Gujarati News

Gujarati News

News of Saturday, 16th January 2021

ગ્રાંટેડ શાળાઓમાં ભરતી માટે તૈયારીઓ શરૂ થઇ

ખંભાળીયા તા. ૧૬ :.. તાજેતરમાં ગુજરાત રાજયમાં શિક્ષણ મંત્રીશ્રી ભુપેન્‍દ્રસિંહ ચુડાસમા દ્વારા વર્ષો પછી રાજયની તમામ ગ્રાંટેડ શાળાઓમાં ૧૦૦ ટકા શિક્ષકોની ભરતી કરવાનું જાહેર કરાયું હતું.

આ જાહેરાતના સંદર્ભમાં શિક્ષણ વિભાગ દ્વારા જિલ્લા શિક્ષણાધિકારીઓ દ્વારા માહિતી એકત્ર કરીને રાજયમાં છ હજાર જેટલી જગ્‍યાઓ ભરવા માટેના તમામ શાળઓના રોસ્‍ટર રજિસ્‍ટરો કંપલીટ કયાં પછી ગઇકાલે રાજયની તમામ શાળાઓનું બિલ બનાવીને શાળાઓમાં ખાલી પડેલી જગ્‍યાની વિષય વાઇઝ યાદી બનાવીને જાહેર કરી છે.

ગ્રાંટેડ ઉ.મા. શાળાઓમાં સંભવતઃ જાન્‍યુઆરીના આખર સુધીમાં તથા માધ્‍યમિક શાળાઓમાં ફેબ્રુઆરી સુધીમાં ભરતી પ્રક્રિયા થઇ જાય તેવું આયોજન કરાયું છે.

તાજેતરમાં ૧૩-૧-ર૧ ના રોજ રાજયની ગ્રાંટેડ શાળાઓમાં ચાર રાઉન્‍ડ પછી પાંચમો રાઉન્‍ડ કરીને જે જગ્‍યાઓ ખાલી હતી તેવી શાળાઓમાં શિક્ષકોની નિમણૂકો કરવામાં આવી હતી.

(1:09 pm IST)
  • આજે દિલ્હીમાં કોરોના રસીકરણ બાદ આડઅસરોના કુલ 52 કેસ નોંધાયા છે, જેમાં 51 કિસ્સાઓમાં સામાન્ય આડઅસર સામે આવી છે જ્યારે 1 ગંભીર કેસ સામે આવ્યો છે તેમ દિલ્હી સરકારે જાહેર કર્યું છે. access_time 11:03 pm IST

  • કેરળમાં ચૂંટણી પહેલાનું ડાબેરી સરકારનું છેલ્લું ફુલગુલાબી બજેટ : પેનશનમાં વધારો : ખેડૂતો પાસેથી ખરીદવામાં આવતી ખેત પેદાશોના લઘુતમ મૂલ્યમાં વધારો : આરોગ્ય ક્ષેત્રે નવી ચાર હજાર નોકરીઓનું નિર્માણ : 50 લાખ યુવાનોને હુન્નર માટે કૌશલ્ય આપવાનું આયોજન : ગરીબ પરિવારોને ઓછી કિંમતે લેપટોપ અપાશે : થોડા મહિના પછી ધારાસભાની ચૂંટણી access_time 6:48 pm IST

  • ' માનવ જબ જોર લગાતા હૈ ,પથ્થર પાની બન જાતા હૈ ' : વડાપ્રધાન શ્રી નરેન્દ્ર મોદીએ ટીકાકરણની શરૂઆત પ્રસંગે રાષ્ટ્રકવિ રામધારી સિંહ દિનકરની કવિતાની પંક્તિ ટાંકી : પ્રથમ તબક્કે 1 કરોડ હેલ્થ વર્કર ,તથા 2 કરોડ ફ્રન્ટલાઈન વર્કર્સને રસી અપાશે access_time 11:09 am IST