Gujarati News

Gujarati News

News of Saturday, 16th January 2021

જામનગર જિલ્લાના અંદાજિત ૧૧,૦૦૦થી વધુ આરોગ્‍યકર્મીઓને રસીકરણનો પ્રારંભ

ચાર કેન્‍દ્રો ઉપરથી વેક્‍સિનેશનની કામગીરી

જામનગર, તા. ૧૬ :  સમગ્ર દેશમાં કોરોના રસીકરણના અભિયાનનો પ્રારંભ થનાર છે, જેમાં જામનગર જિલ્લો પણ સહભાગી બનશે. આ માટે જામનગર જિલ્લા ખાતે રસીકરણની તમામ તૈયારીઓ પૂર્ણ થઈ ચૂકી છે. અન્ન અને નાગરિક પુરવઠા રાજ્‍યમંત્રીશ્રી ધર્મેન્‍દ્રસિંહ જાડેજાના હસ્‍તે જી.જી. હોસ્‍પિટલ ખાતેથી રસીકરણનો પ્રારંભ થયેલ છે.

પ્રધાનમંત્રીશ્રી નરેન્‍દ્રભાઈ મોદી દ્વારા આ મહાઅભિયાનનો શુભારંભ કર્યા બાદ શહેર કક્ષાએ જી.જી.હોસ્‍પિટલ તેમજ નીલકંઠનગર યુ.એચ.સી અને ગ્રામ્‍ય કક્ષાએ ધ્રોલ તેમજ લાલપુર ખાતે રસીકરણનો શુભારંભ કરાયેલ.

રસીકરણના આ પ્રથમ તબક્કામાં જિલ્લા પંચાયતના અંદાજિત ૪૨૦૦ તેમજ મહાનગરપાલિકાના અંદાજે ૭૦૦૦ જેટલા આરોગ્‍યકર્મીઓને આવરી લેવામાં આવશે. આ માટે ૧૦૦-૧૦૦ની સંખ્‍યામાં લાભાર્થીઓને કેંદ્ર પર બોલાવવામાં આવશે. કોરોના મહામારી દરમિયાન પોતાના જીવના જોખમે સતત લોકોની સેવા કરનાર આ પ્રથમ હરોળના કોરોના વોરીયર્સને રસી આપવાના મહાઅભિયાન પ્રસંગે ધ્રોલ ખાતે ધારાસભ્‍ય રાઘવજીભાઇ પટેલ, લાલપુર ખાતે પૂર્વ મંત્રી ચીમનભાઈ શાપરિયા અને નીલકંઠ નગર યુ.એચ.સી ખાતે પૂર્વ ધારાસભ્‍ય મુળુભાઇ બેરાની પ્રેરક ઉપસ્‍થિતિ હતી.

(1:04 pm IST)
  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 15,336 કેસ નોંધાયા :કુલ કેસની સંખ્યા 1,05, ,43,844 થઇ :એક્ટિવ કેસ 2,08,357 થયા: વધુ 16,355 દર્દીઓ સ્વસ્થ થતા કુલ 1,01,78,437 થયા :વધુ 771 લોકોના મોત સાથે કુલ મૃત્યુઆંક 1,52,665 થયા access_time 1:04 am IST

  • કેરળમાં ચૂંટણી પહેલાનું ડાબેરી સરકારનું છેલ્લું ફુલગુલાબી બજેટ : પેનશનમાં વધારો : ખેડૂતો પાસેથી ખરીદવામાં આવતી ખેત પેદાશોના લઘુતમ મૂલ્યમાં વધારો : આરોગ્ય ક્ષેત્રે નવી ચાર હજાર નોકરીઓનું નિર્માણ : 50 લાખ યુવાનોને હુન્નર માટે કૌશલ્ય આપવાનું આયોજન : ગરીબ પરિવારોને ઓછી કિંમતે લેપટોપ અપાશે : થોડા મહિના પછી ધારાસભાની ચૂંટણી access_time 6:48 pm IST

  • અયોધ્યામાં રામ મંદિર નિર્માણ માટે દાનનો ધોધ : ઉત્તરાખંડના રાજ્યપાલ બેબી રાની મૌર્યએ 1 લાખ 21 હજાર તથા મહારાષ્ટ્રના રાજ્યપાલ ભગતસિંહ કોશિયારીએ 1 લાખ 11 હજાર રૂપિયા આપ્યા : ઉત્તરાખંડના મુખ્યમંત્રી ત્રિવેન્દ્ર સિંહ રાવતે 1 લાખ 51 હજાર તથા ઉત્તર પ્રદેશના મુખ્યમંત્રી યોગી આદિત્યનાથે 2 લાખ રૂપિયાનું ડોનેશન આપ્યું : ઉત્તર પ્રદેશના રાયબરેલી જિલ્લાના તેજગામ ના પૂર્વ ધારાસભ્ય સુરેન્દ્ર બહાદુર સિંહએ 1 કરોડ , 11 લાખ ,11 હજાર ,111 રૂપિયા આપ્યા : ' જય શ્રી રામ " access_time 12:07 pm IST