Gujarati News

Gujarati News

News of Saturday, 16th January 2021

કલ્‍યાણપુરના બોકસાઇટ ચોરીના કેસમાં ચારેય આરોપીની જામીન અરજી રદ

જામનગર તા.૧૬: કલ્‍યાણપુર તાલુકાના કનેડી ગામની સીમમાં ખોજાવાડી વિસ્‍તાર કનેડી હડમતીયા સીમ વિસ્‍તારમાં  સરકારી ખરાબામાં ગેરકાયદેસર રીતે બોકસાઇટ ખનીજનું ખોદકામ અંગેની અરજી દેવાયતભાઇ કરશનભાઇ વરૂએ કરતા દેવભુમી દ્વારકા ભુસ્‍તરવિજ્ઞાન અને ખનીજ ખાતાનાના રોયલ્‍ટી ઇન્‍સ્‍પેકટર ભવદીપ જે ડોડીયા દ્વારા ખોદકામવાળી જગ્‍યાએ તપાસ શરૂ કરી શકમંદ તરીકે હડમતીયા ગામના જેઠાભાઇ વજસીભાઇ સામે કલ્‍યાણપુર પો.સ્‍ટે. પાર્ટ એ ગુ.ર.નં.૧૧૧૮પ૦૦૩ર૦૧૧૮ર - ર૦ર૦ આઇપીસી કલમ ૩-૯ એમએમઆરડી એન્‍ડ આર એકટ ૧૯પ૭ (સુધારો ર૦૧પ)ની કલમ ૪(૧)૪(૧) એ ના ભંગ બદલ કલમ રર (૧) અને રર હેઠળ ગુજરાત મિનરલ્‍સ પ્રિવેન્‍સ ઓફ ઇલીગલ માઇનીંગ ટ્રાન્‍સપોર્ટેશન એન્‍ડ સ્‍ટોરેજ રૂલ્‍સ ર૦૧૭ની વિવિધ કલમો હેઠળ ગુન્‍હો નોંધી આ કામે તપાસમાં અન્‍ય આરોપીઓ (૧) રામભાઇ નાથાભાઇ લુણા રહે. ભાટીયા (ર) રણછોડભાઇ રૂડાભાઇ કણઝારીયા રહે. કનેડી (૩) વીરાભાઇ સાજણભાઇ વારોતરીયા રહે. બાકોડી તથા (૪) હમીરભાઇ રામદેભાઇ ચેતરીયા રહે. ભાટિયાવાળા વિગેરેના નામો ખુલેલ અને આરોપીઓ સરકારી જમીનમાં ભાગીદારી કરી ગેરકાયદેસર રીતે ખોદકામ કરતા હોવાનું ૧૦૦નાં સ્‍ટેમ્‍પ ઉપરનું લખાણ કબ્‍જે કરેલ અને ઉપરોકત ચારેય આરોપીઓની ધરપકડ કરેલ અને ઉપરોકત ચારેય આરોપીઓએ દ્વારકા એડિશનલ સેસન્‍સ જજ શ્રી પી.એચ.શેઠની કોર્ટમાં જામીન અરજી કરતા અધિકારીનું સોગંદનામુ તથા ખનીજ ચોરીની રકમ રૂા.૪,પ૦,ર૪,૦૪૭ની રાષ્‍ટ્રીય સંપતિની ચોરીની ગંભીરતા તેમજ તપાસમાં કબ્‍જે કરેલ સરકારી ખરાબાની જમીનનું સ્‍ટેમ્‍પ ઉપરનું વેચાણનું લખાણ અને ભાગીદારોની ટકાવારીનું લખાણ તથા મુખ્‍ય જીલ્લા સરકારી વકીલ લાખાભાઇ આર.ચાવડાની દલીલ ધ્‍યાને લઇ ચારેય આરોપીઓની જામીન અરજી રદ કરેલ છે.

(1:04 pm IST)
  • અયોધ્યામાં રામ મંદિર નિર્માણ માટે દાનનો ધોધ : ઉત્તરાખંડના રાજ્યપાલ બેબી રાની મૌર્યએ 1 લાખ 21 હજાર તથા મહારાષ્ટ્રના રાજ્યપાલ ભગતસિંહ કોશિયારીએ 1 લાખ 11 હજાર રૂપિયા આપ્યા : ઉત્તરાખંડના મુખ્યમંત્રી ત્રિવેન્દ્ર સિંહ રાવતે 1 લાખ 51 હજાર તથા ઉત્તર પ્રદેશના મુખ્યમંત્રી યોગી આદિત્યનાથે 2 લાખ રૂપિયાનું ડોનેશન આપ્યું : ઉત્તર પ્રદેશના રાયબરેલી જિલ્લાના તેજગામ ના પૂર્વ ધારાસભ્ય સુરેન્દ્ર બહાદુર સિંહએ 1 કરોડ , 11 લાખ ,11 હજાર ,111 રૂપિયા આપ્યા : ' જય શ્રી રામ " access_time 12:07 pm IST

  • કેરળમાં ચૂંટણી પહેલાનું ડાબેરી સરકારનું છેલ્લું ફુલગુલાબી બજેટ : પેનશનમાં વધારો : ખેડૂતો પાસેથી ખરીદવામાં આવતી ખેત પેદાશોના લઘુતમ મૂલ્યમાં વધારો : આરોગ્ય ક્ષેત્રે નવી ચાર હજાર નોકરીઓનું નિર્માણ : 50 લાખ યુવાનોને હુન્નર માટે કૌશલ્ય આપવાનું આયોજન : ગરીબ પરિવારોને ઓછી કિંમતે લેપટોપ અપાશે : થોડા મહિના પછી ધારાસભાની ચૂંટણી access_time 6:48 pm IST

  • દિલ્હીની રામ મનોહર લોહિયા હોસ્પિટલના ડોક્ટરોનો કોવેક્સિન રસી લેવાનો ઇન્કાર : રેસિડન્ટ ડોક્ટરોએ મેડિકલ સુપ્રિટેડન્ટને પત્ર લખ્યો : ભારત બાયોટેકની કોવેક્સિનને બદલે કોવીશીલ્ડ આપવા માંગણી કરી : કોવેક્સિનની ટ્રાયલ અધૂરી હોવાનું મંતવ્ય access_time 1:52 pm IST