Gujarati News

Gujarati News

News of Saturday, 16th January 2021

જુનાગઢમાં વધુ એક બુટલેગરના વિશાળ બંગલા પર બુલડોઝર

ગેરકાયદેસરના બાંધકામ પર બંદોબસ્ત વચ્ચે ડિમોલીશન

(વિનુ જોશી દ્વારા) જુનાગઢ તા. ૧૬ :.. આજે સવારથી વધુ એક બુટલેગરનાં વિશાળ બંગલા પર તંત્રએ બુલડોઝર ફેરવી ડિમોલીશન હાથ ધર્યુ છે.

લીરબાઇપરામાં રહેતા દારૃનાં ધંધાર્થી લખમણ ઉર્ફે બબન નાથાભાઇ કોડીયાતરે પેશકદમી કરી વિશાળ બંગલો બનાવી લીધો હોવાનું ધ્યાન પર આવતા કલેકટર ડો. સૌરભ પારઘીની સુચનાથી એસ. ડી. એમ  અંકિત પન્નુનાં માર્ગદર્શન હેઠળ મામલતદાર ચૌહાણ વગેરે દ્વારા આજે સવારથી ડિમોલીશન શરૃ કરવામાં આવેલ.

જો કે ડિમોલીશનની કાર્યવાહી શરૃ થાય તે પહેલા જ લખમણ કોડિયાતર અને તેનાં પરિવારજનોએ ઘર વખરી સહિતનો સરસામાન અન્યત્ર ફેરવી નાખ્યો હતો.

આ કાર્યવાહી દરમ્યાન કાયદો-વ્યવસ્થા અને સુરક્ષા જળવાય રહે તે માટે એસપી રવિ તેજા વાસમ સેટીની સુચનાથી ડીવાયએસપી પ્રદીપસિંહ જાડેજા, શ્રી બારૈયા તેમજ ક્રાઇમ  બ્રાંચનાં ઇન્ચાર્જ પી. આઇ. શ્રી ભાટી, સી ડીવીઝનના પીએસઆઇ પી. જે. બોદર વગેરેએ સતત ખડેપગે રહીને બંદોબસ્ત જાળવ્યો હતો.

દરમ્યાન બુલડોઝર સહિતના સાધનોની મદદથી બંગલાનું ડિમોલીશન કરી જગ્યા ખુલ્લી કરવામાં આવી હતી.

(12:04 pm IST)
  • કોવેક્સિન રસી બનાવતી કંપની ભારત બાયોટેક્નું એલાન : રસીની અવળી અસર થશે તો સારવારનો ખર્ચ કંપની ઉઠાવશે : ગંભીર અસર થાય તો વળતર ચુકવશે access_time 8:41 pm IST

  • ૧૦૦ પૂર્વ સનદી અધિકારીઓના ગ્રુપે પીએમ કેર્સ ફંડની ટ્રાન્સપરન્સી સામે આંગળી ચીંધી દેશના સો જેટલા પૂર્વ આઇએએસ ઓફિસરોના ગ્રુપે વડાપ્રધાન નરેન્દ્રભાઇ મોદીને પત્ર પાઠવી પીએમ કેર્સ ફંડની પારદર્શિતા અંગે પ્રશ્ન ઉઠાવ્યા છે access_time 7:39 pm IST

  • દેશમાં કોરોના થાક્યો; નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 14,019 કેસ નોંધાયા :કુલ કેસની સંખ્યા 1,05, ,57,679 થઇ :એક્ટિવ કેસ 2,06,879 થયા: વધુ 15,011 દર્દીઓ સ્વસ્થ થતા કુલ 1,01,93,994 થયા :વધુ 162 લોકોના મોત સાથે કુલ મૃત્યુઆંક 1,52,292 થયા access_time 12:56 am IST