Gujarati News

Gujarati News

News of Saturday, 16th January 2021

ચોટીલા ટોલનાકા પાસે ગેસ ભરેલા ટેન્કરમાં આગ

આગમાં કેબીન બળીને ખાકઃ રાજકોટ અને ચોટીલા ફાયરબ્રીગેડ સ્ટાફે આગ બુઝાવી

રાજકોટ : જામનગર રીલાયન્સમાંથી ગેસ ભરીને અગ્રવાલ રોડ લાયન્સના ટેન્કર અમદાવાદ તરફ જતુ હતું. ત્યારે ચોટીલા ટોલનાકા પાસે પહોંચતા ટેન્કરમાં એકાએક આગ લાગતા ટેન્કર ચાલક અને કલીનરે તાકીદે ટેન્કરને રોડની સાઇડમાં ઉભો રાખી તાકીદે બહાર નીકળી ગયા હતાં. ટેન્કર ચાલક મહંમદ ઇરફાને ફાયર બ્રિગેડમાં જાણ કરતા રાજકોટ બેડીપરા ફાયર બ્રીગેડના ફાયરમેન બાબુભાઇ અને ધ્રુવભાઇ ત્રિવેદી એ તાકીદે એક ફાયર ફાઇટર સાથે સ્થળ પર પહોંચી ગયા હતાં. અને ચોટીલા ફાયર બ્રિગેડ સ્ટાફ પણ મીની ફાયર ફાઇટર સાથે સ્થળ પર પહોંચી પાણીનો મારો ચલાવી આગ બુઝાવી હતી. આગ ટેન્કરના કેબીનમાં લાગી હતી. આગમાં ટેન્કરની કેબીનનો ભાગ બળી ગયો હતો. ટેન્કરમાં આઇસો બ્યુટીલેન નામનો ગેસ ભર્યો હતો. ફાયર બ્રિગેડ સ્ટાફે તાકીદે સ્થળ પર પહોંચી આગને કાબુમાં લેતા મોટી જાનહાની થતા અટકી હતી.

(12:07 pm IST)
  • સમગ્ર પાટનગર ઉપર : ધુમ્મસની ચાદર છવાઇ ગઈ :આજે સવારે રાજધાની નવી દિલ્હીના લગભગ તમામ વિસ્તારો ઉપર ગાઢ ધુમ્મસની ઘેરી ચાદર છવાઈ ગયાનું દ્રશ્ય જોવા મળતું હતું. આવતા ચોવીસ કલાકમાં ટેમ્પરેચરમાં થોડો ઘટાડો થશે. દિલ્હી એરપોર્ટ ઉપર આવતી અને જતી ઘણી ફ્લાઇટો આ ધુમ્મસને લીધે મોડી થઈ રહી હતી. સવારે સાડા આઠ વાગ્યે પણ દિલ્હી એરપોર્ટ ના રન-વે ઉપર ઝીરો વિઝિબિલિટી જોવા મળી હતી. access_time 11:39 am IST

  • ભાજપ સાંસદ સાધ્વી પ્રજ્ઞાએ પોતાને મળતા પગારમાંથી 1.11 લાખ રૂપિયા રામ મંદિર નિર્માણ માટે આપ્યા : ભારત ભક્તિ અખાડા તરફથી 11 લાખ રૂપિયાનું દાન આપ્યું : વિશ્વ હિન્દૂ પરિષદને ચેક આપતી વખતે મંદિર નિર્માણમાં તેઓના સહયોગને બિરદાવ્યું access_time 6:27 pm IST

  • રોહિત શર્મા પણ આઉટ - ૬૦/૨ : ચેતેશ્વર પૂજારા ૮ અને અજિન્કય રહાણે ૦ રને દાવમાં access_time 9:49 am IST