું છે. ઇજાગ્રસ્ત ૪ને રાજકોટ ખસેડેલ છે. નામ અને વિગત મેળવાઈ રહી છે. (ભાવેશ ભોજાણી, ગોંડલ દ્વારા) access_time 12:45 pm IST

  • સુરત ટેક્સટાઇલ્સ વેપાર સાથે સંકળાયેલ અનિલ નાથાભાઈ હિરપરાની જીએસટી વિભાગ દ્વારા ધરપકડ : 15,53 કરોડની ટેક્સ ક્રેડિટ અને 3,57 કરોડના બોગસ રિફંડ ક્લેમ કરવા મામલે કાર્યવાહી access_time 10:23 pm IST

  • પશ્ચિમ બંગાળના માલદામાં નિર્માણાધીન પુલનો ભાગ ધરાસાયી : બે લોકોના કરૂણમોત : પાંચ લોકો ઘાયલ : માલદા જિલ્લાના વૈષ્ણવનગરમાં રવિવારે રાત્રે ગોઝારી દુર્ઘટના : ઘાયલોને હોસ્પિટલમાં ખસેડાયા : પોલીસ અને વહીવટીતંત્ર દ્વારા રાહત-બચાવ કાર્ય પુરજોશમાં ચાલુ : રાત્રે 8 વાગ્યે પુલનો એક ગર્ડર તૂટી પડતા કેટલાક મજૂરો દબાયાંની આશંકા access_time 12:33 am IST