Gujarati News

Gujarati News

News of Saturday, 16th January 2021

વાંકાનેર બાઉન્‍ડ્રી પાસેથી રાજકોટ આવતો રપ લાખનો દારૂનો જથ્‍થો ભરેલ ટ્રક આરઆર સેલે ઝડપી લીધો

પોલીસને શંકા ન જાય તે માટે ડાકપાર્સલના બંધ મકાનમાં દારૂનો જથ્‍થો છુપાવ્‍યો તોઃ દારૂની બોટલ નંગ ૬૪૬૮ તથા ટ્રક મળી કુલ ૩૯.પ૩ લાખનો મુદામાલ કબ્‍જેઃ પી.આઇ.એમ.પી.વાળા તથા ટીમનો દરોડો

તસ્‍વીરમાં પકડાયેલ ટ્રક, ડ્રાઇવર તથા દારૂનો જંગી જથ્‍થો નજરે પડે છે.

રાજકોટ તા. ૧૬ : વાંકાનેર બાઉન્‍ડ્રી પાસેથી રાજકોટ આર.આર.સેલની ટીમે ડાકપાર્સલના બંધ બોડીના ટ્રકમાં છુપાવેલ રપ લાખના દારૂના જથ્‍થા સાથે ટ્રક ડ્રાઇવરને ઝડપી લીધો હતો.

પ્રાપ્‍ય વિગતો મુજબ રાજકોટ રેન્‍જમાં દારૂ-જુગારની ગેરકાયદે પ્રવૃતિઓ ઉપર કડક કાર્યવાહી કરવા ડી.આઇ.જી. પી.સંદીપસિંહ આપેલ સુચના અન્‍વયે રાજકોટ રેન્‍જના પી.આઇ.એમ.પી.વાળા તથા સ્‍ટાફ વાંકાનેર બાઉન્‍ડ્રી પાસે પેટ્રોલીંગમાં હતા ત્‍યારે મળેલ ચોકકસ બાતમીના આધારે વાહન ચેકીંગ દરમિયાન બંધ બોડીના શંકાસ્‍પદ ટ્રક નં . એમ.એચ.૪૬ બીએમ ૦૧૬૯ ને રોકી તલાસી લેતા તેમાંથી અલગ અલગ ઇંગ્‍લીશ બ્રાંડનો દારૂનો જથ્‍થો બોટલ નંગ ૬૪૬૮ કિ. ર૪.૪૯ લાખ તથા ટ્રક, મોબાઇલ અને રોકડ રકમ મળી કુલ ૩૯,પ૩,૩૪૦ ના મુદામાલ સાથે ટ્રક ડ્રાઇવર રઘુવીરસિંઘ રામેશ્વરલાલ ચંદુલાલ રે. ગુસાઇઓના જી. સીસરા, હરીયાણાને ઝડપી લીધો હતો.

આર.આર.સેલની ટીમે પકડાયેલ ડ્રાઇવર તથા દારૂ ભરેલ ટ્રક સોપનાર મુકેશ તથા ટ્રકમાં વિદેશી દારૂ ભરી આપનાર શખ્‍સસામે વાંકાનેર તાલુકા પોલીસ મથકમાં ગુન્‍હો દાખલ કરાવ્‍યો હતો.

પકડાયેલ ડ્રાઇવરે આ દારૂનો જથ્‍થો રાજકોટ પહોંચાડવાનો હોવાની કબુલાત આપી હતી ડ્રાઇવરના જણાવ્‍યા મુજબ રાજકોટ પહોચ્‍યા પુર્વે કુવાડવા પહોંચી ફોન આવવાનો હતો પણ તે પુવે તે પોલીસના હાથે પકડાઇ ગયો હતો આ દારૂનો જથ્‍થો કોનેઆપવાનો હતો ? તે અંગે તપાસનો ધમધમાટ શરૂ કરાયોછે.

આ કાર્યવાહીમાં આર.આર.સેલના રસીકભાઇ પટેલ, કુલદીપસિંહ ચુડાસમા તથા શિવરાજભાઇ ખાચર સહિતનો સ્‍ટાફ જોડાયો હતો.

(11:35 am IST)
  • ટીમ ઈન્ડિયાના ક્રિકેટરો હાર્દિક અને કૃણાલ પંડ્યાના પિતાશ્રીનું નિધન : ભારતીય ટીમના ઓલરાઉન્ડરો હાર્દિક પંડ્યા અને કૃણાલ પંડ્યાના પિતાશ્રી હિમાંશુ પંડ્યાનું આજે વડોદરામાં વ્હેલી સવારે હાર્ટએટેકનો હુમલો આવતા દુઃખદ નિધન : કૃણાલ સૈયદ મુસ્તાક અલી ટી-૨૦ ટુર્નામેન્ટ છોડી રવાના થઈ ગયો હોવાનું જાણવા મળે છે. સવારે ૧૦ વાગ્યે access_time 10:10 am IST

  • ' માનવ જબ જોર લગાતા હૈ ,પથ્થર પાની બન જાતા હૈ ' : વડાપ્રધાન શ્રી નરેન્દ્ર મોદીએ ટીકાકરણની શરૂઆત પ્રસંગે રાષ્ટ્રકવિ રામધારી સિંહ દિનકરની કવિતાની પંક્તિ ટાંકી : પ્રથમ તબક્કે 1 કરોડ હેલ્થ વર્કર ,તથા 2 કરોડ ફ્રન્ટલાઈન વર્કર્સને રસી અપાશે access_time 11:08 am IST

  • ૧૦૦ પૂર્વ સનદી અધિકારીઓના ગ્રુપે પીએમ કેર્સ ફંડની ટ્રાન્સપરન્સી સામે આંગળી ચીંધી દેશના સો જેટલા પૂર્વ આઇએએસ ઓફિસરોના ગ્રુપે વડાપ્રધાન નરેન્દ્રભાઇ મોદીને પત્ર પાઠવી પીએમ કેર્સ ફંડની પારદર્શિતા અંગે પ્રશ્ન ઉઠાવ્યા છે access_time 7:39 pm IST