Gujarati News

Gujarati News

News of Saturday, 16th January 2021

સોરઠમાં વેકસિનેશનઃ પ્રથમ તબકકામાં હેલ્થ વર્કરોને કોવિડ શીલ્ડનો ડોઝ

જુનાગઢમાં બે સ્થળે તેમજ ચોરવાડ, કેશોદ, માંગરોળ અને વડાલમાં રસીકરણ

(વિનુ જોષી દ્વારા) જુનાગઢ તા. ૧૬ : કોરોનાને દેશવટો આપવા આજે સવારથી શરૂ દેશ વ્યાપી રસીકરણ મેગા અભિયાનના ભાગરૂપે જુનાગઢ જિલ્લામાં સવારથી વેકિસનેશન શરૂ કરવામાં આવેલ છે.

પ્રારંભીક તબકકામાં જુનાગઢમાં નવી સિવિલ હોસ્પિટલ તેમજ ગણેશનગર હેલ્થ સેન્ટર ખાતે ૧૦૦-૧૦૦ આરોગ્ય કર્મીનું રસીકરણ હાથ ધરવામાં આવેલ.

જયારે જિલ્લામાં ચોરવાડી સીએચસી કેશોદ-સીડીએચ, માંગરોળ, યુપીએચસી અને વડાલ પીએચસી સેન્ટર ખાતે શરૂ ૪૦૦ આરોગ્ય કર્મચારીઓનું રસી કરણ શરૂ કરવામાં આવેલ છે.

રસી કરણ અભિયાનનો પ્રારંભ કેબીનેટ મંત્રી જવાહરભાઇ ચાવડા, કલેકટર ડો. સૌરભ પારધી, મેયર ધીરૂભાઇ ગોહેલ, ડી.ડી.ઓ. પ્રવિણ ચૌધરી, મ્યુનિ. કમિશ્નર તુષાર સુમેરા વગેરેએ ઉપસ્થિત રહીને કરાવ્યો હતો.

બીજી બાજુ ગુજરાત રાજય આરોગ્ય કર્મચારી મહાસંઘના એલાન મુજબ હડતાળ ચાલતી હોય જુનાગઢ જિલ્લામાં પ૦૦ જેટલા આરોગ્ય કર્મચારીઓ રસીકરણ કાર્યક્રમથી અળગા રહ્યા હોવાનું જાણવા મળેલ છે.

(12:53 pm IST)
  • ' માનવ જબ જોર લગાતા હૈ ,પથ્થર પાની બન જાતા હૈ ' : વડાપ્રધાન શ્રી નરેન્દ્ર મોદીએ ટીકાકરણની શરૂઆત પ્રસંગે રાષ્ટ્રકવિ રામધારી સિંહ દિનકરની કવિતાની પંક્તિ ટાંકી : પ્રથમ તબક્કે 1 કરોડ હેલ્થ વર્કર ,તથા 2 કરોડ ફ્રન્ટલાઈન વર્કર્સને રસી અપાશે access_time 11:08 am IST

  • ભાજપનું સખળડખળ સમુનમુ કરવા અમિતભાઇ કર્ણાટક દોડ્યા : કેન્દ્રીય ગૃહમંત્રી અમિત શાહ બે દિવસીય કર્ણાટકના પ્રવાસે જઈ રહયા છે. RAF ફોર્સની નવી બટાલિયન કેમ્પસનો શિલાન્યાસ કરશે, અને મંત્રીમંડળના વિસ્તરણ બાદ નારાજ ધારાસભ્યો સાથે ચર્ચા કરશે તેમ જાણવા મળે છે access_time 1:47 pm IST

  • સમાજવાદી પાર્ટીના કદાવર નેતા આઝમ ખાં ને ઝટકો : જોહર યુનિવર્સીટીની 70 હેકટર જમીન યુ.પી.સરકારના નામે થઇ જશે : એસ.પી.પાર્ટીના રાજમાં સેંકડો વીઘા જમીન જોહર ટ્રસ્ટને પાણીના ભાવે અપાઈ હતી : એ.ડી.એમ.કોર્ટનો ચુકાદો access_time 8:14 pm IST