Gujarati News

 દેવભુમિ દ્વારકા કલેકટર કચેરી ખંભાળીયાના સભાખંડમાં ગુજરાત રાજય અન્ન આયોગના સભ્ય દિનેશભાઇ કારીયાના અધ્યક્ષ સ્થાને અન્ન સલામતી કાયદો-૨૦૧૩ના અમલીકરણના અનુસંધાને બેઠક યોજવામાં આવી હતી. આ બેઠકમાં જિલ્લામાં જાહેર વિતરણ વ્યવસ્થાની કામગીરીની અદ્યતન પરિસ્થિતિ, મધ્યાહન ભોજન યોજના કેન્દ્રો અને આંગણવાડી કેન્દ્રોની કામગીરી અંગે ચર્ચા વિચારણાઓ કરી તેમજ આ કામમાં પડતી મુશ્કેલીઓની જાણકારી મેળવી હતી તથા જરૂરી સુચનો કર્યા હતા. આ બેઠકમાં ઇન્ચાર્જ કલેકટર આર.આર. રાવલ, નિવાસી અધિક કલેકટરશ્રી વ્યાસ, જિલ્લા પુરવઠા અધિકારીશ્રી માંડોત સહિત લગત વિભાગના અધિકારી કર્મચારીઓ ઉપસ્થિત રહયા હતા.(૨૧.૧૧)